¹ Ako mazuva ko gavali sipito so Paska, zu nomboroto da hana muhahu si sike, makura vapristeli wonene novalirongi womatjangwa tava liwapayekere asi va kwate Yesusi mokahore hore va mu dipage. ² Awotava tanta asi, ''Nye kapisi posipito, neisi nazi wiza mo kupira kulizuva momuhoko.'' ³ Apa ga kere Yesusi mo Betani monzugo za Simoni goyingondwe, yipo ga mu wizilire mukadi nosipako sosiwa semanya, aso sina zuramagadi gondiro go narudisi. Makura tasi swikura, ta ga mu tjire komutwe gwendi, age pompanda ana kara. ⁴ Vamwe ava va kerepo, tava zuvhunyengo, makura tava litantera tantere asi, ''Ehi eyi vana kugahepekera ngesi gene aga magadi hena yinke? ⁵ Nda ngano kwa ga randesa yi maliva yo kupitakana ponodenali mafere gatatu tayi pevahepwe.'' Awo makura tava yi mukugilire unene. ⁶ Nye Yesusi ta tanta asi, ''Musigeni yinke muna kumuhepekera age kuna ruganene nge sirugana sosiwa. ⁷ Owo vahepwe nawo ngoma kara nkenye apa sinene muna yi hara, kuvhuratupumu va ruganene yoyiwa, nya ame kapi ngomukara kumwe name nkenye apa. ⁸ Age kunatjire magadi korutu rwange a livinduke kuruwapaikira evhumbiko sempe komeho. ⁹ Yosili nina kumu tantera, nkenye oku ngava udisira mbudi zongwa ezi mouzuni mudima, neyi ana rugana ngava kayi tanta po, va mu diworokerepo.'' ¹⁰ Makura gumwe powo murongo navavali, edina lyendi Judasa Isikalyoto, tazi kova pristeli wovanene asi a mu vahorwere. ¹¹ Awo eyi kwa yi haferere, makura tava lizuvhu va mu pe yimaliva. Judasa makura ta papara evega lyewa amu va horwere. ¹² Mezura lyokuhova lyosipito sonomboroto da hana muhahu, apa ava dipaga nzwigona zo paska, Varongwa vendi kwa wizire kwa Yesusi tava mu pura asi, '' Kupi oku ono hara , tu kaku wapaikire Paska?'' ¹³ Age ta tumu varongwa vendi vavali, tava tantere asi, ''Zendeni kositata, ako nomu kagwanekera ko no mugara ogu ana simbi kahopa komema ka mu kwameni. ¹⁴ Nkenye oku na kaza, makura tomuka tantera nturagumbo asi, ''Murongi kuna kutanta asi, ' Nzugo ezi nani ya lira paska kumwe novarongwa vange, zipi po?'' ¹⁵ Age na ka mu likida nzugo zonene zekeguru vana wapeke, omo yimo nomu kazi wapaikera.'' ¹⁶ Varongwa makura tavazi, tava kayi gwana moomu gava tanterere Yesusi, makura tava wapaike nzwigona zo Paska. ¹⁷ Eyi lina kugomboka, makura Yesusi ta wiza novarongwa vendi murongo navavali. ¹⁸ Hava za mokulya, makura Yesusi ta uyunga asi, '' Yosili nina kumu tantera, mukweneni gumwe ogutuna kulya nendi, na kwatesa nge. ¹⁹ Makura venatava tameke kuguva, tava mu puragere gumwe asi, '' Nani yilye kapisi nyame?'' ²⁰ Age tava limburura asi, '' Gumwe pweni murongo navavali ogu nani vereda nendi posiyaha. ²¹ Munwa muntu ngadi mu gwana nomfa moomu vadi mu tjangera. Nye nane vakwetu ehudi lyomuntu ogu ana kukwatesa munwa muntu motupu omu! muntu ogo ngano kapi vamu hampuruka ngano hasa yiwa.'' ²² Hava za mokulya Yesusi ta gusa mboroto tapandura guhwe ta zi bamagura, , azi pe varongwa vendi, ta tanta asi, ''Gusenimulye, oru yiro rutu rwange.'' ²³ Makura ntani ana kugusa hena nkinda, ta pandura guhwe, tazi pe varongwa vendi, vena makura tava nwaanwa mo navenye. ²⁴ Age makura tava tantere asi, ''Ezi yizo honde zange ze gwanekero lyepe ezi ngazi