¹ Jeso wakahwa kubusena okuya a kuya kubusena bwa Juda a kamasena ali kwitala a mulonga wa Jordan, mabunga a bantu akahia kuli nguwe alimwi. Wakabaiha alimwi, mbubona mbwakazhibile kucita. ² Kumane bama pharisees bakaboola kulinguwe kuti bamuteye kaambo a kubuzhya, " Hena cili mumulawo kuti na mulombwana aleke mwinakwe?" ³ Wakabavhuwa, "Hena Musa waka muhimwina kuti nzhi?" ⁴ Bakamuvwuwa, "Musa waka vwuminizya muntu kuti a lembye lugwalo wakulekana a mutande mwinakwe." ⁵ "Naambo kakayumya myoyo yenu ncha kalemba mulawo cakalembede ooyu." Wakaingula Jeso kuli mbabo. ⁶ "Kwalo kuhwa kumatalikilo amalengelo,'Leza wakabalenga mulombwana a mukaintu.' ⁷ 'Akaambo kaako mulombwana ulahiya bawihi abanyina akulisusaanganya kumwinakwe, ⁸ aba bobile baba nyama yomwe.' ⁹ Mulikaako eeco Leza ncaswaanganya antoomwe, kutabi muntu uucandaanya" ¹⁰ Nobakali mung'anda, bahiciiya baka mubuzya alimwi kaambo nkikona aaka. ¹¹ Wakabaingula, "Kuhumbwa uuleka mwinakwe a kutwala uumbi mukaintu wacita bumambe kuli nguwe. ¹² Nakuti mukaintu waleka mulumyaakwe akutwalwa kuli uumbi mulombwana, wacita bumambe." ¹³ Mpona bakaleta bana kulinguwe kutewa abaampe abalo, pesi bahiciiya bakabakaha. ¹⁴ Mpoona Jeso nakacibona boobo, wakabanyemena a kwaamba kuti kulimbabo, "Amubahvumizye bana kuti baboole kuli ndime, aboobo mutabahinkili, nkaambo bulelo bwa Leza mbwabaabo bali mbuli baaba. ¹⁵ Icakahimpe mebo ndaamba kuti kuli ndinywe kuhumbwa, uutakatambuli bulelelo bwa Leza mbuli mwana muhoonto cakuhininzya takanjili muli mbubo." ¹⁶ Kumana wakatubweza twana aku tuleleka mbuli mbwakabika maanza aakwe ali ntuto. ¹⁷ Naakakanka lweendo lwakwe, umwi muntu wakamutiyanina a kumuhwukamina kumbele lyakwe a kumubuzhya kuti, "Omwiiyi mubotu, ino njelele kucita nzyi kutewa nkakone buumi butamani?" ¹⁸ Jeso wakaingula, " Nkambozhi cnonjitila kuti ndimubotu? Kunyina naba omwe mubotu cita Leza alike. ¹⁹ Webo ulizhyi milawo: 'Utayayi, utalaliki, utabbi, utatamikizhi muntu kaambo kakubeja, utaciti makulo, lemeka uso abanyoko." ²⁰ Muntu ooyu wakaingula, " Mwiyi, zhoonse eezhi ndazhibamba kuvwa kubwana bwangu." ²¹ Jeso wakamulangihihya a kumuyanda. Waamba kuli nguwe, "Comwe buyo ncobulile. Weelele kusambala zyintu zyako zyoonse a kupa kubapuhi, aboobo uya kuba aalubono kwizeulu. Wamana uboole, unditobele." ²² Pele akaambo kamajwi aaya wakaboneka kuusa, mpoona wakeenda kausile, nkaambo wakali hubile. ²³ Jeso wakazhibauka akwaamba kuli bahiciiya bakwe, "Nciyumu kulibaabo bahubile kunjila mubulelolo bwa Leza!" ²⁴ Bahiciiya bakakankamana kumazwi aakwe, pele Jeso wakkmba alimwi kuli mbabo, "Nobana nciyumu buti kuyoonjila mubulelo bwa Leza!" ²⁵ Ncuubauba ku nkamela kunjila muliso lya nyeleti kwiinda muhwubi kunjila mubulelo bwa Leza. ²⁶ Bakankamaninhya akwaamba kuti umwi a umwi , "Ino nguni uuya kufutuka?" ²⁷ Jeso wakabalanga akwaamba kuti, "Kubuntu tacikozyeki, kutali kuli Leza nkaambo zyoonse kuli Leza zyubauba." ²⁸ Petulo wakakanka kukanana kuli nguwe, "Langa swebo twakahiya