¹ Abram nakaba amyaka ili makumi ihuka amyaka ihuka, Mwami Leza wakalibonya kuli nguwe wakati, "Ndime Leza mukando kweenda andime, utabi akampenda pe. ² Mpoona njakupangana cihumininano akati kandiwe andime, njoohuzhya lunyungu lwako cakwiindilihya." ³ Abram wakalanga anhyi mpoona Leza wakambaula a nguwe, wakati, ⁴ "Mebo, kolanga, cihuminano cangu cili andiwe. Uyakuba nduwe uhyi wamahyi manji manji. ⁵ Izhyina lyako tokabi limbi Abram, izhyina lyako uyaka Abraham- nkaambo ndakutondeka kuti ube uhyi wa mahyi manji manji. ⁶ Njakucita kuti uhyalihye, alimwi njakubamba mahi ako, alimwi bamahi bayakuhwa muli ndiwe. ⁷ Njoobamba cihuminano akati kandime a lunyungu lwako webo kunze lyako, mahyalane oonse cihuminano citamani, nkabe Leza kuli ndie alimwi aku lunyungu lwako kunze lyako. ⁸ Njakukupa, alimi alunyungu lwako kunze lyako, nyika ooko nkooli kuya, yoonse nyika ya Canaan, iyooba yako kukabe kutamani, alimwi njakuba Leza wabo." ⁹ Kumane Leza wakaamba kuli Abraham, "Webo, weelele kubamba cihuminano cangu, webo a lunyungu lwako webo kunze lyako amisela yabo yoonse. ¹⁰ Eeci nce cihuminano cangu, ncoyelele kubamba, akati kandime andiwe alunyungu lwako: Boonse bamalombwana mbomulilimwi beelele kupalulwa. kwiinda mulunyungu lwabantu bako boonse. ¹¹ Mweelele kupalulwa cikanda cakumbele abulombwana, alimwi ciyakuba citondezyo cacihuminano akati kandime andiwe. ¹² Kuhumbwa mwana musankwa akati kenu uli amazuba a lusele akuhyalwa weelele kupalulwa, mumazyaane aabantu benu oonse. Eeci caamba bana bazyalwa mumaanda eenu alimwi abakaulwa amali kuzwa kumahi aambi batali balunyungu lwenu. ¹³ Abo bazyalwa mumaanda eenu abaabo bakaulwa amali eenu beelele kupalulwa. Kucita kuti cihumininano cangu cikabe mumibili yenu cibe cihuminano citamani. ¹⁴ Kuhumbwa mulombwana utapalulilwe cikanda cakumbele abulombwana bwakwe uyakugwihiwa kuhwa kubantu bakwe. Watyola mulawo wangu." ¹⁵ Leza wakaamba kuli Abraham, "Awalo Sarai mukaintu wako, utamwiiti limbi kuti Sarai pe, mpoona izhyina lyakwe ulaba Sarah. ¹⁶ Njamuleleka, aimwi njakukupa mwana kwiinda muli nguwe. Njakumuleleka, uyakuba banyina wamahi. Ba mami babantu babantu bayakuhvwa mulinguwe." ¹⁷ Kumane Abraham wakahintama anhyi, wakaseka, alimwi wakaamba mumoyo wakwe, "Hena mwana ulakonhya kuhyalwa kumulombwana uli a myaka ili mwaanda? Mbuti Sarah, ulaamyaka makumi ihuka, wahyala mwana?" ¹⁸ Abraham wakaamba kuli Leza, "Kuhumbwa Ishmael mbatipone kumbele lyako!" ¹⁹ Leza wakati, "Peepe, pele Sarah mukaintu wako uyakukupa mwana munamusankwa, uya kumuulika kuti ngo Isaac. Njoobamba cihuminano cangu anguwe cikabe cihuminano citamani alunyungu lwakwe kunze lyakwe. ²⁰ Kuli Ishmael, ndakuteelela. Kolanga, ndamuleleka alimwi ndamupa kuti ahyalihye alimwi njakuhuhya lunyungu lwakwe kuti luhulihye. Uyakuba uhyi wabana ba mami bali kkumi ababili, alimwi njakumucita kuti abe cihi ciyumu. ²¹ Pele cihuminano cangu nciyakubamba a Isaac, oyo Sarah ngwatikakuhyalile ku ciindi cino mwaka uboola." ²² Nakamana kubandika kuli nguwe, Leza wakaunka mwizeulu kuhwa kuli Abraham. ²³ Abraham wakabweza mwana wakwe Ishmael, abaabo boonse bakahyalwa mung'anda yakwe, aboonse bakaulwa amali aakwe, kuhumbwa mulombwana akati kabamalombwana mung'anda ya Abraham, kuti bakapalulwe cikanda cakumbele abulombwana buzuba mbubona obo, mbuli Leza mbwkaamba kuli nguwe. ²⁴ Abraham wakali a myaka ili makumi ihuka amyak ihuka naakapalulwa mu cikanda cakumbele abulombwana bwakwe. ²⁵ Ishmael mwana wakwe wakali amyaka ili kkumi ayotatwe nakapalulwa kucikanda cakumbele abulombwana bwakwe. ²⁶ Mubuzuba bomwe mbubona Abraham a Ishmael mwana wakwe boonse bakapalulwa. ²⁷ Balombwana boonse bamung'anda yakwe bakapalulwa anguwe, kubikilihya bakahyalwa mung'anda abakaulwa mali kumahi.