tjikangera wovanzi. ²⁵ Nye ame tani mu tantere asi, Kutunda pwanaina kapi hena ngani nwa yoyiyimwa eyi yoyiyeyema dogoro nekezura eli ngani kayi mwa yoyipe moutungi wa Karunga.'' ²⁶ Makura tava dimbi rusumo rwehamberero tava zi ko ndundu zo mauzwe. ²⁷ Makura Yesusi tava tantere asi, '' Masikuganaina one namuvenye tomu ka lipatana mwa nge yeeyi kwa tjagwa asi, 'Ngani dipaga musita, makura siunda sononzwi ngasi lihana.' ²⁸ Nye apa ngani vhumbuka koufe, ngani hova kweni kuza ko Galireya.'' ²⁹ Peturusa makura ta mu limburura asi, '' Nampili navenye valipatane moge, ame nampili kana manga, asi ni lipatane moge.'' ³⁰ Yesusi makura ta mu limburura asi, '' Yosili nina kukutantera asi, masiku- aga ganaina siko ndomboro aso sa hana kuziga ruvali, ove nare ono patana nge rutatu.'' ³¹ Peturusa ta mu tantere nouradi asi, '' Ame nampili nga kufa kufa tupunoge, nokukupanasi ame.'' varongwa navenye nawo yimo va uyungire. ³² Kutunda upo tava zi nye pevera lyedina Gesemani, makura Yesusi ta tantere varongwa vendi asi, ''Hingireni paapa, tanko nize, nikanderere.'' ³³ Makura ta gusa po oPeturusa na Jakopo naJohanesa, aze nawo. Makura ta tameke kukara neguwo nampapwaga tjima. ³⁴ Tava tantere asi, ''Mwenyo gwange yilyo sa eguwo lyomu, nda ngwendi ni fe kareni paapa okutomu vangara.'' ³⁵ Kwa zaaza ko tupu ta gu pevhu, makura ta kanderere asi ngano yokuvhura, siruwo esi ngano simupite. ³⁶ Makura ta uyunga asi, ''Tate,'' yininke nayinye koge ove kuvhura. Gusa nge nkinda azi zi tundenge. Nye kapisi moonina hara ame. Hawe, moomu ono hara ove.'' ³⁷ Makura ta zi kovarongwa vendi, a ka va gwane awo vana rara, ta pura Peturusa asi, ''Simoni, nani ove kuna rara? Hani kapi ono vhuru kukandirera nampili ka ndaperogona? ³⁸ Liseni okutomu kanderere, mudire kugwira meheteko. Nwenyo ago mureru, kupura usimbu. Nye rutu kapi rwa paka nonkondo.'' ³⁹ Kutunda opo ta zi hena, taka kanderera nonkango poopo. ⁴⁰ Eyi ga tengura, kuyavagwana hena vana rara, morwa nompofu nonzi da va kwete. Kapi va divire asi ngapi omu nava mu limburura. ⁴¹ Ta wiza hena rwautatu, tava tantere asi, '' Hamwa rarera, mu pwizumuke. Makura nye, siruwo sina siki po. Tareni; munwamuntu tava mu gava momawoko gova nanzo. ⁴² Pindukeni, tuzeni . Tareni ogu ana kwatesa nge, pepi ana kara.'' ⁴³ Makura naruvali si, Yesusi haga za mokuuyunga, Judasa, gumwe po pawo murongo navaveli, ana horoka ko kumwe po pawo murongo navaveli, ana horoka ko kumwe nombunga zonene zina kara nomarufuro nonomuramu, vana ta tumu va pristeli wonene novalirongi womatjangwa nononturagumbo. ⁴⁴ Mokwatese gwendi kwa uyungire nawo, tava tantare sidiviso esi asi, '' Googu tupu nani ka ncumita, yige googo. Mu kwateni, mu mu tware oku tomu mu nomene nawa-nawa.'' ⁴⁵ Judasa eyi ga wiza, nare ana zire Yesusi, ta uyunga asi, '' Morongi.'' Makura ta mu ncumita. ⁴⁶ Vena nare vana ya mu lidingi. ⁴⁷ Ano gumwe gwava va sikamene nendi ta pwezamo emurufuro lye ndi, ta hendi ko kutwi komukareli gomu priesteli go munene, ta kuteteko. ⁴⁸ Yesusi makura tava tangtere asi, '' One kuna wiza ngwendi va vavana wizire mundandi nonomfuro no nomuramu, mu ya kwatenge? ⁴⁹ Amesi nkenye ezuva komwe atu kara montembeli oku