¹ Peturusa na Johanesa vha za mokuuyunga nombunga, makura vaprisiteli wovanene nomupitisili govanomene wontembeli kumwe no vasadukayi tava va wizire. ² Awo va korere unene komutjima yeeyi vapositile Peturusa na Johanesa va rongere mbunga oku tava zi sudisire ai vafe, ngava vhubuka ngwendi Yesusi. ³ Awo makura tava va kwata tava va tura mo dorongo mungura nguarangura, yeeyi ezuva kwa tokere. ⁴ Nye wovanzi ava va zuvhire mbuli zawo wa zi pulire; gano sivaro sovantu tasi ya huru nye ngwendi pomayovi gatano. ⁵ Eyi lya sa ko makura vapangeli vawo, nowakurua vaho, novalirongi wovatjangwa tava pongaika mo Jerusalema. ⁶ Kumwe nomupristeli gomunene Anasi, naKiyifasa, naJohanesa, naArekisandere, navavanye va heme kekoro lyo moperisteli gomunene. ⁷ Awo tava tura Peturusa naJohanesa komeho zawa tava va pura ai, ''omu muna rugana eyi ngapi, nonkondo musinke muna kurungana?'' ⁸ Gano Peturusa tazi muzura mpepo zokupongoka, ta va tantere asi, ''Vapangeli one womambo, gho vatu novakuruna, ⁹ Nsene yiyo muna kutumbura oyo yokuhamena sirugana sosiwa esi vana ruganene mugara gokuvera nomu va mu porisa. ¹⁰ Yi divene namuvenye momambo nagunye gwa Israeli asi , mugara ogu ana sikama komeho zeni, kuna porisa monwa Yesusi kristusa mnasereya, ogu mwa pamparere kosilivindakano, nye Karunga yiyo ga mu pindusere koufe. ¹¹ Yesusi yige googu va tjanga asi, '' emanya edi va zumbire vatungi, yilyo lya kare emanyi lyemeguru. ¹² Eparu kuligwana mwedi ngelike, yeeye kutupu hena nampilinmuntu gumwe gwapeke mouzuni mudima, ogu ga pa karunga edina lyokukukutekera.'' ¹³ Apa va mwene kokora mutjima kwaPeturua naJohanesa va diverepo asi awo kapisi valirongi, vantuuntu tupu makura tayi va tetukise, awo makura tava va nongonona asi nani Peturusa naJohanesa kumwe naYesusi va kere. ¹⁴ Nomokumona hena mugara ogu va porisire ana sikama nawo, namunwe si hena omu oko mokondera. ¹⁵ Makura tava tantere vapositoli asi va pwage mo monzugo zosingongi, va liyongere ko tanko va vane. ¹⁶ Tava lipuragere asi, ''ngapi omu natu va rungana?poruzera sina kara awo hena navanye ava va kara mo Jerusalema; va si diva oe nokuwapa si kusipatana. ¹⁷ Mokunika asi ya lihanena unene mombuga, tu va nyokeseni tupu asi va tantera vantu ye medina lya Yesusi. ¹⁸ Makura tava va zigida tava va tantere asi norunwe si hena rooru asi mu uyunge ndi mu ronge medina lya Yesusi. ¹⁹ Nye o Peturusa naJohanesa tava va limburura asi,''Namomwe si no mo tokora asi siwa pomeho zakarunga a wowa ko zuva nyone konte zakarunga. ²⁰ Yeeyi ose ko nokuwapa si ai tu dire kuuyunga yokohamena neyi twa zuvha neyi twa mowa.'' ²¹ Eyi ga mana kuvanyokera unene oPeturusa na Yohanesa, makura ta va sigi va ze. Yeeyi kapi ga mwene konda zokuvapa usima, morwa vantu navenye kwa pandere karunga kweyi ya horokere. ²² Nye mugara ogu sa horokere severuko kwa kere nonovhura dokupitakana nomurono nne. ²⁴ Kwa va siga tupu va ze, o Peturusa na Yohanesa makura tava tengura kovakwaavo tava ka va sansekera nanyinye eyi va va tanterarere vapristeli wovanene. ²³ Gano awo eyi va yi zuvha navenye tava kara mtjima gumwe mokukanderera karungu asi; '' Hompa, karungu ove nyove wa dika heguru nevhu no mokuru gomonene, nohe nayinye ya kara mo. ²⁵ Nyove wa uyungisire muegeli goge, zinyakurwetu naDafita, ''kompepo zokompongoka pokutanta mokanli yike vana kereke mondjorongani gano nombunga yinke dina kugazarera yininke ya hana mutompo?' ²⁶ OHompa wouzuni ou vana liwapaike, gano vakuruna vana ponganene ga di rwanesa Hopa na kristusa gwendi.' ²⁷ Yosili Herodesa naPontiusa Piratusi kwa pongere kumwe pongaane vantu vaIsraeli mositata esi va diuruke muntu goge gokupongoka Yesusi ogu wa gwaveka. ²⁸ Awo kwa ponganene moyi nayinye eyi ya tokokwa nare monokango doge nomopangp doge asi ngayi horoke. ²⁹ Apa ngesi Hompa tara nye notugumuko dawo ove o kwafe vakali woge va uyunge nokango doge mutjima nadinye. ³⁰ Gano gonyowa hewoku ku veruke gano yidiviso noyitetu yi horokere medina lyomukali goge gokupongoka Yesusi.'' ³¹ Awo kwa mana tupu kukanderera makura hevango eli va pongere tali kankama awo navenye tava zura mpepo zokopongoka makura tav uyunga nonkango dakarunga nomtjima. ³² Mbunga zovapuli kwa karere mutjima gumwe. Nagumwe si nga tanta asi eyi ne yange nye nayinye kwa yi pakererere. ³³ Vapositoli ngava gav mutjima gomunene kuferankeda wokuhane epinduro koufe lyahompa Yesusi, gano nkenda zonene kwa kere navanye. ³⁴ Gano pokatji kawo nagumwe si ga heperepo morwa, navenye ava va kere nomapya nomambo kwa yi randesere gano eyi ya tundire mo makura ³⁵ tava yi retere vapositoli awo kwa yi gaminine nkhehego tav mupe mukupera kwedi. ³⁶ Pwa kere mugara edina lyendi Yosefa ogu ngava tumbura vapostoli asi Baranabasi (kutanta asi motjokedi), murevhi mugara go moKipurusa, ³⁷ Age kwa randesere po epya iyendi makura ta reta yimaliva kovapositoli.