¹ Vunoni tantekeya eci: kuvusulumuino vua matangua kuka kala zintsimbu zia zikalu. ² Muomu vantu va kalizanga vavene, vakua kuzanga zimbongo, vakua kuliyaka, vakua kulihalesa,vakua ka sahuntu, vakuhons kuononoka kuli visemi vavo, kaveku santsela, na kulela ciahi. ³ Kava kakala na cilemo cia ci semua, kavatava kuva kanda, vakua vupangala, va kuhona kuliono nona, vakua kuvulumuna, kave ku zanga via cili. ⁴ Va kapua va kua vungungu, va kua vuhuke, vakua kufutunuka, vakalema kuviukilila via senga kati va kua ku lema Njambi. ⁵ Vakala na cifua cia vu Njambi, vunoni va viana zindzili ziacio. Fuma ku vantu ava. ⁶ Muomuo vamo vavo vanapu vamala vekuingiziela muzindzivo na kukuata vundzinda vampuevo vaku sinama. Ava vakevo vampuevo vana sulu na vipi kaha vana vatuamena na vizango vieka na vieka. ⁷ Va mpuevo ava vekulilongesa lika, vunoni kavekuua na ciningi cia kutantekeya vusunga. ⁸ Ngue muze naua yane na yambele va menena nkole kuli Mose, na vakua kulongesa va makuli na va kupihia mumana, vakua makuli mu lutsilielo. ⁹ Vunoni kava katualaho cikuma. Muomu vaheve vuavo va ka vutantekeya kuli vose, mukemuo ngue va mala ava naua. ¹⁰ Vunoni ove, unakave vilongesa viange, vilinga, cizango ciange, lutsilielo, kayando kakuttuala ho, cilemo, luka katela, ¹¹ lamba, kayando, na vize viose viasolokele kuli ange ku Antioka, ku Ikoniu, naku Lisitala. Nja simpile mutuyando. Kuli vakevo vose, muangana ua njohielele. ¹² Vose vaze va kuzanga kukala munjila ya vu Njambi muli kilisitu Yesu kuvanga vakamone kayando. ¹³ Vantu vaku pihia nava kua kafumbiliko va kuya kufuma ku vupi na kusuena kuvupi vua vuingi, naku tuamena vakuavo mueka. ¹⁴ Vunoni ove, kalalika muvuima vize viunalilongesa nakukolesa muku vitsiliela. Una tantekeya kuli iya kuze una lilongesa vio. ¹⁵ Unatantekeya visoneka viamezi akulela Aa ahasa kukulingisa kukala namana a vovoke kuhitila mulutsilielo luli muli kilisitu Yesu. ¹⁶ mezi ose va ahuimine kuli Njambi akeo a silivila mukolongesa, muku mamuna, muku handekela, na muku longesa vuoloke. ¹⁷ Eci mangana muntu ua Njambi a pue ua kusula, naku zukila mu viuma viose via vipangi via cili.