¹ Hali ije thimbu ya litangwa lya sapalalo Yesu wethzile mumahya. Bandongethi bendi bathzile njala cho baputukile kulya mitwe ya bimbuto. ² Oloni omu bafaliseo babamwene,bendekele kuli Yesu ngwabo, "Kenga bandongethi bobe banakulinga echi babyanetha ha sapalalo." ³ Oloni Yesu wendekele kuli bakebo ngwendi, "Kanda laja muthzibe echi walingile Ndavita hathimbu wakele na njala ndi,na banu baje wakelenabo? ⁴ Wakobelele munjubo ya Njambi nakulya makende akelemo,echi babyanetha ikeye kulya nambe baje wakele nabo,oloni batabetha tupilisitu lika. ⁵ Kanda mutande mumashiko ngwabo haliatngwa lya sapalalo tupilisitu mu tembele bakaluwanganetha sapalalo oloni kubethi kukala na mulonga? ⁶ Oloni njimileka ngwange umo ou atubakana ha tembele ali hano. ⁷ Ngwe mwathzibukile omu chalumbunukila echi, njithetela ng'eke kethi bwana, ngwe kumuhitha baje bakujeneka milonga. ⁸ Mwafwa Muna Munu wapwa Shukulu wa Sapalalo."' ⁹ Cho Yesu wakatukile nakuya mu Sinangonga yabo. ¹⁰ Taleni, kwakele munalume wakele na liboko lya kutholyatela. Bafaliseo behwile Yesu, ngwabo, "Chinatemo kuthaka ha sapalalo ndi?" managana bamuwaneneho mulonga wakulinga bubi. ¹¹ Yesu wendekele kuli bakebo mgwendi, "Mnu muka hakati keni,ou nga ali lika na manga umo,cho ou manga awila mubwina ha sapalalo,katha kuya na kamutundithamo? ¹² Kulema cha mushobo muka,honi,chiakala na munu kutubakana manga chonga chije chinatela kulinga bya bibwa ha sapalalo." ¹³ Cho Yesu wendekele kuli uje munualume ngwendi, "Tandubula liboko lyobe." Walitandubwile,cho layakangukile,ngwe omu lyakele liboko likwabo. ¹⁴ Oloni ba faliseo batundile nakumukwatela butumbe. Bashakathzekele ngila ya kumuthsiyilamo. ¹⁵ Omwo Yesu wachimwene echi,watundileko. Banu babangi bamukabele,cho boshe wabakangwile. ¹⁶ Wabakambeyele kwonowa kubathzibukitha bamutanekeye kubanu bakwabo, ¹⁷ linga chikale cha kushulithiwa,chije bendekel muli kapolofita Isaya,ngwabo, ¹⁸ "Kenga,ndungo yange ou njinandula; ou injathzema,omu mwonyo wange ukabwahelelamo. njikaka munthzinthzime wange hali ikeye,cho akambulula kulonga kuli bakamafuti. ¹⁹ Katha kukalithindwiya nameme kulila mukutambakana; nameme kukakale wakuthziba lijwi lyendi mubongila. ²⁰ Kakatha kupokola lihongo lya kutepama; kakathzimi bwithi bwa mwiba ulinakukakama,kweta nomu buthunga buka sholoka. ²¹ Cho mulithzina lyendi bakamafuti bakakala na chinyanngabili." ²² Cho munu umo wa kapuputwa na kwoloka,wakushula na lyamba,bamunenele kuli Yesu. Wamukangwile,nakwatha kwendeka na kumona. ²³ Mbunga yoshe yakomokele na kwendeka ngwabo,"Ou munalume nathakukala muna Ndaviti?'' ²⁴ Oloni omu ba faliseo bathzibile echi chokomowetho,bendekele ngwabo, "Ou munalume kethi kutunditha mamba kubanga minthzinthzime ya kujwala." ²⁵ Oloni Yesu wathzibukile bithinganyeka byabo nakwenda kuli bakebo ngwendi, "Nganda yoshe ilyandula ibenya inapu ya kwimana hayo lika,cho limbo lyoshe lilipanga libenya kulyatha kwimana na kwishwala. ²⁶ Nga satana atundithaho satana,cho nalyandununa babenya. Choni bumwene bwendi bwatha kwimana bati? ²⁷ Cho nga njitunditha mamba na ndthzli y a mbelezebulu,bana beni batunditha na nthzili yeya? hamulonga wechi bakakala bakakusompetha beni. ²⁸ Oloni nga njitunditha mamba nanthzili ya munthzinthzime