1 Bunji bwabo baka bweza mulimo antoomwe wazhyintu zhyaka maninina akati kesu, 2 mbubona mbuli mbobakahikile kuli ndiswe abo kuzhvwa kukutanguna bakali bakaamboni alimwi mbatwanga bazwi. 3 Ono cakaboneka kubota kuli ndime ambebo, nkaambo ndakayobola cakumanina zhyoonse kuzhwa kumatalikilo, kulemba mbozhyeelele kucililana kuli ndime,kwiinda kucizhyiba ngu Theophilus, 4 kwaamba kuti muzhyibe bulemu bwazhyintu zhyo mwakayiya. 5 Mumazuba a mwami Heloda waku Judiya kwakali mupaizhyi umwi uli azhyina lya Zakaliya kuhvwa kukabunga ka Abijah; imukaintu wakwe Elizabeti wakali wa nyungu ya Aloni. 6 Boonse bobile bakali balulami mubuhyu bwa Leza, kabeenda mukubula kampenda mumilawo yoonse alimwi ambeta zhya Mwami. 7 Pele bakanyina mwana nkaambo Elizabeti wakali sundi, alimwi bakali kuya bucembaala mumazuba abo. 8 Ono cakahika kuti Zakaliya wakali mubuswu bwa Leza, kali mukucita milimo yabupaizhyi muma cililanywa a tubunga twakwe. 9 Kweendelana atunhiya nhiya mboka kabele kakusala mbokweelele mupaizhyi mbweelelekubeleka, wakasalwa azhyisondo kunjila mu tempele ya Mwami kukutenta tununkilizhyo. 10 Imabunga mabunga abantu akali kupaila ansengwe awoola ciindi tunukilizhyo notwakali kutentwa. 11 Eelyo mungeli wa Mwami wakalibonya kuli nguwe alimwi akwiimikila a lubahvwu lwalulyo lwa tununkilizhyo twa cipaililo. 12 Ciindi Zakaliya nakamubona, wakanyongana, alimwi a kuyoowa kwakamunjila. 13 Eelyo mungeli wakaamba kuli nguwe, utayoowi, Zakaliya, nkaambo mipailo yako ilinhvwilile. Mukaintu wako Elizabeti uyookuzhyalila mwana musankwa uyakumuulika izhyina lya Johani. 14 auyakusekelela alimwi akukomana, alimwi banji bayaku tangala akuzhyalwa kwakwe. 15 Nkaambo uyabaku mukando mubuhyu bwa Mwami. Tayelele kunwa waini naba cakunwa cikola, alimwi uyakuzula a Moza Usweesha kuhvwa mwida muli babanyina. 16 Banji balunyungu lwa Israel baya kusandamuka ku Mwami Leza webo. 17 Uyakuunka kubuhyu bwa Mwami mumoza alimwi a nguzu zhyaka Elijah, kusandamuna myoyo yabamatata kubana alimwi aku talilemeka ku busongo bwa bululami-kukubamba kuli bambila kwa mwami abantu mboba libambilile anguwe." 18 Zakaliya wakaamba ku mungele, "Hena inga ndazhyiba buti eeci? Nkaambo mebo ndimu cembele alimwi mukaintu wangu uyabukomena." 19 Mungele wakaingula alimwi waamba kuli nguwe, "Ndime Gabbaliyele, wiinhvwi mubuhyu bwa Leza. Ndakatumwa kuti kanane kuli ndiwe, kuleta makani mabotu aaya. 20 Bona! uyakuumuna, kotakozhyi kwaambaula, kuhikila eezhyi zhyintu zhyi kacitike. Eeci nkaambo kunyina nokahyoma mazwi angu, alo aya kuzuzu kizhyiwa aciindi ceelele." 21 Eelyo bantu bakali kulindila Zakaliya. Bakakatazhyiwa kwaamba kuti wakali kutola ciindi cilanhu mu tempele. 22 Eelyo naakhvwa ansengwe, takacikonzhya kwaamba kuli mbabo. Bakaibaluka kuti wabona cilengaano iciindi naali mu tempele. Wakakanka kutambaika kumatanhi kuli mbabo akuumuna. 23 Nakamana imazuba amilimo yakwe, wakaunka ku ng'andu yakwe. 