¹ Kumane Leza wakaleleka Noah alimwi abana bakwe basankwa, alimwi wakaamba kuli mbabo, "Amuhyalihye, muhvuzhyanye, alimwi mwizuzhye nyika. ² Bukandu bwako alimwi akuyoowa kwako, kuyakuba azhyintu zhyoonse zhipona munyika, akubayuni bakwizeulu, akuzhyintu zhyikalaba anhi, alimwi akunswi zhyoonse zhya mulwaanje. Zhyapewa mutanhi lyako. ³ Zyoonse zhyintu zhyipona zyiyakuba zhyakulya. Mbubona mbwindakamupa zhyingumani, mebo ono ndamupa zyoonse. ⁴ Pele mutalyi buyani abuumi bwambubo- bwalo buli mubulowa- mukati. ⁵ Pele bulowa bwenu, buumi buli mukati mu bulowa bwenu, njakubukapula kubupiluhya.Kuhvwa kutanhi lyamunyama uli oonse njakubayanda. Kuhvwa kutanhi lyamuntu uli oonse, nkokuti kuhvwa kutanhi lya omwe wakayaya munyina, njakuyanda kukapaula buumi bwa muntu ooyo. ⁶ Kuhwumbwa utila bulowa bwa muntu, amuntu bulowa bwakwe buya kutilwa, nkaambo cakali mumukozhyano wa Leza wakalenga muntu. ⁷ Amwebo, amuhvuzhyanye alimwi muhvwule, mwizuzhye inyika alimwi muzhyalane muli njiyo." ⁸ Kumane Leza wakakanana kuli Noah alimwi abana bakwe basankwa mbobakali limwi, ulaamba, ⁹ "Imebo, muteelele! Mebo njakubamba cihuminano cangu andimwe alimwi alunyungu luyakuba kumbele lyenu, ¹⁰ alimwi kuzhyilengwa zhyipona zyoonsezhyili andiwe, abayuni, ang'ombe, alimwi kuhwumbwa cilengwa camunyika cili andiwe, kuhvwa zyoonse zhyiboola mubwato, kuzhyilenge zhyipona zyoonse munyika. ¹¹ Ndiwaano kucita cihuminano andiwe, kwaamba kuti kunyina limi zhyoonse zhyipona nozhyiyakuyayiwa a meenzhyi a muyoba. Kunyina alimwi nokuya kuba muyoba uyakuyaya nyika." ¹² Leza wakaamba, "Eeci ncecitondezhyo cacihvwuminano calo ncindabamba akati kangu alimwi andimwe alimwi coonse cilengwa cipona cili andiwe, kumisela yoonse iboola: ¹³ Ndabika inhulicoongo mumakumbi, alimwi ciyakuba icitondezhyo cacihvwuminano akati kandime alimwi a nyika. ¹⁴ Ciyakuhika iciindi niyakuleta ikumbi munyika alimwi inhulicoongo yakaboneka mukumbi, ¹⁵ Kumane njakuyeeya cihvwuminano cangu, calo akati kangu alimwi andimwe alimwi nkuhumbwa cilengwa cipona ca coonse ciputauka. Imeenzhyi kunyina nayakuba muyoba alimwikukujaya zhyipona. ¹⁶ Inhulicoongo iyakuba mumakumbi alimwi njakwiibona, mukuyeeya cihvwuminno citani akati ka Leza alimwi a zyilengwa zhipona zhya zhyoonse zhyiputauka zhyili munyika." ¹⁷ Kumane Leza wakaamba kuli Noah, "Eeci ncitondezhyo cacihvuminano calo ncinakabika akati ka ndime alimwi azhyoonse zhyipona zhyalo zhyili mu nyika." ¹⁸ Ibana ba Noah bakahvwa mubwato kwakali Shem, Ham, alimwi a Japheth. Ham wakali uhi wa Canaan. ¹⁹ Aaba botatwe mbana basankwa ba Noah, alimwi kuhvwa kuli baaba inyika yoonse yakazwile bantu. ²⁰ Noah wakatalika kuba muntu wabulongo, alimwi wakalima muunda. ²¹ Wakanwa umwi waini alimwi wakakolwa. Wakalala katalihvwumbile mucihvwuka cakwe. ²² Kumne Ham, uhi wa Canaan, wakabona cintanda ca uhi alimwi akwaambila bana bakwabo ansengwe. ²³ Ono Shem alimwi a Japheth bakabweza cisani alimwi akucibika amalwezo aabo, alimwi akweenda cihutenuma alimwi akuhvumba mantanda aka uhi. Mahyu aabo akalanga kumbali, kucita kuti bataboni mantanda akauhi. ²⁴ Ciindi Noah nakabuka kuhvwa ku waini wakwe, wakayiya mwana wakwe musankwa mbwakacita kulinguwe. ²⁵ Ono wakaamba, "Watukanwa Canaan. Akabe mutwanga wabatwanga babanyina." ²⁶ Alimwi wakaamba, "Imwami Leza, Leza wa Shem, alelekwe, alimwi Canan abe mutwanga wakwe. ²⁷ Mwami akwazamune busena bwa Japheth, alimwi abambe muzhyi wakwe mumahvwuka a Shem. Pele Canaan abe mutwanga wakwe." ²⁸ Niwakamana muyoba, Noah wakapona myaanda yotatwe amakumi osanwe myaka. ²⁹ Mazuba oonse a Noah akali myaanda ihuka amakumi osanwe, alimwi kumane wakahwa.