¹ Ubobo acho chihwuminano chitaanzhi kachikwete mbuchelele kupailwa alimwi u busena bwa kupayilila. ² Itente lya kupayilila lyakabambwa. Busena butaanzhi, momo chibikilo che lampi, itebulu, u chinkwa nguchiboneka, kabutewa ati busena busalala. ³ Kunze lye kwisani lyabili kakuli busena bumwi mwi tente, bwaakutewa ati busena busalalisha. ⁴ Kabukwete chipayililo cha goludi akubika tunukilizho. Kaali ikwati lya chihwuminano, lelyo lyakaakuhwumbilwe goludi waloolona ezeulu. mukati kamuli kabiya ka goludi mwakaakubikwa manna, umusako waka Aloni wakaakumenene ma luba, alimwi u mabwe a chihwuminano. ⁵ Ezeulu lye kwati lya chizhwuminano, Chelabimu wabulemu wakabika chinhwule a chihwunisho chakalumbulilwa ba shishibi, nchitutakonzha kwaamba manji manji kwa ninzho. ⁶ Nibakamaninzha kubamba shintu sheshi, bapayizhi lyoonse kabenjila mu busena bwe tente kusebeza milimo yabo. ⁷ Pele bulyo mupaizhi mukando nguwakaakunjila mu busena bwabili, lyomwi a mwaka, alimwi kenjila u bulowa bobo mbwaapa impayizho lwakwe mwini u shibi sha bantu bamwi shakutalizandila beni. ⁸ Moza usalala wakatondezha kwaamba kuti itente lya kutanguna kalichizhimine kutozha kuya mu busena busalalisha kabutana kubonwa. ⁹ Chechi kachili chitondezho ukwa cheno chiindi. Shipo alimwi u shipayizho shesho shipewa bwasunu tashikonzha kululamika manjezheezhe a mukombi. ¹⁰ Balo balabika mizeezo kuli shakulya usha kunwa uku kusazhanya shakusama, bubambe bwa mubili kushikila chiindi cha bubambe bupiya. ¹¹ Kilisito wakazhiza bu mupayizhi mukando uwa shintu shibotu shesho shakezhiza. Wakayita mushintu shikando alimwi u mwi tente libaala kululama lelyo lyatakapangwa u matashi a bantu, leli talili lyaanshi ano. ¹² Kabutali bulowa bwa mpongo naa bwa boombe, pele ku bulowa bwakwe mwini wakanjila lyomwi lyalo mu busena busalalisha kuya kutuletela kunununwa kwa lyoonse. ^{13 14 15} ukuti na bulowa ubwampongo ubwa ba cheendealimwi ukusansaila ukwa mpwizhi itwe ubobo ubatasalali kabapa impaizhi kusalazha mibili yabo.-- Nochilibuti unizho bulowa ubwa kilisito, kwitila mumoza uwa leza wakalipa mukamwini umwina ubulemu nibuba bomwi ukwa leza. atulisalazhe kuvwa kuchinto ifwile kaamba tusebezele leza ulanga?-- kaambo kutelaika koku, nguhimina momu muchipangano chipiya. chechi chili bobo, pele lufu mbulwachitikila kale kununina babo ubali muchipangano uchakataanguna kuvwa kushibi babo ubati bakompololwe balakatumbola chishomyo ucha bumi butamani. ^{16 17} kaambo ukuli kuzandisha lufu ulwamuntu uwakapanga chilyeleelele kubonya.-- kaambo kuzndisha kulabonya kwaba lufu, ubobo kulabula buchite wezo uwachipanga uchipona. ^{18 19 20} Ubobo nikuba chipangano uchakutanguna chaapangwa ukwiina bulowa. -- kaambo mozesi wakapa mulawo umulawo insana kubantu boonse, wakabweza bulowa ubwa toombe ubwa tupongo, umeenzhi, uchi woolu uchisubila, u hysop, ukusansaila ibuka ubantu boonse. Amane wakaamba, "bobu mbulowa ubwa chipangano checho leza chakamba ucha nsana ukwenu." ^{21 22} Muhila yomwi, wakasasaila bulowa muchopaililo ushakusebezha shoonse ushakusebezha muchipaililo. -- kuchilila mulawo, shoonse shakasalazhiwa ubulowa. ukwiina kutila bulowa kwiina kulekelelwa. ²³ Inzho chilazandika kwaamba ati shikozhana u shintu sha kwizeulu shilyeelele kusalazhiwa u shipayizho sha banyama baba. Nikuba bobo, shintu sha mazeulu shalo shini shilyeelele kusalazhiwa shipayizho shibotusha. ²⁴ Kaambo Kilisito wiina naakanjila mu busna busalalisha bwa kapangwa u matashi a bantu, chalo chilakozhana bulyo u chikozhano chini chini. Pele wakanjila kwizeulu kwini, kuya kutuzhiminina kumbele lya leza u kaambo kesu. ²⁵ Wiina naakaya kolya kwaamba ati a kalipe mwini kwa shiindi shinji shinji, u koya mbubona mbwaachita mupayizhi mukando uunjila mu busena busalalisha mwaka u mwaka u bulowa bwa umwi. ²⁶ Naakuti bobo mbuchaakubele, nkukuti naakapenga shiindi shinji shinji kuvwa ku matalikilo a luundu. Pele ninzho wakabulika kumamanino a misela kuleka kuchita chibi kwiita mu kulipa lwakwe mwini. ²⁷ Mbubona muntu mbwaayelele kufwa lyomwi, kwamana bobo kulazhiza kubetekwa. ²⁸ Mbubona bobo, Kilisito wakaabwa lyomwi kwaamba a bweze shibi sha banji banji, ulakabulika alimwi lwabili, takazhiza ku kusha shibi, pele kwiza kufwutula babo bamulindilila.