¹ Cezile ngecize vene oku naua Apolo ua kele ha Kolintu, Paulu ua pulasianene mu lifuti kaha ya helu ckuma kaha kuze ku mbaka yao, kaha ua uanene vamosi vandongesi kuze. ² Paulu ua handekele kulivakevo ngueni, Mua tambuile mu muzimu uakulela omo mumua tsilielele?" Vambele kuli ikeye, "cahi, entu katua vui cipue via kukundama ku muzimu uakulela." ³ Paulu ua handekele ngueni, "kahamba vamimbuikile vati?" Vahandekele nguavo, "mukumbuitika ca Yoano." ⁴ Ngecize Paulu uavakumbuiluile ngueni, Yoano ua mbuitikile na kumbuitika ca kualuluka na kupihilila mu mitima. Ua lekele vantu ngueni vapanda kutsliela muli omo uze akeza munima yeni, cikeko muli Yesu." ⁵ Ngecize vantu muva civuile eci, va vambuitikile mulizina lia mueni Yesu. ⁶ Ngecizeni Paulu uasalekele muvoko eni hali vakevo, ngecize muzimu uakulela uezile hali vekevo kaha vahandekele mumalimi eka na kuambulula vimueno. ⁷ Vose hamolika vamala vakele likumi na vavali. ⁸ Paulu ua ile muze mu sinangonga kaha ua kuhandeka cakuhona vuoma muzingonde zitatu muma vundieka mukulumbununa na kuva sindiya kutantekeya vuviuke muvumueni vuajambi. ⁹ Olondzo omuo va yuleya vamo vakaluuisile mitima yavo na kuhona kuononoka, vavalekekele niezi avukeya minjileyi kumbunga yakama. Ngecize Paulu ua vasile kaha uambatele na vandongesi zieni halikuya navo, ua vavundiekile mukuvalumbunuina hatangua hatangua mudzivo yavundongesi vuavankulungu ya Tilanu. ¹⁰ Eci catualeleho hamiaka ivali mangana vose vakale mu Asia va vuile lize lizi lia mueni vose muvuvali vuavo va yuleya na va Ngiliki. ¹¹ Njambi uakele na kulinga vipupu via kukomouesa kuhianaho ku mavoko a Paulu, ¹² mangana cipue citambala caku mavoko na cipuiko cahantulo cize camukuatele vavitualele ku vavezi na mavezi avo avafumine na mizimu yaku zuala yatuhukilemu muli vakevo. ¹³ Olondzeo kuakele va Yuleya va kukufumisa mizimu ya ku zuala na kuhitasiana muze mundandanda. vasanene halizina lia mueni Yesu ngecize vakukala na zindzili ha mizimu ya kuzuala omu muvakuhandeka, "hali Yesu ouu Paulu yekuambuziola, Njamilongele ku fumamo." ¹⁴ Mukuluntu uava kakuambulula vava Yundeya lizina lieni ikeye Sekeva, uakele navana vatanu na vavali va kulinga evi. ¹⁵ Umo muzimu uaku zuala ua va kumbuluile, "Yesu njaziva na Paulu njaziva; ambove yoveya? ¹⁶ Oze muzimu ua ku zuala muli uze uze yala ua tsukukilile hali vaze vakakufumisa mizimu yaku zuala uavavetele kaha ua va hianene. Ngecize vatininemo muze mundzivo vuntselentsele na zimbandu ziavo. ¹⁷ Eci vezile nakuciziva kuli vose, muvuvali vuavo Vaayuleya na Vangilike, ava vakele ku Efusu. Ava vakele navuoma cikuma kuma, kaha na lizina lia mueni Yesu valihele vulamba. ¹⁸ Ngecize naua, vavengi kuli vakutsiliela vezile nakulikomokela kaha vahanene kuuhisa cose caviuma via vipi vivalingilile. ¹⁹ Vavengi vaze vakulinga tufuta vanehele mikanda yavo hamolika kaha va yocele kumeso avantu vose. Omu mu valavele kukama ca ndando yavio, ya kele makombazi atanu muuaya uaya ua palata. ²⁰ Ngecize ni lizi lia mueni liatandele cikuma kuma muzinjila zia zingi na mezi zindzili cikuma. ²¹ Ahano Paulu hamina yakumanusula vipangi vieni mu Efesu, ua singanieke mueka muze muzimu na kupulasiana Macendonia na Akaya hanjila yeni yakuya ku Yelusalema; ua handekele