¹ Kobaibaluhya kulipa kubeendelezhyi akumulawo, kuti babalemeke, balibambile milimo mibotu, ² batatukani naba omwe, batanyemi kuti balwane, akuli batamika, batondehye luyando kubantu boonse. ³ Nkaambo aswebo cimwi ciindi twakali bahubahuba abatalemeki. Mwakatusowa twakaba bahike ukuyandihyihya kwamiyeeyo minji akuli kkomanihya. Twakapona muhyibi alimwi amukutayanda umwi aumwi. ⁴ Pele ciindi luse lwa Leza Muhutuli wesu aluyando lwakwe kumuntu lwaka bonya, ⁵ takuli kumilimo akubululami nkotwakazhyicita pele kwiinda muluzhyalo lwakwe mwakatuhutula, kwiinda mukusazhyiwa kwakuzhyalwa kwa bili akubuumi bunyowana buzhwa ku muuya usalala, ⁶ Walo Leza ngwakatila mubunji kuli ndiswe kwiinda Mumuhutuli wesu Jesu Klisto, ⁷ kutewa kuti tusalazhyanye kwiinda muluzhyalo lwakwe, akuba bahikukona balangila buumi butamani. ⁸ Aya makani ngaluhinizhyo. Nyanda kuti yebo uuhinizhye azhyintu eezhyi, kutewa kuti kuli babo bakahyoma uli Leza balinjizhye kabotu mumilimo mibotu. Eezhyi zhyintu zhyibotu zhyiyandihi kumuntu oonse. ⁹ Pele amulitanta mune kumyaambo mibi akasampusampu akulwana akukazhyanya zhya mulawo. Ezhyo zhyintu zhyinyina bulumbu zhya buyo. ¹⁰ Amumukake kuhuumbwa uleta lwandaano akati kenu, mwamana kumuchenjezhya ciindi cowe naa zhyobile, ¹¹ mbomuhi kuti muntu uli mboobu wakakuhvwa muzhyila iluleme alimwi ulabihya akuli hinganya mukamwini. ¹² Ndatuma Artemas naa Tychicus kuli ndiwe, uhwumbaane kuboola kuli ndime ku Nicopolis, nkwi ndakayeeya kuti nkakalile nkuko ciindi ca mumpeyo. ¹³ Kocita kuhyumbwa ncokozhya kutuma mulweendo lwabo Zenas mubetehyi alimwi Apollos, kutewa kuti babule ncobabula. ¹⁴ Bantu besu baiye kuli swanganya lwabo beni kumilimo mibotu yakuligwahya kuzhyintu zhyiyandika kuhwambaana, alimwi zhyitabi zhyitazhyali micelo. ¹⁵ Boonse aabo mbotuli limwi ndamwaazhya. Ubaazhye aabo batuyanda muluhyomo. Luzhyalo lube andimwe noonse.