zyonse aku ccilila ndiwe." ²⁹ Jeso wakaamba, "Mahimpe ndaamba kuli ndimwe, Kunyina muntu uhiya ng'anda na bana bakwabo basankwa nibaba bacizyi nibaba banyina, abana, anyika a kaambo kangu akaambo kamulumbe ³⁰ uutakwe kuyootambula zhyindi zhyili mwaanda zhyiindilila mumusela uuno: maanda abana bakwabo a bacizhyi abamanyina abana a nyika, amapenzhyi, alimwi anyika iibola, buumi butamani. ³¹ Pele bunji bwa baabo bataazhyi bayakuba kumamanino, abalo bamamanino bayakutaanguna." ³² Bakali mumugwagwa kabaya ku Jerusalema, alimwi Jeso wakali kweenda kumbele lyabo. Bahiciiya bakankamana, alimwi abaabo bakali kumutobela munhi bayoowa. Kumane, Jeso wakabweza bali kumi ababili ambali akukanka kubalailila cakali kuyanda kufwambaana kucitika kuli nguwe. ³³ "Kamulanga, tuunka ku Jerusalema, alimwi Mwana a muntu uyakukwaabwas ku bapaizhi bahimutwe abalembi. Baya kumubeteka akumupa mulandu wa luhwu a kumwaaba kuli bamahi. ³⁴ Baya kumusaalizha, akumuswila mate, akumukwibbaula, akumuyaya. Pele kwakwiinda mazuba otatwe ulaabuka." ³⁵ Jakobe a Johani, bana ba Zebidayo, bakaboola kuli nguwe a kwaamba kuti, "Mwiiyi, tulomba kuti utucitile kuhumbwa ncotutilombe kuli nduwe." ³⁶ Wakati kulimbabo, ncinzhi ncomuyanda kuti ndimucitile nyebo?" ³⁷ Bakati, "Utuhwuminhye kukkala andiwe mu bulemu bwako. Umwi kululyo lya tanhi lyako aumwi kulumwenhi lwako." ³⁸ Pele walo Jeso wakabaingula wamba, "tamucizhyi ncomulomba. Hena mulacikonzya kunywa nkomeki njiya kunywa na kubbiwa mubumbizyo olo ndwiya ku mbihiwa?' ³⁹ Bakaamba kuli nguwe, "Tulacikonzhya." ⁴⁰ Pesi nguni uyakukkala ku lulyo kwa tanhi lyangu heli ndime ndipa, pele ncabaabo aboo baka bambililwe mbubo." ⁴¹ Nibakanhwa abalo bali kumi kaambo aka, bakatalika kunyemena Jakobe a Johani. ⁴² Jeso wakabaitila kulinguwe a kubaambila, "Mulizhi kuti aabo baambwa kuti mba bami bamahi bala balabadyaamina abalo bapati babo babeleha kami kami munsana zyabo. ⁴³ Pele akati kenu kutabi boobo. Kuhumbwa yooyo uyandakuba mukando akati kenu weelele kuba mutwanga, ⁴⁴ alimwi oyo uuyanda kuba musololi wenu abe mutwanga waboonse. ⁴⁵ Nkaambo Mwana a Muntu a walo takabolela kubelekelwa, pele kuti abelekele bamwi, a kupa buumi bwakwe mbuli cituuzyo cakunununa banji." ⁴⁶ Bakahika ku Jericho. Mbuli mbwakanyamuka aba hiciiya bakwe a bantu banji, mwana wa Timaeus, Bartimaeus, moohu mukumbizhyi, wakali kkele munhi a mugwagwa. ⁴⁷ Nakanvwa kuti ngu Jeso waku Nazareta, wakatalika koongolola akwaamba kuti, "Jeso, mwana wa Davida, nhwila luse!" ⁴⁸ Banji baka mubwentela, muntu moohwu, a kumwaambila kuti aumune. Pele walo wakazumanana koongolola, "Mwana a Davida, nhwila luse! ⁴⁹ Mpona Jeso wakaima a kulilailila kuti a letwe. Bakamwiita muntu moohwu, kabaamba, "Batama! imikila! Ulakwiita." ⁵⁰ Mpoona wakasowa kajansi kakwe, wasotoka, akuboola kuli Jeso. ⁵¹ Jeso wakamwiingula akuti, "Hena uyanda kuti ndikucitile nhi?" ⁵² Mpoona Jeso wakamwaambila kuti, "Koya. Luhomo lwako lwakuponya." Mpoona-mpoona wakabona alimwi, a kumuccilila mumugwagwa.