¹ Ba Yawe balilabile kuli Mose na Aaron , ati , ² '' Bebe abena Izulile ati , ukwebati fino ifyuumi efya mulingile ukulya munama shapano pakyalo kya panshi . ³ Kochi mwalya inama iili yonse iya mabondo iyi shetulula ifyaani . ⁴ Nangu nififyo , inama shimbi shilalye fyani kabili shili ne mabondo , teti mushilye . Inama kwati ni ngameli , pakuti ilalya ikyani pano taikwete amabondo , kanishi ingamela ili ya bunya kuli mwebo . ⁵ Kabili na kibila , pantu alalya ikyani pano , takwete amabondo na ena wafika kuli mwebo . ⁶ Akululu , pantu kalalya ilyani pano taka kwete amabondo , pakuti kena kalalya ikyani , pano takakwete amabondo , ke na kafiko kuli mwebo . ⁷ Ingulube , nangaba ilikwete amabondo , taishetulula, yafuko kuli mwebo . ⁸ Tamulingile ukulya inama shasho , nangu ku kwata pamibili shasho ishifwile . Pantu fyafiko kuli mwebo . ⁹ Inama ishikala mu menshi isho mulingile ukulya ni shonse ishili ne tusambilo ne mamba , ifili mufishiba nangu munika . ¹⁰ Pakuti ifilengelwe fyonse ifyo tafikwete utusambilo ne maamba ifya mufishiba nangu munika , nafyonse ifyenda mu menshi na fyonse ifili mu menshi - fikaba fyabu nya pali mwebo . ¹¹ Pakuti fili ifya bunya kuli mwebo , tamulingile ukulya inama shasho ; Kabili , imibili shasho ishifwile fyabunya . ¹² Kyonse ikikala mu menshi ikyo takikwete utusambilo ne maamba fili kanishiwe kuli mwebo . ¹³ Ifi efyoni ifyakanishiwa - Kabili tamulingile ukufilya pantu filikanishiwe ; mung'omba , pungwa ne nkwashi , ¹⁴ na shikupwe , ne lukoshi koti mikoka ya luko , ¹⁵ umutundu waba kikwangala bonse , ¹⁶ ne mpye , na lubafwa , netubemba ne musango onse uwatuko . ¹⁷ Mukakane ukulya tukinkulu - nkupa utunini ne ba kinkulunkupa abakulu ; naki nshimukulu , ¹⁸ namwina uutubile ne kulalwando , ne lyuni , ¹⁹ nesela , nabalumpasha , koti mikoka yabo , mbubute , ne tumfifya . ²⁰ Utwamapipindo utubambale utwendela kumolu ane fya bunya kuli mwebo . ²¹ Lomba mulilingile ukulya utubambale utwama pipindo utuli ne molu ane utaka laba panshi nefikwete amolu ane aakumene a kutolaukilako panshi . ²² Koti mwalyapo fimo mu , nshiye bakapanga pangamo , netuba mbale , nangu bateete . ²³ Pakuti pali tonse utwamapipindo utu bambale utwa molu ane tonse tulikanishiwe kuli mwebo . ²⁴ Mukalishilulula ukufika ne kingulo kani mwakwata pamibili ifwile iya kimo pa fifi fibambale . ²⁵ Onse utola imibili ifwile iya fino fintu , akawashe ifyakufwala fyakwe ne kuba uushilulwile ukufika ne kingulo . ²⁶ Inama yonse iyamabondo ayo tayapantu kene nangu iyo taishetuluka yabunya kuli mwebo . Onse uukakwatapo pa shafifyo akalishilulula . ²⁷ Kabili shonse ishendela kumakabo panama shonse ku molu ane , shabunya kuli mwebo . Onse uukakwata pa kifwile akalishilulula ukufika ku mpindi ya kingulo . ²⁸ Onse ukatola inama ifwile alingile ukuwasha ifyakufwala fyakwe