¹ Ngoco vene, njiku muna hakatete, ngecize kulambela kuhula, kuvundila, kuhakula, kusantsela vacilinge ku vantu vose, ² omuo vamiangana navose vaze vali mu vukama, linga etu tutumame na ci yulo nakuholoka mu kulemesa Njambi na vulemu. ³ Eci ca cili kaha kumeso a Njambi muovole uetu. ⁴ Ikeye ua zanga vantu vose va kua vaoke na ku kala na ci ningi ca vusunga. ⁵ Muomuo kuli Njambi umo lika, kaha kuli likako umo lika ua Njambi na muntu, ou muntu kilisitu Yesu. ⁶ Ikeye ua liecelele lia vene ngue nadando kuli vose. Cipue ngile vukaleho vuambulula ku zintsimbu ya kutela. ⁷ Muomuo kuli eci vanji hanguluile ange mukupua muka kuzimbula na ka positolo- njina ku handeka vusunga, kanji ku handeka makuli - kaha mulongesi ua kua vifuti mulu tsilielo na vusunga. ⁸ Ngoco vene, nja hiange vamala va vundile kuose kuose na ku zundula mavoko akulela muilu kua kuhona vutenu cipue zimpata. ⁹ Kaha mundzila yaimo, va mpuevo vatela kuzala vuzalo vuacili nakuli pokuesa, na ntsoni, kati na ndzinkambu zia ku cipue na olu cipue na zimpota cipue na vuzalo vuandando ya kama, ¹⁰ vunoni ngue mucipande va mpuevo vali tumbula kulemesa Njambi kuhitila mu vipanga via vu viuke. ¹¹ Mpuevo ali longese na kuholoka na ku ononoka cose. ¹² Vunoni kanji tava mpuevo alongese cipue na kukala na zindzili kupulakana yala, vunoni aka tumame na kuholoka. ¹³ Muomuo vatangele Andama ha katete, kaha Eve. ¹⁴ Kaha Andama kava muongele vunoni mpuevo va muongele kaha vulumuine. ¹⁵ Vunoni ikeye a kuovoka haku sema vana, nga vakevo va katualelela mulu tsilielo na alemo na kulela hamo na kuli pokuesa mu mana.