¹ Mwami wakati kuli Muusa, ''Bona, ndakubamba mbuli kaleza kuli Faalo. Aloni mwanaakwenu uyakuba mu nhinhimi wako. ² Uyakwaamba zhyoonse zhyekwaambila kuti waambe. Aloni munyoko uya kwaambaula kuli Faalo kutewa akabaleke bantu ba Isulaili kuhwa mu nyika yakwe. ³ Pele ndiya kuyumya moyo waa Faalo, akutondezhya zhyitondezhyo zhyinji zhya nguzu zhyangu, maleele manji, munyika ya Egipiti. ⁴ Pele Faalo takaku teeleli, aboobo ndiya kubika tahi ali Egipiti akuleta makamu, bantu bangu, bantu ba Isulaili, kuhvwa mu nyika ya Egipiti amicito mipati yalubeta. ⁵ Bama Egipiti baya kundizhyila kuti ndime Mwami ndaakubika atahi langu kuli Egipiti akukuhya bantu ba Isulailil kuhvwa muli mbabo.'' ⁶ Muusa a Aloni bakacita oobo; bakacita bulike mbuli Mwami mbwaakabambila. ⁷ Muusa wakali amyaka ikumi lusele yakuzhyalwa, Aloni makumi lusele ayotatwe nobakabandika kuli Faalo. ⁸ Mwami wakati kuli Muusa alimwi akuli Aloni, ⁹ ''Kuti Faalo waamba kuli ndimwe, 'Cite malele,' aboobo uyakwaamba kuti kuli Aloni, 'Bweza musako wako akuuhusa ahi kumbele lya Faalo, kutewa ibe nzoka.''' ¹⁰ Muusa a Aloni mpoona bakaunka kwa Faalo, alimwi akucita mbuli mbobakalaililwa a Mwami. Aloni wakahusa ahi musako wakwe kumbele lya Faalo abalanda bakwe, mpoona yakaba nzoka. ¹¹ Awalo Faalo waka baita bantu bakwe bana Egipiti bansongo bamalombwana alimwi aba himabibo. Bakacita ncicona camasalamusi. ¹² Umwi aumwi muntu wakahusa musako wakwe, misako eeyi zhyakaba nzoka. Pele musako wa Aloni wakazhyimina zhyoonse nzoka zhyabo. ¹³ Moyo wa Faalo wakayumizhyiwa, taakateelela, mbubwena Mwami mbwaka bandika kumatalikilo. ¹⁴ Mwami wakati kuli Muusa, ''Moyo wa Faalo muyumu, wakaka kuleka bantu kuti baunke. ¹⁵ Koya kuli Faalo mahumohumo auunka ku meenhi. Ukaimem ankomwe yamulonga kutewa muka swaangane, ukabwenze tahi lyako musako wako wakasandukile kuba nzoka. ¹⁶ Ukaambe kuli nguwe, ''Mwami, Leza waba Hebulayo, wandituma kuli ndiwe, kuti ndaambe, 'Leka bantu bangu baunke, kuti bakandi kombe mulukula. Kuhikila ono tona teelela.'' ¹⁷ Mwami waamba ceeci: ''Kwiinda muli ceeci ulandizhyiba kuti ndime Mwami. Ndiya kuuma meenhi amulonga wa Nile nkoli ili mutahi lyangu, aboobo mulonga uyakuba bulowa. ¹⁸ Iswe zhyili mu meenhi zhyiyakufwa, amulonga uyaku nuka. Bama Egipiti tabaka cikozhyi kwanywa meenhi kunhvwa mumulonga ooyu.''''' ¹⁹ Mpoona Mwami wakati kuli Muusa, ''Ukaambe kuli Aloni,'Bwezhya musako wako tandabika atahi lyako antala ameenhi a Egipiti, atala amilonga, tulonga, tunsensa, azhyoonse zhyizhyiba, kutewa meenhi abo akozhye kuba bulowa. Kocita oobo kutewa kukozhye kuba bulowa kunyika yoonse ya Egipiti, akube mu zhyigumbuli zhyahisamu amabwe.''''' ²⁰ Muusa a Aloni bakacita mbuli Mwami mbwakalailila. Aloni wakanyamuna musako akuuma meenhi mumulonga, mubuhyu bwa Faalo aba belehi bakwe. Meenhi woonse mumulonga akasanduka kuba bulowa. ²¹ Inswi mumilonga zhyakafwa, mulonga awalo wakatalika ku nunka. Bantu ba Egipiti tiibakakozhya kunywa meenhi anhvwa mumilonga, alimwi bulowa bwakali koonse munyika ya Egipiti. ²² Pele bahimasalamusi ba Egipiti bakacita ncicona camasalamunsi aabo. Muli kaako, moyo wa Faalo wakazumihyiwa, mpoona wakakaka kuteelela kuli Muusa a Aloni, mbuli Mwami mbwakaamba kuti ciya kucitika. ²³ Muli kooko Faalo wakacinduluka akuya mung'anda yakwe. Kunyina nakasola kuteelela kuli ceeci. ²⁴ Boonse bana Egipiti bakahya mumbali mbali aamulonga meenhi akunya, pesi tiibakakozhya kuti banwe meenhi amumulonga mwini. ²⁵ Mazuba ciloba akayinda kuhwa Mwami naaka lwanine mulonga.