¹ Vezile kusilia ya cisali, ku ngalila ya Ngalasene. ² Omuo mua kufuma Yesu muvuato, hoho vene kuezile yala kufuma kuvihila uakele na cimbembesi caku zuala. ³ Ouu yala atumamene kucihilo. Naumo uahi a hasele kumukuta, amba namalenge. ⁴ Hava ku mukuta kuta ntsimbu ya yingi na zinkuli na mu mulenge. Aze malenge ambituile mbitu mbitu ua zinkuli apuokuele poko poko. Naumo uahi uakele nazintsili ziakumu hasa. ⁵ Vutsiki vuose namutana havihilo na muzipili, alilile cikuma na kuliteta iveni namalolua akuta. ⁶ Omu amuene Yesu halako, atutile kuli ikeye nakutsikama kule ikeye. ⁷ Alilile cikuma na lizi liaku kanguka; "Njikulinga nove vikandzo, Yesu muana Njambi uakuhambakana? Njinau lambelela kuli Njambi ivene, kati ku njiyandesa" ⁸ A handekele kuli ikeye, fumeuumo muli ou yala, ove cimbembesi caku zuala." ⁹ A muhulisile, "Lizina liove yove iya?" Amukumbuluile ngueni, lizina liange yange Lengiyona, tuli va vengi." ¹⁰ Ha mulambelele cikuma ngueni, keti vamusekule mungalila. ¹¹ Vunoni kuakele cendo cavangulu vakele nakulia kulilundu, ¹² Va mulambelele nguavo, 'tutumememe mu vangulu; tukovelenu muli vakevo" ¹³ kaha uavetavisile eyi mimbembesi ya kuzuala vafuminemo nakukovela muli vangulu, vantutile kucikulo calilunda nakuheta ku cisali. Vakele makombakandzi avali ava ngulu valondamine mu cisali. ¹⁴ Vaze vakele nakulisa vangulu vantutisile nakuya nakuambulula vialingile kumbaka nakumafuti a kuavo, va vantu vakuavo va ile na kumona vika vialingikile. ¹⁵ Sikaho vezile kuli Yesu kaha vamuene Yala ali na mahamba, uze akele lengiyona, natumama kuze nazala naliundika muuongo, vevuile voma. ¹⁶ Vaze vose vamuene via solokele kuli ou yala uakele na mahamba vavalekele viose, na viava ngulu vavalekele. ¹⁷ Kaha vaputukile kumu lambela afume hangalila yano. ¹⁸ Omu muakele nakukovela muvuato, ou yala uamahamba ualembelele ngueni vaye vose hamue. ¹⁹ Vunoni Yesu kamutavesele, vunoni uahandekele kuli ikeye. " Hamoye kundzivo yove nakuli vantu zove nakuvaleka viana kulingila Njambi, nomu nakumuesa ngoze." ²⁰ Kaha ayile nakuambulula ku ndekapole viuma via kama vana mulingila kuli Yesu, kaha vose vakomokele. ²¹ Omu hazankele Yesu ku sinia muato mbunga yakama ya kungulukile naku muzinguluka omu akele ku cikulo kualenga cisali. ²² Kaha tuamina umo ua Sunangonga lizina lieni Njailu ezile, Omu amumuene uandumukile kumikono yeni. ²³ Ha lembelele cikuma ngueni, "Muenange uamundende ali kuhehi nakutsa. Njinakumi lembelela tuayenu mangana munangeke livoko lienu mpamo akukanguka na kuyoya. ²⁴ Sikaho ayile neni hamo, kaha civunga cakama ca kavele vezilo kuhehi naikeye. ²⁵ Sikaho hekele puevo ou afumesile maninga miaka likumi na ival.i ²⁶ A yandele cikuma ku vimbanda vavengi na kuzatesa viose akele navio, uononi nga apandele kuyoya aloze hauku hianenako. ²⁷ Omu evuele mundzimbu ua Yesu, ezile kunima yeni mu civunga naku kuata kuvizalo. ²⁸ Ha handekele ngueni, " Menga njiku mukuata lika kucizalo nji kuyoya." ²⁹ Omu amukwatele kaha haze vene ndunzi ya maninga eni yomine, kaha uva vuile ku muvila ueni ngecize ua kanguka ku musongo ueni. ³⁰ Oho vene Yesu evuile ngueni zitsili zina fumumo muli ikeye . Alumukile muci vunga na kuhandeka ngueni, " iya nakuata kuuzalo uange?" ³¹ Va ndongesi veni vahandekele kuli ikeye nguavo, " muamono civunga ca kuzingulu, kaha muku handeka, iya nanjikuatele?" ³² Olozo Yesu atalele kose amone iya na cilingi. ³³ Puevo, hakuiziva vianalingi , evuile uoma na kuzaza. Ezile uakuua kuli ikeye nakumu leka vusunga uose. ³⁴ A muambile ngueni, " muanange ua puevo lutsilielo luove luna kuyoyesa. Hamoye mukuunda naua uyoye kumisongo yove." ³⁵ Omu vene akele na kuhandeka vantu vamo vezile kufuma kava kulunthu vaku Sunangonga vambele nguavo , " muanove natsi. Vika unaku yandesa longesi tsimbu ya kama?" ³⁶ Olozo Yesu muaviele muzimbu ava handekele, hali handeka kuli vakulunthu vaku Sunangonga, " keti muivua vuoma, Tsiliela kaha". ³⁷ A kanesile kumu kavangeza kufumisako lika Petulu, Tiangu, Yoano na ndumbwa ya Tiangu ³⁸ Vezile kundzivo ya mukulunthu ua Sunangonga amuene vantu vana kuneha zungo; vakele naku lilila helu. ³⁹ Omu muakovele mundzivo a handekele kuli vakevo ngueni, " vikavi mua sulakanine kaha muna kulila vika? Muana katsile vunoni nakoso lika tulo" ⁴⁰ Vamu zolele, oloze ava tuhuilemo vose hambaza na kumbata ise ya muana na naye na vaze vakele nayikeye, vayile kuze kuakele muana. ⁴¹ Ambatele livoko lia muana nakuhandeka kuli ikeye ngueni, " Talitha koum!" kuci lumbununa, " Muana ua puevo uamundende, njahandeka kuliove, kantuka" ⁴² Oho vene a hindukile ha kuenda ( akele na miaka likumi nayi vali). Haze vene valikomokele cikuma. ⁴³ A sindaka neneho kuvaleka ngueni, na umo uahi atela kuziva evi. Sikaho avalekele ngueni muhie nuko vimo alie.