tani rongo, nye kapi mwa kwete nge nye nye kuna ku yininkira asi matjangwa ga sike mo.'' ⁵⁰ Kutunda opo navenye tava mu sigi, tava tjira. ⁵¹ Mumatigona gumwe, ogu ga dwere sikoverero simwe tupu sokonhi, sosizera, kwa kweme Yesusi. Awo kwa hetekere ko asi vamu kwate, ⁵² nye gwina ta va sigire sikoverero, takaduka ngorooro rutu-rutu. ⁵³ Kutunda opo Yesusi tava mu twara komupristeli gomunene. Makura va pristeli navenye wovanene nonoturungumbo novalirongi womatjangwa tava mu pongere. ⁵⁴ Nye Peturusa kwa mukwama kwamene, age ana lihoreke dogoro monda zerapa lyomupristeli gomunene. Makura ta hingire kumwe novapika ko mundiro, a likangure. ⁵⁵ Vapristeli wova nene nosigongi nasinye sono nturagumbo asi hara harere Yesusi wozoni woyimpempa, va vhure kumudipaga, nye naumwesi woowo va mwene. ⁵⁶ Morwa sinzi sawo yimpempa va uyungire, yeeyi mausili gawo kapi ga lizire. ⁵⁷ Vamwe kwa katukire tupu, tava mu uyungiri yo yimpempa tava tanta asi. ⁵⁸ '' Ose twa muzuvhire, ta tanta asi, ' Ame ntembeli ezi vatungire ko mawoko, kuzizunguru tupu, makura ni tungi re po hena nkwawo momazuva gatatu tupu, ezi va dira kurugana nomawoko.'' ⁵⁹ Nampili yooyo mausili gawo kapi ga lizire mumwe tupu. ⁶⁰ Kutunda opo mupristeli gomunene ta sikama pokatji kawo ta pura Yesusi asi, ''Ove limburura si lyeeyi nani kweyi vana kukurundaika ava vantu?'' ⁶¹ Nye age teete zendi nelimbururosi lyeli ga gova. Mupristeli gumunene ta tengwire mo hena kumupura asi, ''Nani ove nyove Kristusa munwa Karunga, ogu ga fumana ndi?'' ⁶² Makura Yesusi asi, '' Nani, Nyame, nye one ngomu mona munwamuntu, age ana hingili korulyo rwa Karunga munankondo nadinye, age ta wiza pomaremo geguru.'' ⁶³ Mupristeli gomunene kwa yi zuvha tupu, makura ta taura yikoverero yendi okuta uyunga asi, '' Usili wosinke hena tuna hepa. ⁶⁴ Eswauro Karunga muna golizuvhire ko sa nyonevene? Ngapi nye omu muna kurugana?'' Makura navenye tava mu monu nzo zukumupa nomfa. ⁶⁵ Vamwe po nare vana tameke ku mufizira oku tava mu kudumeke komeho, tava mu toona nonongome. Ntani vana kumu tantera asi, Tanta ogu ana kutoona asi yige yilye.'' Makura vakareli nawo tava mu toona momundona. ⁶⁶ Age Peturusa haga kerera nokulifara somonda, tapa wiza mukareli gomukadi gomupristeli gomunene . ⁶⁷ Kwa mwene tupu Peturusa age ta hene tamufara ta tanta asi, '' Nove na Yesusi Munasareta wa kere. ⁶⁸ Nye gwina ta patana, ta tanta asi, '' Kapi nayi diva hena kapi na kwata egano eyi ono kutanta.'' Kutunda opo ta pwaga pevega lyoponze, makura si sikondomboro tasi zigi. ⁶⁹ Mukureli gomukadona eyi ga ya mu mwene hena, ta tantere ava va sikamene po asi, '' Mugara nage kwawo ga hamene.'' ⁷⁰ Nye gwina simpe kana kupatana. Konyima zokaruwogona ava va sikamene po, tava tantere Peturusa asi, '' Yosili nove kwawowa hamena, yeeyi nove o mugalireya, noruuyugiso roge naro taru litanta.'' ⁷¹ Gwina kutunda opo hena ta lyeterere oku ta gana asi, '' Mugara ogo muna kuuyunga, ame ndangame kumadiva.'' ⁷² Kutunda opo sikondomboro aso tazi zigi rwauvali. Nani Peturusa haga yi kwatera eyi eyi ngamu tantere Yesusi asi, '' Sikondomboro aso sa kuziga ruvali, ove nare ono patana nge rutatu.'' makura kutanda opo ta tenduka a lire.