¹ Alimwi wakakanka kuyiihya kumbali aa lwizhyi, alimwi inkamu yabantu inkando yakamuhyinguluka. wakanjila mu bwato bwakali mulwihyi, a kukkala mukati. Inkamu yabantu boonse yakali a nkomwe ya lwizhyi. ² Wakabayiihya zhyintu zhyinji mutwaambyo, ono mukuyiihya kwakwe, mbobuya mbwaakabaambila. ³ "Amuteelele! Mulimi wakaunka kukuhyanga imbuto. ⁴ Nakalikuhyanga, inseke zhyimwi zhyaka wila kumabali aanzhila, mpoona bayuni bakaboola bazhyilya. ⁵ zhyimwe inseke zhyakawila anyika ya mabwe aanyina bulongo bunji. Mukuhwambaana yakamena, akaaambo kakuceya bulongo. ⁶ Pele, izuba mbulyakabala buyo, tuhyango twakaneta, alimwi akaambo ka kubula miyanda, twakayuma. ⁷ Zhyimwi nseke Zhyakawila mutusanhyi twamanhwa. Tusanhyi twamanhwa twakakomena akukkoma tuhyango, tiiyakabbala. ⁸ Zhyimwi nseke zhyakawila mubulongo bubotu alimwi zhyakakomena akuhwula akubbala makumi otatwe, makumi osanwe a umwi, antela zhyiindi zhyili mwaanda. ⁹ Mpoona wakaamba, "Uukwete matwi aakuteleezhya, kateelela!" ¹⁰ Ono Jeso naakali alike, aabo bakamuzhyingulukile kubika abali kumi abobile bakamubuzhya twaambyo. ¹¹ Wakabaambila kuti, " Kulindimwe kwapewa maseseke aa bulelo bwa Leza. Pele kuli baansengwe zhyoonse zhyamutwambyo, ¹² kutewa balikulanga, inzhya kabalanga, pesi kabataboni, alimwi balikuteelela, inhya kabateelela, pele kabatanhwinhinhinhipe, ibuyo inga balasanduka mpoona Leza wabalekelela." ¹³ Wakabaambila kuti, " Hena tamunhwinhinhinhi kaambyo aaka? Ino mbobuti mbomutikanhwinhinhinhe twaambyo toonse?" ¹⁴ Uuhyanga, uhyanga izwi. ¹⁵ Eezhyi zhyizhyakawila mumabali aa nhyila, izwi nkulyahyangwa. Bamana kuliteelela, Satani ndilyona ndilyona ulaboola akulikwihya izwi lya hyangwa muli mbabo. ¹⁶ A zhyeezhyi zhyenseke zhykahyangwa munyika yamabwe; balo, balanga mpoona mpoona mbubalinhwila izwi balatambula cakukondwa. ¹⁷ Nokuba boobo muli mbabo kunyina miyanda, pele balaliyumya kwakaindi kasyoonto buyo. Kwamana boobo ahika mapenzhyi na makatazhyo nkaambo ka zwi, balo mpoona mpona balawa. ¹⁸ Alimwi zhyimwi nzhyizhyakahyangwa mumanhwa. balo mbabaabo bateelela iwi, ¹⁹ pesi bubotu bwa nyika a kuunya kulubona lwaanhyi akulombozhya zhyintu zhyimwi kulaboola akuca izwi, mpoona talizhyali micelo. ²⁰ Eezhyo zhyakahyangwa mubulongo bubotu mbabaabo bateelela izwi, balitambula akuzhyala micelo, makumi otatwe, makumi osanwe akomwe, naa zhyiindi zhyihika kumwaanda kuhwula. ²¹ Jeso wakabaambila, "Hena inga waleta lambe mung'anda wamana walizhyunika cinzuma na mujunguhyi aa bulo? Ulyalyeeta akulibika acikkalilo ca lambe. ²² Nkaambo kunyina cihisilwe citako hyibwa, alimwi kunyina cakuhiyahiya cita kabi akabanda. ²³ Naa kuli ukwete matwi akuteelezhya, kateelela!" ²⁴ Wakabaambila kuti, "Kamubikila maanu ncomuteelela, akaambo kakuti ceelehyo ncomuyakweelehya andimwe ncomuyakweelehewa, akuyungizhya alindimwe. ²⁵ Nkaambo kuhwumbwa uukwete, uyakuyungizyilwa, awalo uutakwete, nkakona nkayiile ulakanyahyiwa." ²⁶ Alimwi wakaamba kuti, "Bulelo bwa Leza buli mbuli muntu uuhyanga imbuto mubulongo. ²⁷ Ulalala mahiku akubuka bwacha, ayalo imbuto ila sonsa akukomena, walo katazhyi mboceenda. ²⁸ Inyika ilazhyala iini: kutalika yasonsa, yahwa kutwi, limwi lyoonse lyamena akukomena mukutwi. ²⁹ Cihyango mbocabwizila, mpoona mpoona ulaleta isikela nkaambo ciindi ca kutebula cahika." ³⁰ Alimwi wakaamba," Ninhyi ncotunga tweelezhyanya a bulelo bwa Leza, naa nkkambyo nzhyi nkotukonzhya kubelehya kubupandulula? ³¹ Buli mbuli inseke yamasitadi, yalo, inga yahyangwa, njenseke yiinda kuceya anhyi aano. ³² Pesi, yahyangwa, ilakomena akuba isamu liinda kukomena mumbeu, akuba aamitabi mikando, mwalo bayuni bamujulu mobayaka hyiteente akuyusa." ³³ Wakabaambila izwi mutwaambyo tunji tuli boobu, mbubona mbubakakonzhya kunhwinhinhinhya. ³⁴ Alimwi kunyina naatakabelehya twaambyo kukanana kuli mbabo. Pesi naakali alike, wakali kubusa ndulwila bahiciiya bakwe mwini. ³⁵ Oobo buzuba, nikwakaba mangolezhya, wakabaambila kuti, "Atweende kwitala lyakokuya." ³⁶ Bakahiya mbunga , bamutolelela a Jeso, mbokunga, waali kale, mubwato. Kwakali aambi mato akali kumuhindikizya. ³⁷ Ndilyona kwakabuka luwo lukando, a mayiwe akali kupwaya ku bwato, limwi bwato bwakati zule meehyi. ³⁸ Pesi walo Jeso wakali koona, kunkumbwi, amunseme. Bakamubbatamuna, bamwaambila, "Omwiyi, hena tokombi kuti tukalamana kuhwa?" ³⁹ Wakayumuka, walwiimika luwo, akwaambila lwizhyi, "Umuna!, Batama!" Mpoona luwo lwakamana, alimwi kwakaba kubatama kukando." ⁴⁰ Mpoona wakabaambila kuti, "Ino mukanduka zhyi? Hena tamuna kwata lushomo?" ⁴¹ Bakazula bukandu akwaambilana kuti, "Ino ooyu muntu nguni, kayi a muwo a lwihyi lulamuteelela?"