¹ Paulo, mubelehyi waka Leza alimwi amu apostlo waa Jesu Klisto wa luhyomo lwa bantu basale a luzhyibo ulwa kahyimpe luhvwuminana azhya bu Leza, ² abulangizhyi bwa buumi butamani ubo Leza,utabeyi, mbwakahyomezhya ciindi ca misela. ³ Kuciindi ceelele wakaliyubulula izwi lyakwe kwiinda mukukambauka oko nkwinda kahyomezhyewa kweendelana amalailile aka Leza muhwutuli wesu. ⁴ Kuli Tito, mwana wangu mwini mwini muluhyomo lwesu lukozhyanya. Luzhyalo alimwi luumuno luhvwa kuli Leza Taata wesu alimwi a Muhutuli wesu Jesu. ⁵ Nkaambo kaako nciinda kakuhiila ku Crete, kuti uzhyibambe kabotu zhyintu zhyatakamaninina alimwi akunanika bamaalu bamu madolopo oonse mbuli

mbonda kakulailila.

⁶ Mwaalu weelele kuti kanyina kapenda, katwele mukaintu omwe, abana bahyomeka batatongookwi zhyabuyamba na kutateelela. ⁷ Nciyandihyi kumusololi, mbuli mweendelezhyi wang'anda ya Leza, kubula kapenda. Tayelele kuba hicinguni, katanyemi buyo, utakolwi waini, atabi hikondo, alimwi atabi muntu uuliyanda. ⁸ Ubuyo, weelele kuba hicamba, uyanda bubotu, zhyintu zhyamaanu, uuyihvwi, usetekene, alimwi uulikwata. ⁹ Uleelele kukwatihya akuhyomeka kumilumbe iyaka yiihyiwa, kucita kuti acikonzhye kuyumya yumya bamwi kulwiiyo lwakahimpe alimwi akucinculula babo bamukazhya. ¹⁰ Nkaambo nkobali banji bantu bazangi, batazhyi cakwaamba alimwi mbacengi, kwaambihya abo babupalule. ¹¹ Cilayandika kubaimika. Banyonganya mikwahyi kwiinda mukuyiihya njiihyo izhyinyina bulumbu nzhyo bateelele akuyiihya. ¹² Umwi waba nhinhimi babo beni wakaamba, "Bantu baku Creta lyoonse mbabehyi, mbabyaabi mbuli banyama, bahindya batolo.'' ¹³ Olu mulumbe ngwamahipe. Akaambo kaako, mubalulameke cansana, kutewa kuti kubemahimpe muluhyomo, ¹⁴ bata swiilili kuma nkwangalizhya ama Juda naa kumalailile a bantu abaleya kukahimpe. ¹⁵ Kuli baabo basalala, zhyintu zhyoonse zhyilasalala. Kuli baabo bahimakulo alimwi tabahyomi, kunyina icisalala, pele zhyoonse miyeeyo alimwi amyoyo yabo yakanyongana. ¹⁶ Balyaamba kuzhyiba Leza, pele balamukaka mumicito yabo. Mbasesemyi, batateeleli, alimwi tabayeelele kuhwumbwa mulimo mubotu.