¹ Kwakaheele mazuba obile akutanaba ipasika alimwi amuswaangano wacinkwa citakwete bumena. Ibapaizhyi bakando alimwi abalembi kabakapaula muzeezo mukanda wambo bati mukwate Jesu alimwi akumuyaya. ² Nkaambo bakali kwaamba, ''Kutali ciindi camuswaangano, mukuti kutabuki nkondo akati kabantu. ³ Jesu nakali mukati mu Bethany mung'anda ya Saimoni hicinsenda, mbuli mbwakali kulya atahule, mukaintu wakaboola kuli nguwe kakwete ingoma yamahuta adula, yalo itavwelenganizhywe. Wakiipaya alimwi akutunta ingoma amutwe wakwe. ⁴ Pele bamwi bakanyema. Bakali kulyambauzhya lwabo bamuka mwini akwaamba kuti, ''Mukaambo kali nkobazonyoonena? ⁵ Aaka kanunkilizhyo kali kunga kalasambalwa kwiinda madinarii aali zhyuulu zhyotatwe, alimwi akupewa kubacete.'' Kumane bakamunyenena. ⁶ Pele Jesu wakati, ''Amumuhiye alike. Nkaambo nzhyi ncomumupenzhyela? Wacita citu cibotu kuli ndime. ⁷ Muli a bacete lyoonse, alimwi kuhumbwa nomuyanda inga mwabacitila zhyibotu, pele tamuli kuli ndime lyoonse. ⁸ Wacita koonse kwakonzhya. Wananika mubili wangu kukuzhyikwa. ⁹ Mahimpe ndaamba kuli ndimwe, kuhumbwa nkoukambaukwa mulumbe nyika yoonse, kuhumbwa ooyo makaintu nkwaandicitila kuya kwambaulwa nkuko, mukumuyeeya.'' ¹⁰ Mpoona Judas Iscariot, umwi wabali kumi mubabili wakaunka kuba paizhyi bakando kwaamba kuti akamupe kuli mbabo. ¹¹ Bapaizhyi bakando nobakavwa, bakakondwa alimwi bakahyomezhya kumupa mali. Wakatalika kulanga inzila yakumupa kuli mbabo. ¹² Mubuzuba bwakutangana bwacinkwa citakwete bumena, ciindi nobakatuula kabelele kapasika, bahiciya bakwe bakamba kuli nguwe, nkuli akotuya ukubambila, kwaamba kuti ulye pasika?'' ¹³ Wakatuma bahiciiya bakwe bobile alimwi akwaamba kuli mbabo, "kamuya mumunzhyi alimwi muyakumuswaanganya muntu kakwete alukoma lwameenzhi. Mukamucilile. ¹⁴ Mung'anda mwaya kunjila, mukamucilile akwaamba kuli mukamwini ng'anda, mwiiyi wakati, "Ili kuli ng'anda yangu yakulyookezhyela mwalo mwetilide pasika abahiciiya bangu?" ¹⁶ Uyakumutondezhya ing'anda inkando yamwizeulu yalo ibambilwe kale cabwebehi. Mutubambile kabotu ooko." ¹⁵ Bahiciiya bakahvwa akuunka kumunhzi. Bakayana zhyoonse zhyilibambilwe kweendelana ambwakali kubaambila, alimwi bakabamba cakulya ca pasika. ¹⁷ Nikwaaba mangolezhya, wakaboola abali kkumi mwaabili. ¹⁸ Mbuli mbobakambilila atahule alimwi a kulya, Jesu wakati, "mahimpe ndaamba kuli ndimwe, Omwe wenu uulya andime uya kundyaaba." ¹⁹ Boonse bakanjilwa kuusa, alimwi omwe omwe wakaamba kuli nguwe, "mahimpe kutali ndime?" ²⁰ Jesu wakahvwuwa akwaamba kuli mbabo, "nguumwi wabali kkumi mwaabili, ooyu ono ngotubwenga limwi cinkwa mumutiba. ²¹ I Mwana a Muntu uyakuunka mbubona mbukulembelwe kujatikihzya nguwe. Pele maawe kuliyooyo muntu kwiinda muli yooya Mwana a Muntu mwaya kumwaaba! Calikubota kulinguwe naatakazhzyalwa buyo." ²² Kabacilya, Jesu wakabweza cinkwa, wacileleka, alimwi