¹ Ono umwi mulombwana wa mukowa wa Levi wakatwala mukaintu wa mukowa wa Levi. ² Mukaintu wakamita akuzhyala mwana musankwa. Nakabona kuti mwana wakali musankwa mubotu, wakamuhisa kwa myezhi yatatwe. ³ Elyo nakabona takacili kucikozhya kumuhisa, waka bweza cinzuma calubu, akucihingulula abulongo alimwi abunhuka. Nakamana wakamubika mwana muli ncico akucibika akati kalubu mumeezhi kumbali ankomwe yamulonga. ⁴ Mucizhi wakwe wakali invwi alaale kalanga kuti ino acizhi cinga cacitika kuli nguwe. ⁵ Mwana muhimbi wa Faalo wakaboola kusamba kumulonga kakuli balangizhi bakwe bali kwendeenda ankomwe yamulonga. Wakabona cinzuma akati kamabu akutuma mulindizhi kuti acibweze. ⁶ Wakacihvununa, wakabona mwana. Mpoona mwana wakali kulila. Waka muhwila luse akwaamba kuti, ''Oyu cancobeni ngu umwi wabana bacihebulayo.'' ⁷ Mpoona mucizhi wa mwana wakamba kumwana muhimbi wa Faalo, hena ngunke a kukapula umwi mu hebulayo mukaintu uti kulele mwana?'' ⁸ Mwana muhimbi wa Faalo wakati kuli nguwe, ''Koya.'' Aboobo kana muhimbi wakaunka akuya kwiita babanyina mwana. ⁹ Mwana muhimbi wa Faalo wakabaambila banyina mwana, ''Kotola mwana ooyu alimwi uka ndilelele alimwi njakuku bbadela mali amulimo ooyu.'' Aboobo mukaintu waka mubweza mwana a kumulela. ¹⁰ Mwana nakakomena, wakamuleta ku mwana muhimbi wa Faalo, aboobo wakaba mwana musankwa wakwe. Waka muulika izhyina lya Muusa akwaamba kuti, ''Nkaambo ndaka munununa kuhwa mu meenzhi. ¹¹ Ciindi Muusa nakakomena, wakainka kubantu bakwabo akubona milimo yamitukuta njobakali kubeleka. Waka mubona umwi muna Egipiti kakwibula mujuda, umwi waba sazhyinyina. ¹² Wakacebauka ooku akooku, nakabona kuti kunyina muntu uumbi muhimuhi, waka mujaya muna Egipiti akuhisa mubili wakwe mumusenga. ¹³ Nakali kwendeenda buzuba bwakatobela, alimwi, wakabona, balombwana bobile bacihebulayo bakali kulwana. Wakamba kuli yuulya wakalubile, ''Nkaambo nzhi ncouma mwezhinyoko?'' ¹⁴ Pele mulombwana ooyu wakahvuwa kati, ''Nguni wakubika kuba mwendelezhyi amubetehi aali ndiswe? Hena ukanza kundiyaya mbuli mbokayaya uulya muna Egipiti?'' Mpoona Muusa wakalihwa kuyoowa akwamba kuti, ''Ncindakacita cakahimpe cazhyibwa ku bantu. ¹⁵ Mpoona nocakahwika kuli Faalo, wakasola kuti amuyaye Muusa. Pele Muusa wakahwa kuli Faalo akuunka kuya kukala kunyika yaba Midian. Okuya wakakukkala munhimunhi a cikala. ¹⁶ Ono mupaizhyi wama Midian wakakwete bana bahimbi bali ciloba. Baka boola, bateka meenzhi, akuzuzhya muzhya kali kunywina mbelelezhya ba wihi. ¹⁷ Beembezhi bakaboola akukanka kutanda mbelele, pele walo Muusa wakaunka akuba gwahya. Mpoona waka nywihya matanga aabo. ¹⁸ Ciindi bana bahimbi nobakaunka kuli Reual wihi wabo, wakati, ''Nkambozhi ncomwa hambaana kupiluka sunu?'' ¹⁹ Bakamuhvuwa kuti, ''Umwi muna Egipiti watuhvuwa kuhwa kubeembezhyi. Watutekela a meenzhi akuzhyinywiha mbelele.'' ²⁰ Wakati kubana bakwe bahimbi, ''Ino ulikuli oyu muntu? Nkaambozhi ncomwa muhiila mulombwana oyo? Amumwite aboole kutewa tuzhyi kulye antoomwe.'' ²¹ Muusa wakahumina kukkala amulombwana oyu, wakamupa mwanaakwe muhimbi Zipporah kuti atwale. ²² Wakazhyala mwana musankwa, mpoona Muusa waka muulika zhyina lya Gershom; wakati, ''Ndali mweenzu munyika ya bantu.'' ²³ Nokwakainda ciindi cilanhu, mwami waku Egipiti wakahwa. Bantu ba Isulaili bakatoongoka kukaambo kamilimo ya buzhike. Bakalila kulomba kugwahiwa, akulila kwabo kwaka kuhika kuli Leza nkaambo kabuhike bwabo. ²⁴ Ciindi Leza wakahvwa kulila kwabo, Leza wakabaluka cizuminano ncaka hvwu kumunene Abraham, a Isaya, alimwi a Jakobe. ²⁵ Leza wakababona bantu ba Isulaili, alimwi wakateelela makatazhyo aabo.