¹ Nokwakamana zhintu eezhi izwi lya Leza lyakaboola kuli Abram mucilengaano, lyaamba, "Utayoowi, Abram! Ndintobo yako, alimwi ndibulumbu bwako bukando." ² Abram wakaamba, "Leza Mwami, ncinzhi ncoondipa, mukuti ndazumanana kubula mwana alimwi hikukona wang'anda yangu ngo Eliezer waku Damascus?" ³ Abram waamba, "Nokuba kuti toondipa lunyungu, bona, omwe uzhalwa mung'anda yangu uya kuba mukomi wangu!" ⁴ Mpoona, kolanga, Izwi lya Leza lyakaboola kuli nguwe, lyaamba,"Ooyu muntu takabi hikukona; pele buyo ooyu uya kuboola kuvwa kumibili wako uyakuba mukoni wako." ⁵ Mpoona wakamuleta anze, alimwi waamba, "Langa, kwizeulu, alimwi bala intoongwezhi, kuti ucikonzhe kuzhibala." Mpoona wakaamba kuli nguwe, "Ono lunyungu lwako lwaba." ⁶ Wakamuhyoma Leza, alimwi wakabala kuti ulasalala. ⁷ Wakaamba kuli nguwe, "Ndime Leza wakakuleta kuvwa ku Ur wa Chaldeans, kuza kukupa nyika eeyi kuti cibe cikono." ⁸ Wakaamba, "Leza Mwami, mbubuti mbwekonzha kuzhiba kuti nja kucikona?" ⁹ Mpoona wakaamba kuli nguwe, "Kondeetela moombe uneneele uukwete myak yotatwe yakuzyalwa, impongo impwizhi ikwete myaka yotatwe yakuzhyalwa, a mwana wambelele ukwete myaka yakuzhalwa yotatwe, a nhiba, alimwi a mwana wankwilimba." ¹⁰ Wakaleta kuli nguwe zhyoonse eezhi, alimwi akuzyikosola muzyibeela zyobile, alimwi akubika acimwi cipaanzhi kumbali kwacimwi, pele taakanjizyanya bayuni. ¹¹ Bayuni ibalya buyani bakaseluka anhi a mitunta, Abram wakabatanda. ¹² Mpoona eliya izuba nolyakali kuya kukubbila, Abram wakahukula alimwi, bona, imuhinze mukando wakamuyoohya. ¹³ Mpoona Leza wakaamba kuli Abram, "Zyiba kahimpe kuti lunyungu lwako luyakuba bantu batahibilwe nkobahvwa munyika eeyo itali yabo, alimwi baya kuba bazhike alimwi bayakudyaamininwa kwamyaka iili myaanda yone. ¹⁴ Njakubeteka cihi eeco ncobaya kubelekela, alimwi kwaakumana bayakuhvwa kabakwete lubono lunji. ¹⁵ Pele muyakuunka kuli bamauso mu luumuno, alimwi muyakuhikwa muciimo cibotu cikando. ¹⁶ Mumusela wane baya kuboola kuno alimwi, nkaambo manhunze aaba Amorite taaninga hika ambaakani yawo." ¹⁷ Mpoona izuba lyakaunka anhi alimwi kwakaba muhinze, bona, impoto yamulilo iihuka buhi alimwi a bbala-bala lyamulilo lyakainda akati ka zhibeela. ¹⁸ Mubuzuba oobo Leza wakabamba cizhwuminano a Abram, waamba, "Kulunyungu lwako ndalupa busena oobu, kuvwa kumulonga wa Egypt kuhikila kumulonga mukando, wa Euphrates- ¹⁹ ba Kenite, ba Kenizzite, ba Kadmonites, ²⁰ ba Hittite, ba Perzzite, ba Rephaite, ²¹ ba Amoriete, ba Canaanite, ba Girgashite, alimwi aba Jubusite."