¹ Leza wakambaula oonse aya mazwi: ² "Ndime Mwami Leza wenu, uwakamuleta kuhwa munyika ya Egipiti, alimwi akuhwa kung'anda ya buhike. ³ Mutabi a leza bambi kunze lyangu. ⁴ Utalibambili cikohyano webo lwako naciba cikohyano cili muzeulu , naciba cili anhi naa kunhi kwanyika naciba cili mu meenhi kunhi angayo. ⁵ Toyelele kuhihuntamina alimwi akuhikombela, nkaambo ndime Mwami Leza wako, ndi Leza himunyono. Ndapiluhya hinyonyoono hyamawihi akuleta cisubulo kubana bamusela watatu awane wabaabo bandi sulaika. ⁶ Pele ndatondehya lubomba aluyando kuli bali huulu abo bandiyanda alimwi akuli baabo babamba milawo yangu. ⁷ Utali bandauki buyo izhyina lya Mwami Leza wako mubuyo, nkaambo ooyo uli bandauka zhyina lyakwe buyo uyakumubeteka. ⁸ Koyeeya buzuba bwa nsabata, akububika ambali. ⁹ Uleelele kubeleka akucita milimo yako yoonse mumazuba ali cisambomwe. ¹⁰ Pele mubuzuba bwa musanu abili ni nsabata ya Mwami Leza wako. Muli mbubo utaciti mulimo, naba mwana wako musankwa, naba muhimbi, naba mubelehi wako musakwa naba mukaintu, niiba cihwubwa cako naba mweenzu uuli mumunhi wako. ¹¹ Nkaambo muma zuba ali musanu abumwi Mwami wakalenga zeulu ama nyika, lwinhi, alimwi azhyoonse zili mumo, alimwi akulyookezhya mubuzuba bwa sanu abili. Akaambo kaako Mwami wakabuleleka buzuba bwa nsabata akububika ambali. ¹² Kolemeka bauso alimwi abanyoko, kutewa upone mazuba manji munyika Mwami Leza ngakupa. ¹³ Utajai naba omwe. ¹⁴ Utaciti bumambe. ¹⁵ Utabbi kuli uumwi. Utamwaambili kakubeja muna muhyeenu. ¹⁶ Uta lombohi ng'anda yamuna muhyeenu; ¹⁷ uta lombohi muka mweezhyinyoko mukaintu; naba mulombwana muhike, naba mukaintu muhike, naba musune wakwe,, imbongolo yakwe baba cimwi cizulilwa ku mweenzhinyoko. ¹⁸ Boonse bantu bakabona kuzungaana kwa nyika alimwi andabo, alimwi akuteelela muzunzuma wa lwija lwa mugutu, alimwi akubona cilundu cihwa buhi. Bantu nobaka cibona eeci, bakayoowa akukankama alimwi akwiimina alaale. ¹⁹ Bakati kuli Muusa, ''Kokanana kuli ndiswe, alimwi tulateelela; pele utalekeli Leza kuti akanane kuli ndiswe, nkaambo tulahwa.'' ²⁰ Muusa wakati kubantu, ''Mutayoowi, walo Leza waboola kumusunka kutewa bulemu bwakwe bube muli ndimwe, alimwi kutewa mutabihi.'' ²¹ Ono bantu bakaima alaale, alimwi Muusa wakaunka acisaka cihiya mbi ooko Leza nkwaakabele. ²² Mwami wakati kuli Muusa, ''Mbobuyamboyelele kubaambila bana ba Isulaili; 'Webo lwako omwini wabona kuti ndabandika andiwe kuhwa kwizeulu. ²³ Mutakabambi lwenu cobeni ba leza bambi kunze lyangu, baleza ba nsiliva naa baleza ba ngolide. ²⁴ Muleelele kundibambila cipaililo ano anhi, alimwi muleelele kupa hituuhyo kuli ncico hituuhyo hyakuumpa, mulumbo wakulisa lahya, imbelele alimwi ang'ombe hyenu. Kuhumbwa busena bukohya kwiitwa izhyina lyangu kuti lilemekwe, njakuboola kuli ndimwe alimwi akumuleleka. ²⁵ Naa kuti mwandiyakila cipaililo camabwe, tamweelele kuciyaka amabbwe akomokele, nkaambo kuti mwabelehya hiyahyo hyenu ali ncico, muya kucisesemya. ²⁶ Tamwelele kutanta acipaililo cangu kutobelehya malyatilo, kutewa cintanda cenu citahyaali atuba.'''