akucikomoona. Wakabapa alimwi wakati, "Amubweze eeci. Ooyu ngomubili wangu." ²³ Wakabweza inkapu, wakalumba, alimwi wakabapa, alimwi boonse bakanwa kuhvwa mumo. ²⁴ Wakati kuli mbabo, "Oobu mbobulowa bwa cihvwuminano cangu, bulowa bwakatililwa banji. ²⁵ Mahimpe ndaamba kuli ndimwe, nhikanwi alimwi kumucelo ooyu wamusaansa kuhikila mubuzuba bunyowana niyakunwa mubulelo bwa Leza." ²⁶ Nibakaimba lwiimbo, bakaunka ku mulundu wa olive. Jesu wakaamba kuli mbabo, ²⁷ "Noonse lwenu mya kuwa, nkaanmbo kulilembelwe, 'Njakuuma mweembezhyi mpoona imbelele zhyiya kumwaika.' ²⁸ Pele ndaakumana kubuka, njakusolola kumbele lyenu mu Galilaya." Peter wakati kuli nguwe, ²⁹ "Nokuba kuti boonse bakatiye, mebo pe." ³⁰ Jesu wakati kulinguwe, "Mahimpe ndaamba kulindiwe, sunu-inzhya, mahiku aaya-mukombwe katana lila zhyiindi zhyobile uyakunditama zhyiindi zhyotatwe." ³¹ Peter wakati, "Naa ndahwa andiwe, nhikakutami." Boonse bakaba akuhyomenzhya kukozhyene. ³² Bakaboola kubusena bwiitwa kuti Getesemani, alimwi Jesu wakaamba kuli bahiciiya bakwe, "Amukale awa necili kukupaila." ³³ Wakabweza peter, James, alimwi a Johane anguwe alimwi bakatalika kutyompokelwa alimwi akunyongana. ³⁴ Wakaamba kuli mbabo, "Buumi bwangu bwanyongana, kuhikila ciimi ca luhu. Amuhyaale aano akulangila." ³⁵ Wakaunka ambele, Jesu wakawila anhi alimwi akupaila akuti naa cilakonzhyeka iwoola limwiinde kuhvwa kulinguwe. ³⁶ Wakaamba, "Abba, Taata, Zhyoonse nzhyuubauba kuli ndiwe. Guhya nkapu eeyi kuli ndime. pele kutali kuluyando lwangu, pele lwako." ³⁷ Wakapiluka wakabayana baloona, alimwi wakaamba kuli peter, "Simon, uloona? Tokonzhyi kulindila iwoola lyomwe buyo? ³⁸ Amulinde akupaila kuti mutanjili mumasunko. I moza ulayanda, pele ma kanda awizauka." ³⁹ Alimwi wakaunka akupaila, alimwi wa kabelehya mazwi ngoona. ⁴⁰ Nakapiluka alimwi, wakabayana baloona, imeso aabo akalilemene. Tibakazhyi cakwaamba kuli nguwe. ⁴¹ Wakaboola lwatatu akwaamba kuli mbabo, "Hena mucoona alimwi akubweza kulyokezhya? Kwazulila! Iwoola lyahika. Amulange! Mwana a Muntu waabwa mumatanhi abahicinyonyoono. ⁴² Amunyamuke; atweende. Amulange, umwi hikundaaba uli munhi munhi." ⁴³ Kacili mukukanana, Judas, umwi wabali kkumi mubabili, wakahika, alimwi ankamu inkando yakali anguwe amaceba alimwi amisako, kuvhwa kubapaizhyi bakando, ibalembi, alimwi abamaali. ⁴⁴ Ono hikumwaaba wakabapele kale citondezhyo ulaamba, "Ooyu ngweyakumyonta ngomuntu ooyo. Mukamukwate akumutola kubalindizhyi." ⁴⁵ Icindi Judas naakahika, mpoona mpoona wakahika kuli Jesu alimwi akwaamba, "Rabbi," alimwi wakamumyonta. ⁴⁶ Kumane bakabikka matanhi alinguwe alimwi akumwaanga. ⁴⁷ Umwi wakainvhwi munhyi wakakuhya iceba alimwi akuyasa mutwanga wa mupaizhyi mukando alimwi akumukosola kutwi kwakwe. ⁴⁸ Jesu wakaamba kuli mbabo, "Hena mwaboola akabanda, mbuli uulwana mutewu, a maceba, alimwi