¹ Nakapiluka ku Capernauma nikwakamana mazuba mahyoonto, kwakahvwiwa kuti uli kale amaanda. ² Banji bantu bakabungana kulya cakuti kwakanyina busena, nokuba amulyango kwanyina busena, alimwi Jesu wakaamba izwi kuli mbabo. ³ Mpoona bamalombwana bamwi bakaboola kuli nguwe bakali kuleta mulombwana uhvwobookele mubili; bantu bone bakali kumubwezele. ⁴ Nobata kacikonzhya kuhika munhimunhi nkaambo kamabunga aabantu, bakahvwumbula lululi lwakali atala a Jesu, nobakamana kuhvwumbula, bakaselemuna munseme wakalele mulombwana uuhvwobookele mubili. ⁵ Nakabona luhyomo lwabo, Jesu wakaamba kumuntu wakahvwobookele mubili, "Mwaanaangu musankwa, zhyinyonyoono zhyako zhyalekelelwa." ⁶ Ono bamwi balembi bakali kukkele akulya akuliyeeya mumyooyo yabo, ⁷ "Mbuti muntu ooyu mbwakonzhya kwaamba munzhyila yeeyi? Ulatukana! Nguni ukozhya kulekelela zhyibi pele Leza alike?" ⁸ Cakuhwambaana Jesu wakazhyiba mumozo wakwe ncobakali kuyeeya akati kabo. Wakaamba kuli mbabo, ''Nkaambo nzhyi ncomuyeeya bobuya mumyozo yenu? ⁹ Ncecili cubauba kwambila muntu uhvwobokeele, "Zhyibi zhyako zhyalekelelwa na kwaamba kuti, 'koyumuka bweza munseme wako, wamana uunke'? ¹⁰ Mukuti muzhyibe kuti mwana amuntu ulikwete insana munyika izhyakulekelela zhyinyonyoono , Wakaamba kuli uhvwobookele, ¹¹ "Ndaamba kuli ndiwe yumuka bweza munseme wako wamana uunke kun'ganda yako." ¹² Wakayumuka mpoona akubweza munseme wakwe alimwi wakahvwa mun'ganda kabalangilila, mukuti boonse baka kankamana alimwi akupa bulemu kuli Leza alimwi bakaamba, "Kunyina notwa kacibwene cili mbuli ceeci." ¹³ wakaunka kulwihyi, alimwi mabunga mabunga akaboola kulinguwe wakabayiiha. ¹⁴ Mbuli mbwakali kwiinda wakabona Levi mwana wa Alphaeus ulikkele acihwuka ca himutelo alimwi wakaamba kuli nguwe, " Amudiccilile." wakanyamuka akumuccilila. ^{15 16} Jesu wakali kulya mung'anda ya Levi alimwi abahimutelo banji alimwi abahihibi alimwi aba hikwiiya bakwe, nkaambo bakali banji mpoona bakamutobela. ¹⁶ Balembi, bakali bama Falisee, nobakabona kuti Jesu ulalya ababihi abahimutelo, bakaamba kuli bahikwiiyabakwe, "Nkaambo nhyi ncalya abahimutelo alimwi abahihi?" ¹⁷ Jesu naakanhvwa ceeci wakaamba kuli mbabo, "Bantu bayumu mumuili tabayandi muhilihi pe, pele buyo bantu baciswa mbabayanda omwe. Nyina nindaboola kwiita bantu baluleme, pele babihi." ¹⁸ Ono bahiciiya ba John aba Faliso bakaliliimininzhyinzhye. Bamwi bantu bakahika alimwi akwaamba kuli nguwe, "Nkaambo nzhi bahiciiya ba John alimwi abahiciiya babafaliso ncobaliimya, pele bahiciiya bako tabaliimwi?" ¹⁹ Jesu wakaamba kuli mbabo, "Hena inga bahibwiinga baliimya kakuli nabwiinga uli ambabo? Mbuli mbokunga bali anabwiinga, tabakonzhyi kuliimya. ²⁰ Pele mazuba alahika ciindi nabwiinga nayakukuhiwa akati kabo, alimwi mumazuba ayo, bayakuliimya. ²¹ Kunyina naba omwe ugambika kasani kapya a cisani calukulukulu. Ibuyo cigamba cilazabuka kuhvwa alincico, cinyowana kuhvwa kuli cakaindi, alimwi kuli kuzapuka kukando. ²² Kunyina naba omwe ubika waini munyowana mucikanda ca waini wakaindi. Mukuli boobo waini ulabboloha zhyikanda aimwi zhyoonse waini alimwi a waini wacikanda zhilazhimina. Mukuti, waini munyowana wabikwa mucikanda ca waini cinyowana." ²³ Mubuzuba bwa nsabata, Jesu wakeenda kwiinda mumyuunda yamaila, alimwi bahiciiya bakwe bakatalika kubwezelela makunka yamaila. ²⁴ Ba Falisi bakaamba kuli nguwe, "Langa, nkaabo nzhyi ncobacitila cimwi cintu citali mumulawo mubuzuba bwa nsabata?" ²⁵ Wakaamba kuli mbabo, "Kunyina nomwakabalile mbwaakacita Davida naakali mukubula alimwi akuhwa nzala- walo alimwi ambocakali limwi- ²⁶ mbuli mbwakaunka mung'anda ya Leza ciindi Abiathar kali mupaizhyi mukando, alimwi akulya cinkwa caantangalala, calo citali mumulawo, kuli oonse ncita kulya mupaizhyi alike, alimwi akupa cimwi kuli mbocakali limwi?" ²⁷ Jesu wakaamba, "Insabata yakabambilwa bantu kutali bantu kubambilwa nsabata. ²⁸ Nkaambo kaako, Imwana Muntu ngo Mwami, nokuba ku Nsabata."