24 Nakamana muzuba, mukaintu wakwe Elizabeti kaminta nkaminhi myezhyi ili yosanwe wakalisisa lwakwe mwini. Wakaamba, 25 "Eeci ncencico Mwami ncakacita kuli ndime naakandilanga wandihwila luse a kubwezamasampu angu kumbele lya banyu." 26 Mumwenzhyi wacisambomwi, mungele Gabriel wakatumwa kuhvwa kuli Leza mu dolopo lili mu Galili wiitwa kuti Nazaleta, 27 kuli nakalindu wakatangilwe ku mulombwana uli a zhyina lya Josehwa, walunyungu lwa David, alimwi izhyina lya nakalindu kali Maliya. 28 Wakahika kuli nguwe akwaamba, "Ndakwaanzhya, yebo uhwililwe luse! Mwami uli andiwe." 29 Pele wakanyongana kumazwi akwe akukankamana muhyobo wakwaanzhyanya ooko mbokwakabele. 30 Imungele wakaamba kuli nguwe, "Utayoowi, Maliya, nkaambo wahwilwa luse kuli Leza. 31 Bona, uyakumita mwida lyako akuzhyala mwana musankwa. Uyakumuulika zhyina kuti 'Jeso'. 32 Uyakuba mukando alimwi uyakwiitwa kuti Mwana wayooyo usumpukile. I Mwami Leza uyakumupa cuuno cankaaka akwe David. 33 Uyakulela ing'anda ya Jakobe kukabe kutamani, alimwi kuyakubula mamanino abulelo bwakwe." 34 Maliya wakkamba ku mungele, "Ciyaku citika buti, nkaambo kunyina nindakahyabilwe ku musankwa?" 35 Mungele wakayingula akwaamba kuli nguwe, "Moza usalala uyakukunhumbilila, alimwi insana zhya yooyo usumpukile zhyiya kukunhumbilila. Aboobo ooyo usalala uyaku zhyalwa uyakwiitwa kuti Mwana a Leza. 36 Bona, musazhyinyoko Elizabeti awalo uliminhi mwana musankwa mubucembele bwakwe. Ooyu mwezhyi ngwacisambomwi kuli nguwe, ooyo wakali kwiitwa kuti nisundi. 37 Kunyina ciyakuba ciyumu kuli Leza." 38 Maliya wakati, "Bona, mebo ndi mukaintu mutwanga kuli Leza. Acibe kuli ndime kweendelana amakani aako."Mpoona mungele wakamuhiya. 39 Kumane Maliya wakanyamuka mumazuba aayo alimwi cakubinda kuya ku mulundu, kudolopo lya Judea. 40 Wakaunka mung'anda ya Zakaliya akwaanzhya Elizabeti. 41 Ono cakacitika kuli Elizabeti nakateelela kwaanzhyiwa kuhwa kuli Maliya, mwana mwida lyakwe wakasamba, alimwi Elizabeti wakazula Moza Usalala. 42 Wakalilihya akoongolola alimwi akwaamba, "Walelekwa yebo akati kabakaintu, alimwi walelekwa micelo yada lyako. 43 Cacitila buti kuli ndime kwaamba kuti banyina ba Mwami wangu bahike kuli ndime? 44 Ndabona, ciindi muzuzumina wa kwaanzhya kwako nokwahika mumatwi aangu, imwana mwida lyangu wasamba cakukomana. 45 Walelekwa ooyo uhyoma kwaamba kuti kuya kuba kuzuzikizhyiwa kwa zhyintu zhyalo zhya kaambwa anguwe kuhvwa ku Mwami. 46 Maliya wakati, "Buumi bwangu bwalumbaizhya Leza, 47 a moza wangu wasekelela muli Leza muhwutuli wangu. 48 Nkaambo wakalangihihya a malailile akapewa kumukaintu wakwe mutwanga. Kolanga, kuhvwa ono misela yoonse iyakundiita kuti ulelekelwe. 49 Nkaambo mukando hinguzu wacita zhyintu zhyikando kuli ndime, alimwi izhyina lyakwe lilisetekene. 50 Luse lwakwe luyaku kkalilila ku misela a misela kuli baabo bamuyoowa. 