¹ Nizhyakamana zhyintu eezhyi kucitika, Muusa alimwi a Aloni bakaunka kuli Faalo akwaamba, ''Obu Mwami, Leza wa Isulaili , bwaamba: 'Bantu bangu abaunke, kucita kuti bakandi bambile muswaangano mulukula.'' ² Faalo wakati, ''Nguni Mwami? Nkaambo nzhyi nciyelele kuteelela kuzwi lyakwe akuti Isulaili auunke? Nhimuzhi Mwami; nokuba boobo, nhikamulekezhyi Isulaili kuunka.'' ³ Bakaamba, ''Leza waba Hebulayo wakatuswaanganya aswebo. Atuunke mulweendo lwa mazuba otatwe mulukula alimwi akubamab muyasilo ku Mwami Leza wesu kutewa akuti atatulwani a mpenzhyo naceba.'' ⁴ Pele mwami wa Egipiti wakaamba kuli mbabo, ''Muusa alimwi a Aloni, nkaambo nzhi ncomubweza bantu kuhvwa ku milimo yabo? Kamupiluka kukubeleka.'' ⁵ Faalo awalo wakati, ''Kuli bantu banji munyika yesu, alimwi ubabamba kwiima kumilimo yabo.'' ⁶ Mubuzuba mbubona, Faalo wakapa malailile kubantu babelehya bantu alimwi ababa langa. Wakati, ⁷ ''Mukutayanda, mwelele kutapa limbi bantu zhyimboko kuti bauume matina. Nkabaya beni bakalijwile. ⁸ Nokuba boobo, weelele kuyanda kuhvwa kuli mbabo imweelwe nguwenw wazhyitina mbuli ngobaali kuuma kutaangana. Utavwumini mashyoonto, nkaambo mbatulo. Nkakaako bayiita kwaamba kuti, 'Tuhumizhye tuunke alimwi akutuula kuli Leza wesu.' ⁹ Yungizhya mikuli kuli bamalombwana kucita kuti bayicite alimwi kutababikila maanu ku mazwi abubehi.'' ¹⁰ Ono bahikubelehya bantu alimwi abasololi bakaunka alimwi kwaambila bantu. Bakati, ''Mbobuya bwaamba Faalo: Kunyina niya kubapa mulimo wabwizu nouceya. ¹¹ Mwebo lwenu mwelele kuunka alimwi mukalete bwizu nkuhwumbwa mbomuya kuyana, pele mukuli wenu takacehewi.''' ¹² Ono bantu bakamwaikila moonse munyika ya Egipiti kujwa bwizu bwa nyumbu. ¹³ Bahikubelehya bakazumanana kukombelezhya mbabo alimwi akwaamba, ''Mumaniizhye mulimo wenu, mbubona mbomwakapelwe kujwa bwizu.'' ¹⁴ Babelehye ba Faalo bakauma bamasololi, bakali abantu ba Isulaili, abo mbabona balombwana balo abo mbobakabikile kulanganya babeleka, bahikubelehya bakazumanana kubabuzhya, ''Nkaambo nzhyi ncomutakonzhyi kubamba matina ayelele ndimwe, nokuba zona alimwi asunu, mbuli mbomwali kucita munhi?'' ¹⁵ Ono basololi, ibakali abantu bana Isulaili, bakaboola kuli Faalo alimwi akoongolola kuli nguwe. Bakaamba, Nkaambo nzhyi ncomupenzhyela batwanga benu muciimo eeci? ¹⁶ Kunyina kujwa bwizu nkomubapele batwanga benu lili lyoonse, pele baci twaambila swebo, 'Muume zhyitina!' Swebo, tobatwanga bako tuli uminwe ono, pele mbulubizhyi bwa bantu bako.'' ¹⁷ Pele Faalo wakati, ''Muli batolo! Mulaamba, 'Tuhvwuminzhye kuunka kuya kulwaaba ku Mwami. ¹⁸ Ono kamupiluka ku mulimo, kunyina nomuya kupewa kujwa bwizu. Kunyina nomuya kupewa limbi kujwa bwizu, pele mweelele kubamba zhyitina mbubona mumweelwe.'' ¹⁹ Ibasololi, ibakali abantu bana Isulaili, bakabona kuti bali mumapezhyi ciindi noba kaambilwa, ''Mwelele kutaya anhi ku mweelwe wa abuzuba wamatina.'' ²⁰ Bakamuswaanganya Muusa alimwi a Aloni, balo bakainhvwi ansengwe a ng'anda ya mwami, mbuli mbobakeenda kuhvwa kuli Faalo. ²¹ Bakaamba kuli Muusa a Aloni, ''I Mwami amulange alimwi akumusubula, nkaambo mwatubambila milandu mubuhyu bwa Faalo alimwi abatwanga bakwe. Mwabika iceba mumatanhi aabo kuti batuyaye.'' ²² Muusa wakapiluka ku Mwami wakti, ''Mwami, nkaambo nhi ncoleta mapenzhyi ku bantu aaba? Nkaambo nhi ncondituma mebo lwakutaangana mubusena? ²³ Kuhvwa lili ndakaboola kuli Faalo kukanana kuli nguwe muzhyina lyako, kukuleta mapenzhyi kubantu aaba, alimwi tona baangulula bantu bako muli koonse.''