1 Mpoona awo Jakobo wakabweza lweendo akuya kuhika kunyika yabantu ba kwiwe. 2 Mbuli nakalanga, wakabona mukalo mwisokwe, alimwi, wakabona, matanga otatwe a mbelele akalele munhi amukalo. Nkaambo kuhvwa ku mukalo bali kuteka meenzhi akunywiha mbelele, alimwi ibwe lyaka hvunikilwe lya kali likando. 3 Matanga abungana amukalo, bembezhi noba kukunkuliha ibwe kuhwa kumulomo wa mukalo akunywiha mbelele, bamana balalipunha ibbwe alimwi akuhvunika mukalo, mbuli mbolikala lyoonse. 4 Jakobe wakati kuli mbabo, ''Nobakwesu mwahvwila kuli? '' Baka muhwuwa, ''Twahvwa ku Haran.'' 5 Wakati kuli mbabo, ''Hena muli muzhi Laban mwana wa Nahor? Bakati, ''Tuli muzhi.'' 6 Wakati kuli mbabo, ''Hena uli kabotu?'' Bakati, ''Uli kabotu, alimwi, langa kuya, Rachel mwana muhimbi wakwe waboola ubinga mbelele.'' 7 Jakobe wakati, ''Langa, lyaba hikati taili ciindi cakubunganya matanga antoomwe. Kozhyingwihya mbelele wamana upiluke uzhyi leke zhyicele.'' 8 Bakati, ''Tatukozhyi kunywihya cita matanga oonse abungane antoomwe. Balombwana mpoona inga bakunkulihya ibbwe kuhvununa mukalo, alimwi akunhwihya mbelele.'' 9 Nakacili kwambaula ambabo, Rachel wakahika ambelele zhya wihi, nkaambo ngowakali kweembela. 10 Jakobe nakabona Rachel, mwana muhimbi wa Laban, mwanakwabo abanyina, alimwi a mbelele zhya Laban, mwanakwabo abanyina, Jakobe wakaboola, wakaguhya ibbwe lyakali amukalo akunywihya mbelele zhya Laban, mwanaakwabo abanyina. 11 Jakobe waka munyonta Rachel akulila cakoongolola. 12 Jakobe wakambila Rachel kuti wakali musazhyinyina abawihi, alimwi akuti wali mwana musankwa wa Rebekah. Mpoona waka lukanka akuya kwambila bawihi. 13 Laban nakateelela makani a Jakobe mwanaamucizhyi wakwe, wakalukanka kuya kumuswaanganya, wamukumbata, wamumyonta, alimwi akumuleta a muzhi wakwe. Jakobe wakapandwilila Laban zhyintu zhyoonse. 14 Laban wakaamba kuli nguwe kati, ''Kahimpe uli mahuwa alimwi amubili wangu.'' Jakobe waka kkala kuli Laban kwa mwezhyi omwe. 15 Lino Laban wakati kuli Jakobe, ''Hena ubeleke cabuyo nkaambo uli musazhyima? Kong'ambila, ino uyanda kuhvola buti?'' 16 Ono Laban wakakwete bana bahimbi bobile. Izhina lya mukando wakali Leah, lya muhyoonto wakali Rachel. 17 Leah wakali amanchenga, pele Rachel wakali mubotu muchiwa amubube. 18 Jakobe wakamuyanda Rachel, wakamba kuti, ''Ndakubelekela myaka ciloba kubelekela muhimbi muhyoonto Rachel.'' 19 Laban wakati, ''Cilainda kubota kuti ndamutwazhya kuli ndiwe kwiinda kumulombwana uumbi. Kokkala andime.'' 20 Jakobe wakabeleka myaka ili ciloba kubelekela Rachel; alimwi ciindi cakaboneka kuba mazuba mahyoonto kuli nguwe, nkaambo kaluyando ndwakakwete kuli nguwe. 21 Mpoona Jakobe wakati kuli Laban, ''Kondipa mwinangu, akaambo myaka yakwana - kutewa ngunke anguwe'' 22 Laban wakayobolola bamalombwana boonse antoomwe ba mumuzhi oonse akubamba pobwe. 23 Ayo mangolezhya, Laban wakabweza Leah mwanaakwe muhimbi akumutola kuli Jakobe, wakaunka anguwe. 24 Laban wakapa muzhike wakwe muhimbi Zilpah kumwanakwe Leah, kuti abe mutwaanga wa munganda. 25 Nobwakaca mahumohumo, nakalanga, ngu Leah, Jakobe wakati kuli Laban, ''Ino ncizhi eeci ncocita kuli ndime? Hena hinda kakubelekela kuti umpe Rachel? Kambozhi ncondicengela?'' 26 Laban wakati, ''Tacili cilengwa cesu kutwazhya muhimbi muhyoonto mukando katana twalwa. 27 Komaniizhya nvwiki yabwiinga ya muhimbi mwanaangu oyu, ndamana ndakupa oyu umbi awalo wamana kumubelekela myaka iili ciloba.'' 28 Jakobe wakacita obo, akumaiizhya vwiki ya Leah mpoona Laban wakamupa Rachel mwanaakwe muhimbi kuti abe mwinakwe awalo. 29 Laban wakapa Bilhah kumwanaakwe muhimbi Rachel kuti abe mutwaanga wakwe. 30 Aboobo Jakobe wakaunka kuli Rachel awalo, pele wakali kumuyanda Rachel kwiinda Leah. Aboobo Jakobe waka mubelekela Laban kwa myaka iili ciloba atala. 31 Mwami wakabona kuti Leah takali kuyandwa, aboobo wakajula ihu lyakwe, pele Rachel takali kumita. 32 Leah wakamita akuzhyala mwana musankwa akumuulika zhyina lya Reuben. Nkaambo wakaamba kuti, ''Nkaambo Mwami walanga akwabona mapenzhi aangu; kahimpe ono mulumiaangu ulatalika kundiyanda.'' 33 Alimwi wakamita akuzhyala mwana musankwa wakaamba, ''Nkaambo Mwami wandihvwa kuti nhiyandwi, aboobo wandipa mwana musankwa alimwi, ''wakamuulika zhyina lya Simeon. 34 Wakamita alimwi akuzhyala mwana musankwa wakati, ''Ono ciindi cino mulumiaangu ula ndiswena munhi nkaambo ndamuzhyalila bana basankwa botatwe.'' Wakamupa zhyina lya Levi. 35 Wakamita alimwi akuzhyala mwana musankwa waamba kuti, ''Awa cino ciindi ndamulumba Mwami.'' Aboobo waka mwiita zhyina kuti ngu Judah; mpoona wakaleka kuzhyala.