ankoli mukwata ndime? ⁴⁹ lyoonse ndali andimwe abuzuba alimwi nkiyiihya mutempele, timwali kundaanga. pele eeci cacitika kuti malembo akkwanine." ⁵⁰ Boonse bakali a Jesu bakamuhiya alimwi bakatiya. ⁵¹ Imukubuhi musankwa walo wakasamine cisani calo cakazambailiwe anguwe, wakali kumuccilila Jesu. Iciindi balomwana nobakamuuma ⁵² wakacihiya cisani cituba alimwi wakatiyaana amantanda. ⁵³ Bakamutola kumupaizhyi mukando. Ooko nkobakalundana anguwe aboonse bapaizhyi bakando, abama lembi. ⁵⁴ Ono Peter wakamutobela kuhvwa alaale, alaale alukwakwa lwamupaizhyi mukando. Wakakkala akati kabalangi, bakali munhi amulilo walo kubapa kukasaalilwa ⁵⁵ Ono mukando wabapaizhyi alimwi aba Juuda boonse ankuta bakali a twaambo twakutamikizhya Jesu kwaamba kuti bamubike kuluhwu. Pele kunyina nobayana nokaceya. ⁵⁶ Ibanji bakaleta twaambo twakubeya twakumutamikizhya, pele twaambo twabo titwakaswaagene. ⁵⁷ Bamwi bakaimikila akuleta twaambo twabubehi kumutamikizhya; Bakaamba, ⁵⁸ "Twakamuteelela kaamba kuti, 'Ndakiyaya itempele yakabambwa amatanhi, alimwi mumazuba otatwe njakuyanda iimbi itali yamatanhi.'" ⁵⁹ Nokuba boobo twaambo twabo titwakaswaangene. ⁶⁰ Mupaizhyi mukando wakayumuka akati kabo alimwi akubuzhya Jesu, "Unyina ku vwuwa? Kukaambo aaka bantu nkobakwaamba?" ⁶¹ Pele wakali kuumwine alimwi kunyina a ncakavwuwa. Alimwi mupaizhyi mukando wakamubuzya alimwi wakaamba, "Hena ndiwe Klisto, Mwana a Ulelekelwe Umwi?" ⁶² Jesu wakaamba, "Ndime; alimwi muyakubona Mwana a Muntu naya kukkala kululyo lya lyatanhi ansana alimwi kaboola amakumbi akwizeulu," ⁶³ Imupaizhyi mukando wakazapula cisani cakwe alimwi akwaamba, "Hena tuciyanda bambi bakamboni? ⁶⁴ Mwakumvwa kutukana. Ino muyeeya buti?" Boonse bakamucimwa mbuli umwi weelela luhwu? ⁶⁵ Bamwi bakatalika kuswida mate alinguwe alimwi akumuvwumba kubuhyu alimwi akumuuma alimwi akwaamba kuli nguwe, "Nhinhima!" Bahimiawo bakamubweza alimwi bakamuuma. ⁶⁶ Peter kacili mulukwakwa, umwi wabatwanga muhimbi wa mupaizhyi mukando wakaboola kuli nguwe. ⁶⁷ Wakamubona Peter kalikasaanzhya lwakwe, alimwi wakamulanga cakumuswenenena alimwi wakaamba, "Ayebo wakali amu Nanzaleta, Jesu." ⁶⁸ Pele wakakaka, waamba, "Kunyina nindakamuzhyi alimwi nhiciteelele ancosola kwaamba." Kumane wakeenda ansengwe mumulyango. ⁶⁹ Pele kahimbi katwanga kakamubona alimwi kakatalika kwaamba alimwi kuli baabo bakainhwi waalya, "Ooyu muntu ngoumwi wabo!" ⁷⁰ Pele wakakaka alimwi. Nikwaamana kaindi abo bakainhvwi waalya bakaamba kuli Peter, "Kahimpe ndiwe wabamwi, nkaambo ayebo uli mu Galilean." ⁷¹ Pele wakatalika kuli singanya alimwi akukonkezhya, "Nhimuzhyi muntu ooyu ngo mukanana." ⁷² Imukombwe mpoona wakalila lwabili. Kumane Peter wakayeeya imazwi Jesu ngakaambil kuli nguwe: "Mukombwe katana lila zhyiindi zhyobile, uyoonditama zyiindi zhyotatwe," alimwi wakawila anhi alimwi akulila.