ne kuli shilulula ukufika ikingulo . Ishi nama sha bunya kuli mwebo . ^{29 30} Panama shonse ishikalaba panshi , ishininama ishikaba sha bunya kuli mwebo . Kandende , ne mbeba , ne mucelalesa koti mikoka ya kwe : ne kabandami , ne nsamba , na mayengela , nasumba , na lufunyembe . ³¹ Panama shonse ishi kalaba panshi , shino enama ishikaba shabunya kuli mwebo . Onse ukwatapo nga filifwile akaba wafiko ukufika ne kingulo . ³² Kani inama imo yafifino yafwa ne kuponena pakintu , kilya kintu kikashilululwa , nangu kilipangilwe kukichi kyaku fwala ku kiseba , nangu lisaka . Nangaba kibe kindo nangaba kyalibonfeshiwe mwinsa nshila kililingile ukubikiwa mu menshi ; Kikaba kyafiko ukufika ku kingulo . Kabili kikaba kiswete . ³³ Pakuti inongoye bumba umo nangu apo inama yafiko yenga ponena , fyonse ifilimu nongo fikaba fyafiko , kabili ne nongo , ililingi ukonaulwa . ³⁴ Ifyakulya ifyenga liwa pano kafili ne menshi amu nongo yafifyo fyafiko . Ifya kunwa ifyenga fuma muli inongo fya fiko . ³⁵ Kyonse ikyo ifififwile kyenga ponenako , kikaba kyafiko ; Kani kyakokelapo , nangu kyakutekelapo , kikonaulwe pakukitobaula tunini . Fyafiko kabili fikaba fyabunya kuli mwebo . ³⁶ Akantupuntupu nangu mukalo umwakufumya amenshi fikalu kuba fiswetele ; pano onse ukakwata pakifwile ukuba wafiko . ³⁷ Ikiputulwa kya kifwile kani kyaponena pa mbuto sha kubyala , isho mbuto shi kabashiswetele . ³⁸ Pano kani amenshi abikwa pa mbuto , kabili kani ikiputulwa kyakifwile kyapo nena pambuto , ninshi shikaba shafiko kuli mwebo . ³⁹ Panama iyo mwingalya kani yafwa , onse uwakukwatako akaba wafiko kufika ku mpindi ya kingulo . ⁴⁰ Onse ukulya ikili kyonse kyalifwila alingile ukuwasha ifyakufwala no kuba uwafiko kufika ku kingulo . Onse ukatola ikilifwilile alingile ukuwasha ifyakufwala ne kuba wafiko kufika kingulo . ⁴¹ Inama yonse ikalaba panshi yabunya takilinga ukulya . ⁴² Kyonse ikyendela mukapafu , ne fyendela ku molu ane nangufili ne molu aengi - inama shonse ishikalaba panshi , fino tamulingile ukufilya , pakuti fyabunya . ⁴³ Tamulingile ukulikowesha mwebene ne filengelwe ifikalaba panshi ; tamulingile ukulikowesha kulifyo , pakwebati mube abakoweshiwa kulifyo . ⁴⁴ Pakuti nemo ne Yawe ndi Lesa wenu . Mulingile ukulisunga abashilile , Fyenkefyo , kabili bene abashilile , pakuti nemo ndi ushilile . Tamulingile ukulishilulula mwebene ne misango yonse iya fyuma ifyendauka panshi . ⁴⁵ Pakuti ndi Yawe , uwamifumishe mu kyalo kyalo kya Ijipita , ukwebati nkabe ni Lesa wenu . Pakuti pali fyo beni abashilile , pakuti nemo ndishilile . ⁴⁶ Uno , e mushilo wapa finama , ifyoni ne filengelwe ifyumi ifyenda mu menshi , na filengwe fyonse ifikalaba panshi , ⁴⁷ Pakwebati pabe ulupusano pafyafiko ne fiswetete , kabili pa fintu ifyumi ifilingile ukulya ne fintu ifyumi ifyo tafilingilwe . '''