¹ Nkaambo twakalulamikwa aluhyomo, tukwete luumuno a Leza mu Mwami wesu Jesu Klisto. ² Muli nguwe alimwi tuli kwete caaabilo muluhyomo ku luhyalo oolu mwalo motubele, alimwi tulalidunda ku bulangizhyi bwa bulemu bwa Leza. ³ Kutali buyo boobo, pele alimwi tulalidunda kumpezhyo zhyesu. Tulizhyi kuti impezhyo zhyibamba kukakatila. ⁴ Lukakatilo lubamba ciimo, acalo ciimo cibamba lulangilo, ⁵ alwalo lulangilo tabubi ansoni nkaambo luyando lwa Leza lwatilwa mu myozo yesu kwiinda mu Moza Usalala, uwakapewa kuli ndiswe. ⁶ Nkaambo notwakacikompeme, ku ciindi ceelele Klisto wakanhwila babihyi. ⁷ Nciyumu kumuntu kunhwila muntu ululeme, nokuba boobo kunyina muntu unga wahwila muntu mululami. ⁸ Pele Leza wakatondezhya luyando lwakwe, kuli ndiswe, nkaambo notwakacili babihyi, Klisto wakatuhwila. ⁹ Atala aboobo, nkokuti, ono nkaambo twalulamikwa kwiinda mu bulowa, tuyaku hwutulwa anguwe kunhwa ku bukali bwa Leza. ¹⁰ Aboobo, notwakacili bahinkondonyina, twakalekelelwa kuli Leza ku lunhwu lwa Mwana wakwe, atala akooko, notwakamana kulekelelwa, tuyaku hwutulwa abuumi bwakwe. ¹¹ Kuleka buyo boobo, pele alimwi tulasekelela muli Leza kwiinda mu Mwami wesu Jesu Klisto, kwiinda muli nguwe ono twatambula lulekelelo lwakwe. ¹² Ono alimwi, kwiinda mumuntu omwe cibi cakanjila munika yoonse, muzhyila eeyi lunhwu lwakaya ndilila kubantu boonse, nkaambo boonse bakabihya. ¹³ Kakutanaba mulawo munyika, cibi cakaliko munyika, pele kunyina kupewa bubi kuti kakunyina mulawo. ¹⁴ Aboobo, lunhwu lwakanjila kunvwa kuli Adam kuhyiikila kuli Musa, akuli baabo boo nse batakacita bubi mbuli kutatobela mulawo kwa Adam, aabo balubanvwu lwakwe uwakali kuboola. ¹⁵ Pele bulumbu tabuli mbuli bulubizhyi. Nkaambo kwiinda mukulubizhya kwa muntu omwe banji balanhwa, ino luzhyalo lwa Leza alimwi acipengo caluzhyalo lwa muntu kwiinda muli, Jesu Klisto, mbolupelwa kubantu banji. ¹⁶ Nkaambo cipo cabuyo tacili mbuli cintu civwa kumuntu omwe wakabihya. Pele lubeta lwakaba kuli yooyo wakabihya akuleta kuzulwa, pele cipo cabuyo, nocakatobela banji noba kabihya cakaleta kululamikwa. ¹⁷ Nkaambo kuti naa, kulubizhya kwa muntu omwe, luhwu lwakayambukila kwiinda ku muntu omwe, elyo abalo batambula buyambukizhyi lwa luzhyalo alwacipo cabululami, abo balainda kuba abwami kumuntu omwe, Jesu Klisto. ¹⁸ Aboobo, mbuli muntu omwe nasotoka mulawo wakaleta kuti bantu boonse babe amulandu, mbubona kwiinda mumicito yabululami kwakaba kululamikwa abuumi kubantu boonse. ¹⁹ Aboobo kusotoka mulawo kwa muntu omwe banji bakaba babishyi, abwalo bululami bwa omwe banji baya kululamikwa. ²⁰ Pele mulawo wakaleta kuti bulubizhyi bukomene. Pele awo cibi nocakavwulaaaa awalo luzhyalo lwakakomena. ²¹ Eci cakacitika kutewa, cinyonyoono mbocikomezhya luhwu, awalo luhyalo lukomene kwiinda mubululami bwa buumi butamani kwiinda muli Jesu Klisto Mwami.