¹ Vafalisayi novalirongi vamwe womatjangwa ava va tundire ko Jerusalema kwa ya lipongakilire Yesusi. ² Awo kwa mwene varongwa vendi vamwe tava li mboroto nowawoko gokudira kuwapa, kuninka asi, gokudira kuwapa, kuninka asi gokudira kukuhukakompo zawo. ³ ( Yeeyi Vafalisayi no Vajuda navenye kapi ava li va hana kulikuhwa nawa nawa komawoko gawo, mokukwama mpo zava vanare. ⁴ Nsene tava tundu komarandesero, nokulya si va hana kulikuhwa. Yinzi hena yikwawo eyi ava koneke mokukwama nompo, ngwedi ekuhwo lyononkinda natuvaza noyipako yongoporo nomauro.) ⁵ Yipo nye va mu pulire vaFalisayi novalirongo womatjangwa epuro eli asi, ''Varongwa woge morwasinke ava dilire kuliza nonompo dava vanare, ava lye nondya, awo va hana kukohwa mawoko gawo?'' ⁶ Gwina ya va tantere asi, ''Yesaya nani ga hungika yombinga zeni, vambudi one, apa ga pumbire moomu va tjanga asi, ' Mnunga ezi kufumandekesa nge konomurungu , nye nomutjima dawo ure name da kara. ⁷ Mawoko-woko ava fumadeke nge, erongo iyawo nompangera dosintu. ⁸ One kusinga veta za Karunga tomu kakatere konompo dovantu.'' ⁹ Makura ta va tantere asi,'' Mwa yi diva nawa-nawa yokutulira veta zaKarunga rumpenga, mu kwane nompo deni! ¹⁰ Ngwedi moomu ga tente Mosesa asi, ' Fumadeka oguhwa nonyoko, hena asi, ogu a tuku guhwe ndi zina, a fe.' ¹¹ Nye one kutanta asi, 'Montu nsene a na tantere oguhwe ndi ozina, ''Eyi nkare ni mu kwafere yiyo Korobani'' (kuninka asi, 'Nzambo'), ¹² makura tomu mu sigi a dire kukwafa hena guhwe ndi zina. ¹³ Yimo nye ngoso omu pepura nkango za Karunga morwanompo deni edi omu rongo poyli hena yimwe yoyinzi yangesi eyi omu rugana.'' ¹⁴ Yesusi ta zigeda hena mbunga, ta zi tantere asi, ''Purakeneni nge namuvenye oko tumu zuvhu nawa. ¹⁵ Kutupu seyi asi, tundu ponze si hwilire momuntu asi mu nyateke, Ano nye yininke eyi ayi pwaga mo momuntu lyo ayi mu nyateke. ¹⁶ Ogu ga kara nomatwi gokuzuvha, a zuvhe.'' ¹⁷ Eyi ga tunda pombunga a ze kembo, varongwa vendi tava mu pura yombinga zosifanekeso oso. ¹⁸ Yesusi ta va tantere asi, ''Nani none nondunge Kutapu? Kapi mwa diva asi mayinye eyi ayi tundu ponze yi hwilire momuntu, nokuvhura si kumunyateka, ¹⁹ yeeyi kapi a yi zi momutjima gwendi, nani mezimo moomu yi pwage mo?'' Pokuuyunga ngesi Yesusi kwa Fatwilire asi nondya nadinye kwa kuhuka. ²⁰ Makura ta tanta asi, ''Ano nye eyi ayi pwaga momuntu kunyateka muntu. ²¹ Yeeyi monda monomutjima dovantu, kupwaga mo magazaro gomadona, noruhonda, nowidi, nedipango, ²² netezo lyononkwara, nomakumwinina, noufeke, nepiyagano, nomfudu, neswau, noyirundo, nougora. ²³ Maudona nagenye ana, monda aga tundu makura ta ga nyateke muntu.'' ²⁴ Kutunda apo Yesusi ta Katuka a zi koyiha yoyirongo o Tirusi na Katuka na Sidoni, makura ta hwilire membo, ga hana kuhara asi muntu a yi dive, nye ya mu vhulire kulihoreka. ²⁵ Mukadi gumwe, ogu ga kere namunwendi gompepo zodona naruvali si ta mu zuvhu, makura ta wiza ta mu gwire Konompadi dendi. ²⁶ Mokadi kwa kere muGereka, musiliya Fonisiya Kutunda komvharerwa zendi, makura ta mu likwambere a tjide mo mpepo zodona mwa mumwendi gomukadi. ²⁷ Nye Yesusi ta mo tantere asi, ''Pomuhowo kusiga tanko vana va kute. Kapisi uhunga kuhokora vana va kute, kapisi uhunga kuhokora vana nondya va di pe nombwagona.'' ²⁸ Nye mukadi ta mu limburura asi, ''Usili, Hompa pelinde nombwa kunda zusetafora kukumuka konondya dovanona.'' ²⁹ Nye Yesusi ta mu tantere asi, ''Morwankango ezi, zende tupu, mpepo zodona zina tundu mo mwamunoge.'' ³⁰ Makara ta zi kembo pouro, ano mpepo zondona zina mu tundu. ³¹ Makura Yesusi ta tundu mosirongo sa Tirusi a pite za Sidoni ta siki kekurudira lya Galireya pokatji kosirongo so yitata murongo. ³² Tava mu retere muntu gosipurupuru, ogu a uyunga kukokomena, va mu hundire a mu kambeke mawoko. ³³ Makura Yesusi ta mu gusa po ta mu twara pompengi a ligere kombunga, ta mu zweke nonyara momatwi, ya fiza ta gumu e raka lyendi. ³⁴ Makura ta ligamene keguru, ta likumida, ta mu tantere asi, '' Effata,'' kuninka asi, ''Situka!'' ³⁵ Makura naruvali si matwi gendi taga situka neraka lyendi tali manguruka, ta hungike kuuyunga. ³⁶ Yesusi ta va silike asi va ha ka yi tantere vantu. Ano moomu ga damekere kuvasilika, yimo moomo va damakere kuyisanseka. ³⁷ Awo kwa tetukire unene, tava tanta ai, ''Nayinye age kuyirugana nawa. Wokudira kuzuvha kuna kuzuvha ano wokudira kuuyunga kuna kuuyunga.''