¹ Ubambe cipaililo ca muunga, tukokola tosanwe mubu lamfwa alimwi tukokola tosanwe mu bwamba. Cipaililo, kaceelana mu zhyooko zhyone alimwi kaci kwete tukokola totatwe kuya muzeulu. ² Uyungizhye kubamba mutuswi tone ubambe mbuli meya a musune. Meya ubambe kuti cibe cintu comwe acipaililo; alimwi weelele kuzhyi humba amukuba. ³ Weelele kubamba zhyibelehyo zhya cipaililo, cibiya catwe, alimwi a hosholo, mutiba, ciyasilo ca buyani, alimwi acikangilo. Zhyoonse eezhyi uzhyibambe kuhvwa ku mukuba. ⁴ Ubambe kansobwi kamukuba ka cipaililo, ucite kutuswi twacipaililo tunweenwe twa mukuba ⁵ Ubike zhyimino mutunwe nwe twa mutuswi twacipaililo; akati kati kacipaililo, kuya anhi. ⁶ Ubambe zhiimino zhya cipaililo, zhyiimino zhya muunga, mpoona welele ku zhyivwumba amukuba. ⁷ Zhyiimino zhyeelele kunjila mutunwe nwe, zhyiimino zhyeelele kuba kumabazu obile acipaililo, zhyibe zhya kubwezezhya. ⁸ Welele kubamba musena acipaililo, kuhwa acipulanga, ucibambe mbobona mboka tondezhyewa acilundu. ⁹ Ubambe lubuwa lwa cikombelo. Akube masani alengela kumusanza alubuwa, masani alukilwe kabotu kalampa mwaanda wa tukokola. ¹⁰ Masani abe azhyiimino makumi obile, azhyibikilo zhya mukuba makumi obile. Akube twakukomya zhyiimino, atubulo twa nsiliva. ¹¹ Muzhyila njiyona, akulubavwu lwaku nyika, akube mbobona tukokola mwaanda twamasani alengelela zhyiimino makumi obile, makumi obilemwakuhimpila tukomyo makumi ali zhyakuhimpa, alimwi atubulo twa siliva. ¹² Kutobelezhya lubuwa kulubazu lwa kumbo kube milembo ilampa makumi osanwe tukokola, kube zhyiimino kumi lyomwe alimwi azhyihimpilo mumi lyomwe. ¹³ Lubuwa awalo lulampe tukokola makumi osanwe kulubazu lwa kwiwe. ¹⁴ Masani kulubazu lwa manjililo elele kuba tukokola ikumi atosanwe mubulamfwa. Aelele kuba maimino otatwe alimwi amihimpilo yatatwe. ¹⁵ Lubahu lumwi alwalo lweelele kuba atukokola ikumi alimwi atosanwe mahipilo otatwe amaimino otatwe. ¹⁶ Mulyango walubuwa ube acihitizhya cilampa tukokola makumi obile. Camasani acikambwe asubili pyuu alimwi kaalukilwe kabotu. Kakuli zhyiimino zhyone alimwi a zhyihimpilo zhyone. ¹⁷ Zhyakuhimpa zhyoonse zhyalubuwa kazhyili zhyibulo zhya siliva, atukomyo twa nsiliva, makalilo kaali amukuba. ¹⁸ Bulamfwu bwa lubuwa bube tukokola tuli mwaanda, bwamba bube tukokola makumi osanwe, alimwi amasani alukilwe abotu, alimwi amakalilo amukuba. ¹⁹ Zhyibelehyo zhyoonse zhyamu cikombelo, alimwi ankanka ya matente amucikombelo a zhyaalubuwa zhyeelele kuba zhya mukuba. ²⁰ Weelele kubaambila bantu ba Isulaili balete mafuta a olive, atyankilwe akubambwa kabotu, aamumalampi kutewa malampi kaayaka lyoonse. ²¹ Mutente lya kuswaanganina, kunze a mulembo uli kumbele acikombelo, ukwete aleka lyalo likwete milawo zhyazhyizuminano, Aloni alimwi abana bakwe basankwa beelele kuyanhya malambe cakuzumanana munsi lya Mwami, kuvwa mangolezhyamkuhika mahumohumo. Bube oobu mbwa mazhyalane oonse a Isulaili.