¹ Melekizedeki wezu, kali mwami wa Salemu, mupayizhi waka Leza mukando, wakaswaanganya Abulahamu naakazhoka kuhwa kuyaya bami amane wakamulongezha. ² Inguwe wezu Abulahamu ngwaakapa che kumi kuhwa ku shintu shoonse nshaakasaala kunkondo. Chakutaanguna, inzhina lya Melekizedeki lilapandulula ati, "mwami wa bululami"; alimwi kali "mwami wa Salemu," chalo chipandulula ati, mwami wa luumuno." ³ Kayina ushi, kayina bayina, naaba shika mukowa wakwe, nikuba ku matalikilo a mazuba naaba mamanino aa bumi. kali ukoya Mwanaa Leza, mupayizhi wa lyoonse. ⁴ Bona bukando bwa mulombwana wezu wezo walo shaakale Abulahamu ngwaakapa che kumi ku shintu shesho nshaakasaala ku lumamba. ⁵ Ba lunungu lwaka Levi babo batambula mulimo wa bupayizhi balikwete insana shakubwezelela che kumi kuhwa ku bantu kwiingayina u mulawo, mbubobo, kuhwa ku banyokwabo, nikuba ati abo, mba lunungu lwaka Abulahamu. ⁶ Pele Melekizedeki, walo katali wa mukowa waba Levi, wakatambula che kumi kuhwa kwa Abulahamu, alimwi wakamulongezha,wezo walo wakaakukwete shishomezho. ⁷ Kwiina linji kuzuluzha kwaamba ati ulongezha mukando kubaala wezo u longezhewa. ⁸ Mu kaambo kaka, balombwana mbubatambula che kumi, pele mu kaambo kaka chilapa bumboni kwaamba ati ulapona lyoonse. ⁹ Alimwi, kwaamba kwini, Levy, wezo wakaakutambula che kumi, aze kapa che kumi kwiita mwa Abulahamu, ¹⁰ kaambo Levy kali mu mubili waba shaakale bakwe lelyo Melekizedeki naakaswaangana u Abulahamu. ¹¹ Naakuti kakukozheka kululamikwa kwiitila mu busolozhi bwa bupayizhi bwaba Levy (muli nchicho bantu bakatambula mulawo), nchiiyi chichizandika kwaamba kube mupayizhi umwi u bawo kuba ukoya Melekizedeki, alimwi talangilwa kuya kuba mbwaakubele Aloni? ¹² Kuti naa bupayizhi bwa chinchiwa, u mulawo awo ulyeelele kuchinchiwa. ¹³ Kuli wezo walo sheshi shintu ngu shaamba ngwa mushobo unji, kwalo kwiina naaba womwi wakasebeza kale ku chipayililo. ¹⁴ Inzho chilatondezha atuba kuti kakuli mwa Juda mwaakazhalilwa Mwami, mushobo wezo Mozesi ngwaayina nakoobanda ku twaambo twa sha bupayizhi. ¹⁵ Nchitwaamba nchichechi inzho chaba atuba kwabuka mupayizhi umwi uuli ukoya Melekizedeki. ¹⁶ Wezu walo wakaba mupayizhi, kutali kuchilila chiyanza cha mulawo, pele kwiita munsana sha bumi butamana. ¹⁷ Ukoya malembe mbwaapa bumboni ku twaambo twakwe: "Uli mupayizhi wa lyoonse kwiingayina u bupayizhi bwaka Melekizedeki." ¹⁸ Kaambo takuli kwaamba ati mulawo wakaakuliko wakabikwa a mabali u kaambo kakuti wakauba ukubula mulimo-- ¹⁹ kaambo mulawo kwiina nchiwakalulamika chintu chibotu--pele bulangizhi buli bubotu bwakazubululwa, kwiita mukuswena kufwaafwi kwa Leza. ²⁰ Alimwi kakutambikwa bulyo kwiina kutapinga! bamwi bakaba bapaizhi chakutalipinga, ²¹ pele wakaba mupaizhi kwiita mukulipinga kuli wezo walo wakaamba kwakwe ati, "Mwami wapinga alimwi wiina naaya kachincha muzeezo wakwe; 'Uuli mupaizhi wa lyoonse."' ²² Kuli chechi Jeso wakashomezha chihwuminano chili kabotu. ²³ Bapayizhi bakaakuliko kabali banji banji ku mweelwe, kaambo ka lufwu lwakabakasha kutolelela mu mulimo. ²⁴ Pele kaambo Jeso wakatolelela kupona lyoonse, ulikwete bupaizhi u butakaamana. ²⁵ U bobo u lakonzha kubafwutula chakumaninina babo boonse baya kwa Leza kwiita mwakwe, kaambo walo lyoonse u lapona u labeenzelela mu busena bwabo. ²⁶ U bobo chileelela kwaamba tukwate mupaizhi mukando uuli ukoya wezu, uusalala, wiina butongo, usalala, uu tasangene u bashishibi, alimwi ulisumpulilwe kubaala mazeulu. ²⁷ Takuzandika, kuba ukoya bapayizhi bakando, kupa chipayizho buzuba ubuzuba, kutaanguna ku shibi shakwe mwini, amana shibi sha bantu bamwi. Wakachita chechi chiindi chomwi nakalyaaba lwakwe mwini. ²⁸ Kaambo mulawo ulabika mupaizhi mukando mulombwana utaluleme. Pele izwi lya kulipinga, lyakashika munshi lya mulawo, lya kasala Mwana, wezo wakalulamikwa kwa lyoonse.