51 Wakakuhya insana amatanhi akwe; wakamwaya abo balisumpula amizeezo ya myoyo yabo. 52 Wakalohya bana babami azhyuno zhyabo alimwi akunyamuna baabo bali amalailile ali anhi. 53 Wakaba zuhya bali anzala a zhyintu zhyibotu, pele bahvwubi wakabatanda aminwe buyo. 54 Wakapa lugwahyo ku Israel mutwanga wakwe, mbuli kuyeeya kutondezhya luse 55 (mbuli mbwakaamba kuli bama tata)nkuli Abraham a lunyungu lwakwe kukabe kutamane. 56 Maliya wakakala a Elizabeti kwa myezhyi yotatwe alimwi kumane wakapiluka kung'anda yakwe. 57 Lino ciindi nocakahika kuli Elizabeti cakutumbuka mwana eelyo wakatumbuka mwana musankwa. 58 Bahimukobonyina alimwi abasazhyiyina nibakateelela kwaamba kuti Mwami watondezhya luselwakwe kuli nguwe, alimwi bakasekelela anguwe. 59 Ono mbocakacitika mubuzuba bwa lusele kwaamba kuti bakahika kukupalula mwana, bakali kumwiita izhyina lya "Zakaliya", kwiitwa izhyina lyabawihi. 60 Babanyina bakaingula akwaamba kuti,"Peepe. yakwiitwa kuti Johani." 61 Bakaamba kuli nguwe, "Kunyina akati ka basazhyinyoko ulikilwe azhyina eeli." 62 Bakabelehya zhyitondezhyo kuli bauhi mboba yanda kuti aulikwe izhyina. 63 Bauhi bakalomba akulembela alimwi bakalemba, "Izhyina lyakwe ngu Johani." Boonse bakakankamana ali ceeci. 64 Mpoona mpoona mulomo wakwe wakajaluka alimwi mulaka wakwe wakaanguluka. Wakakanana alimwi akulumbaizhya Leza. 65 Kuyoowa kwakahika kuli boonse bazhyingulukile. Toonse twaambo pptu twakamwayika moonse mu malundu mu dolopo lya Judea. 66 Boonse nibakateelela myoyo yabo yakagwalangana, bakaamba "Uyakuba buti mwana ooyo?" Nkaambo itanhi lya Leza lyakali anguwe. 67 Bauhi ba Zakaliya bakazwile Moza usalala alimwi bakahihima, akwaamba, 68 "Alumbaiwe Mwami, Leza wa Israel, kaambo waboola kungwahya alimwi akumaniinzhya lununuko kubantu bakwe. 69 Waimika ilwiya lwaluhutuko kuli ndiswe mung'anda yamutwanga wakwe David 70 (mbuli mbwakakanana amulomo wakwe akuba nhinhimi basalala kuhvwa kaindi eelyo)," 71 Luhutuko kuzhwa kuli bahinkondoma alimwi kuzhwa mumatanhi aboonse batusula. 72 Uyakucita oobo kutondezhya luse kuli bamatata alimwi akuyeeya cihwuminano cakwe cisalala, 73 icikonke ncakahyomya kuli Abraham tata wesu. 74 Wakatuhyomya kutukkahika kuti swebo katukwete lwanguluko lwakuhvwa mmumatanhi abahikondoma, kubabelekela kakunyina kuyoowa 75 mukusetekana amubululami munhi lyakwe akoonse mumazuba eesu. 76 Inzhya, andime,mwana, muya kwiitwa kuti mbaba nhinhimi ba yooyo usumpukile, nkaambo muya kuunka munhi lya buhyu bwa Mwami kukubamba nhila zhyakwe, kubamba bantu kukuboola kwakwe, 77 kukupa luzhyibo lwa luhutuko ku bantu bakwe kwiinda mukulekelelwa kwa zhyinyonyoono zhyabo. 78 Eeci ciya kucitika nkaambo ka luse lweelele lwa Leza wesu. Oko zuba lyabubululami kuzhwa kuli yooyo usumpukile liya kuhika kutugwahya, 79 kumunikila baabo bakkele mumunhinze alimwi a mucinhule ca luhwu. Uyakukucita ooku kusololela matende esu muzhila ya luumuno. 80 Ono mwana wakakomena alimwi akuyuma mu moza, alimwi wakali mulukula kuhikila mu buzuba ibwaantangalala noca kali bonya ku Israel.