¹ Vunoni muzimu ua kulela ua lumbunuine muacili cize ngueni ku zitsimbu zia ku kotokela vantu vamo vaka seza ku tsiliela na kuhaka mangangana ku mizimu ya makuli na ntangeso ya mandemone ² mu civembulu ca vakua makuli, vakua ku litsimika ku mitima yavo. ³ Vaka kanesa vantu kumbata na kuva lekeka nguavo va kalikele via kulia vimo viatengele Njambi nakusantsela kuli vaze va tsiliela na va tantekeya vusunga. ⁴ Muomuo viose atengele Njambi via vuika, kaha vize mua tambula naku tsansela kuviviana. ⁵ Muomuo va vikitsuila na lizi lia Njambi naha ku vundila. ⁶ Nga uku haka ivi vuima ku vamuanetu, ukapua ngamba uacili ua Yesu Kilisitu. Muomu vana kumilisa na mezi a lutsilielo naku tangesa kua cili cimuna kavangela. ⁷ Olondzo vianenu zimpande zia ma kuli zia muli futi zivazanga va kuluntu vava mpuevo, vunoni lilongesenu viavu Njambi. ⁸ Muomuo kuli tangesa ca kumuvila ka cesi cacilemu cikuma, olondzo ca vu Njambi ca cilumu cikuma kuviuma viose. Ceku kuta lusikolua ci yoyelo calelo na ciyoyelo ca kulutue. ⁹ Aua mezi a lutsilielo kaha uatela kua tambula na lutsilielo. ¹⁰ Muomuo yevi vikeko tu ku tukutuila na kuyandela. Muomuo tua tsiliela mali muangana vaku yoya, uoali muovole ua vantu vose cikuma va kaku tsiliela. ¹¹ Evi viuka sika na ku longesa. ¹² Kati kuka kale na umo uahi a ka yengule vukuendze vuove. Vunoni, pua cimueso, kuli vaze va tsiliela, mu lizi, mukulinga cove,muku tsiliela na muku lela. ¹³ Kuvanga oho hanjike zila, kala na kutanga naku kulongesa, na kuku tangesa. ¹⁴ Kati uecelele ca vuana cize cili muliove, civakuhele kuhitila mu cimueno, naku saleka ca mavoko ava ku luntu. ¹⁵ Nuinge nu evi viuma. Kalenu muli vikeko, mangana kuya ceno halutue ci kasoloke ku vantu vose. Litale muacili ove ivene, na ku kulongesa cove. ¹⁶ Tualelelu vene muviuma evi. Muomuo mu kulinga ngecize, uka liohela ove ivene na vaze va kamui vuilila kuliove.