¹ Ciindi Nsabata noyakamana, Mary Magdalene, Mary babanyina James, alimwi a Salome bakaula tununkilizhyo kucita kuti baboole bakananike tununkilizhyo mubili uwa Jesu. ² Mahwumo hwumo eeni mubuzuba bwa kutaanguna munhvwiki, bakaunka ku cuumbwe izuba nolyakapola. ³ Bakali kwaamba kuli umwi aumwi, ''Ngoni uuya kulikunkulihya ibwe kuhvwa amulyango wa cuumbwe?'' ⁴ Nobaka nuunuka, bakabona kuti ibwe lyakali kwihilwe kale, nkaambo lyakali ikando maningi. ⁵ Bakanjila mu cuumbwe a kubona mulombwana mukubuhyi uusamine zhyituba, ulihyite kulubahvwu lwakululyo, alimwi bakaka nkamana. ⁶ Wakaamba kuli mbabo, ''Mutaka kankamani. Mukapula Jesu, mu Nazerene, iwakabambulwa. Walo ulibukile! Tako muno pe. Kamulanga abusena mpoba kamulazhyikile. ⁷ Pele kamuya, mukabaambile bahikwiiya bakwe alimwi a Peter kuti, 'Uleenda kumbele lyenu kuya ku Galilee uko mulaka mubona, umbona mbuli mbwakaamba kuli ndimwe.''' ⁸ Bakahvwa alimwi akulukanka kuhvwa mu cuumbwe ; bakali kukankama akukatazhyiwa. Kunyina ncobakabandika kuli umwi aumwi muntu nkaambo bakali kuyoowele cini cini. ⁹ [Mahwumo hwumo mu buzuba bwa kutaanguna munhvwiki, naakamana kubuka walo, wakataanguna kuli bonya kuli Mary Magdalene, walo uuli nguwakakwihyiwa bahikakazwa abali ciloba. ¹⁰ Walo wakaunka akuya kwambila mbocakali limwi anguwe Jesu ilyo, nobakacili koomoka a kulila. ¹¹ Bakanhvwa kuti ulapona alimwi wakamubona uyu mukaintu, pesi tobakahyoma. ¹² Nozhyakamana ezhyi zhyintu wakalibonya muciimo caandeene kuli bamwi babo bobile mbuli mbobakali kuyaa kweenda kuya mucihyi. ¹³ Bakaunka a kuya kubaambila bahikwiiya boonse, pesi tiba kabahyoma balo pe. ¹⁴ Jesu alimwi mu ciindi cimbi wakalibonya kuli bali kumi aomwi mbuli mbobali kulyookezhya atebule nobakamana kulya, alimwi wakaba nyemena balo

a kaambo ikakutahyoma a kuyuma myoyo kwabo, nkaambo tobakabahyoma aabo abakamubona nakamana kubuka kuhvwa kubahwu.

¹⁵ Wakaamba kuli mbabo, ''Kamuya munyika yoonse, alimwi mukakambauke mulumbe ku zhyilenge zhyoonse. ¹⁶ Uyo uuhyoma akubbizhyiwa ulakahwutulwa, alimwi uyo uutahyomi ulakatukwa. ¹⁷ Eezhyi zhyi tondezhyo zhyila kaunka abaabo abahyoma: Muzhyina lyangu balaka tanda bahyikazwa. Balaka bandika mumilaka mipya. ¹⁸ Balakwata iyinzoka amatanhyi aabo, alimwi naabanywa cintu cikola, tacikabalwani. Balakabika matanhyi aabo abalwazhyi, alimwi bala kupona.'' ¹⁹ Mwami naakamana kubandika kuli mbabo, wakabwezewa kuya kwizeulu alimwi wakaa kukkala kulubahvwu lwakululyo lwa Leza. ²⁰ Bahyiciiya bakaunka alimwi akukambauka koonse koonse, kakuli Mwami wakabeleka ambabo alimwi akuzuzukizhya ijwi kwiinda muzhyitondezhyo nzhyoca kaunka limwi mbabo.]