wa Njambi,cho bumwene bwa Njambi bunaija hali yeni. ²⁹ Munu akobela bati munjubo ya munu wakutakama na kuliba cha kwilika kubangela kukuta uje ibenya wakutakama? cho atha na kwiba bikumba byendi kutunda muje munjubo. ³⁰ Ou umo kethi hamo nange napu mukang'ole nange, cho ou kethi na kukungulula hamo nange napu mukakushandola. ³¹ Chongachije njendeka kuli yeni,bubi bwoshe nakushaula banu bakabakonekela,oloni ou akashaula munthzinthzime kubakamukonekela. ³² Aliwoshe akendeka lijwi lya libi hali Muna Munu,bakamukonekela. Oloni aliwoshe akendeka lijwi lya libi ha mundthzindthzime, kubakatha kumukonekela ,chikale mulifuti lino,nameme lije likaija. ³³ Kaleni muti waubwa cho mukala na bushuka bwa bu bwa,nambe pweni muti waubi cho mukala na bushuka bwa bubi, mwafwa muti woshe bautanekeyela ha bushuka bwawo. ³⁴ Yeni bana bamanyoka,mwafwa mwashula na bubi,mwendeka bati byuma bya bibwa? mwafwa kutuma cha byuma byashula mumbenge bikebyo kakendeka kanuhu. ³⁵ Kubufuko bwa bubwa bwakala mumbunge ya munu mukatundu bubwa,cho nabufuko bwa bubi bwa kala mumbunge ya munu mukatundu bubi. ³⁶ Njimileka ngwange haliatngwa lya kuthomoetha banu bakalumbununa ha byuma bibi bya lijwi lyoshe eli bendekele. ³⁷ Mwafwa hamajwi eni jakeho bakamithambethala,cho ha majwi eni lalo hakeho bakamihitha." ³⁸ Cho bakakuthoneka bamo na bafaliseo bamukumbulwile ngwabo, "Mulongethi,tunakuthsila kumonako chimwetho kuli yobe." ³⁹ Oloni Yesu wabakumbulwile na kwendeka kuli bakebo ngwendi. "Shoko ya bubi na bukwithzi ikashaka kumona chimwetho.Oloni kubakabana chimwetho chahi kubanga chimwetho chaka polofita Yona. ⁴⁰ Hakupwa Yona watumabamene matangwa na mathsiki atatu mwimo lya ithi,mukemwo na Muna Munu akatumbama matangwa na mathsiki atatu mwithi lya mbumbo. ⁴¹ Banu baku Ninive bakemana kuchithompethelo hamolika na shokwei ya banu cho bakayilwitha.Mwafwa batengulukile ha kulongetha kwa Yona,na kumona,umo wakuhyana kulema hali Yona hali hano. ⁴² Cho mwene wa munakathzi wakushango akemana kuchithompethelo na banalume bashokweyi ya banu na kuliwtha, Wethzile kutunda kumamanethelelo ha lifuti kwija na kuthziba ku maana a Solomoni,nakutala,umo ou wakulyana Solomoni ali kuno. ⁴³ Omu uje munthzinthzime wakujwala watundile muli munu,wetile mu byela bya kweneka mema nakushakethzeka kwakuhwimina,oloni kubawa wanene kumo. ⁴⁴ Cho wendekele ngwendi, 'njiluka munjubo yange muje njatundile.' omu welukile,wa wanene muje munjubo banakombomo bwino. ⁴⁵ Cho waile nakwamabta minthzinthzime ikwabo itanu na ibali yakutenuka kuhyana ukewo,cho yethzile na kutumbama munje bene.Cho mamanethelelelo akuyoya cha uje munu abihya kutubakanetha ha kulibanga. Chikakala bene ngocho na shuko eyi ya bubi." ⁴⁶ Thimbu Yesu wakele na kwendeka ku mbunga,achikengeni,baina na bandolome bemanene hanja,kushaka kendeka nendi. ⁴⁷ Umo wendekele kuli ikeye ngwendi, "Kenga,Bnayoko na bandolome banemana hanja,bashaka kwendeka nobe." ⁴⁸ Oloni Yesu wamukumbulwile na kwendeka ngwendi,"Nana ikeye iyajo cho na bandolome bakebo beyajo?" ⁴⁹ Cho wolwele liboko kuli bandongethi nakwendeka ngwendi, "Kenga,banana na bandolome bange! ⁵⁰ Mwafwa ou woshe alinga kushaka kwa Tateou ali mwilu,owo munu napu ndolome,na ndokathzi,na banana yange."