ngueni, "hanima inji nakele kuze, nja pande naua kumona Loma." ²² Paulu ua tumine ku Macendonia vavali vavaze vamu pangelele Timoteo na Elastu, Olendzo ikeye ivene uatumame mu Asia muntsimba ya yindende. ²³ Omu mucakele hali ize tsimbu kuze kukuakele litanga amba lialindende mu Efesu kukundika ku ize njila . ²⁴ Umosi ngangula ua palata ua lizina lia Demetrius, ouu ua Pangele vantambue vapangesele palata va Artemis, ua nehele mo kusekasiana cikuma ca va ngangula. ²⁵ Ngecize ua va kunguluile hamo vaze vamala vakakupanga vavize vipanga. Kaha ua handekele ngueni, "Vamala muaziva nguenu mukusekasiana nkana eci tunahase kupanga zimbongo ziazingi cikuma. ²⁶ Mue kamona na kuivua vize , katilika ha Efesu, Olondzo kuasalele kukundende na kutatakana mu Asia yose, Ouu Paulu nakambe na kualula vantu vavengi kuvafumisa kuze. Ali na kuhandeka ngueni tu njambi tua kupanga na namavoko kati tu njambi. ²⁷ Kati lika kuze kuli vutsonde nguavo vana hase kufuomona kusekasiana, olondzo naua na kuze kutembele ya uze njambi yavo uakoma Atemisa hamose vanase kuvalingisa kukala kapopolozi hakalena caco, kaha navukame vuvekuua neneho vakavumona nomu muvuna ila mua hi, ouo mpuevo ya vose Asia na vakakuye kuvekuli fukula.' ²⁸ Omu muvavuile eci vasulisiuile na matoto ha kulila nguavo, "Uakama Atemis ua vaka Efesu." ²⁹ Ize mbaka yakama yose ya sulisile na vikokoziola, kaha vantu valupukile na visinganieka vimo lika muze mucihela mua kuli uanena. Vahonesele Paulu hamolika na mukaavo muvapangela muvungendzi, Ngayu na Alistaliku, ou uezile kufuma ku Macedonia. ³⁰ Paulu uatondele kuingila muntulo yambunga ya vantu vavengi, olondzo vandongesi vamu vindikile. ³¹ Ngecize naua, vamo vaka vipangi via kusoneka vaka mpuete kalifuti lia Asia ava vavusamba veni vamu tuminine mizimbu na kulambelela kuli ikeye kutina akengila muze mucihela. ³² Vantu vamo vakele nakutambakana cuma cimo kaha vakuavo naua cikuavo, muomuo ize mbunga yakele muvizuela. Vavengi muli vakevo kavazivileho vika valingisile kuiza hamolika. ³³ Vamo vaize mbunga vamuyulile Alistaliku ou ivaku sindikila kulutue. Aha Alistaliku uendesele nalivoko lieni, kutonda linga ahane mukingo kuze kuva kungulukile. ³⁴ Olondzo omu muvazivile nguavo ka Yunda, vose valilile hazitsimbu zivali na lizi limolika nguavo, "Uakama Atemis ua va Efesu ³⁵ Omu uze mukakusoneka ua mbaka ua vauundisile ize mbunga ua handekele ngueni, "Enu vamala va Efesesa, yala muka ua hona kutantekeya ngueni mbaka yakama yavaka Efesu ikeye kalama katembele ikeye mukuluntu Yupitele mukaci fuisi cize cala hukile hamavu kufuma muilu. ³⁶ Kumona viumevi kava hasa kuvindika, ua panda kuholoka na kuhona kulinga viuma mu kulusuka. ³⁷ Muomuo uaneha ava vamala kuli eyi ndango yakuhandeka milonga ava kavesi mihuza va zitembele cipue vakakutukana vatunjambi. ³⁸ Muomuo vene, ngue Ndemetiliu na vangangula ava vakala neni vali nakumuvangela via kufumbukila nkal uose, ize ndzango yakusompelo. Vecenu vali vangele umo namukuavo. ³⁹ Olondzo ngue mukulengeya mukuvisompa kucikungulukilo ca vantuami zia lifuti. ⁴⁰ Muomu cili vene tuli mavusonde vuaku tuva vangela kukundika ku litangua lia vikokoziola vialelo. Kakuesi sasuilo mua kuci lumbunuina eci. ⁴¹ Omuo mua handekele eci ua va lekele va lisanduoke.