¹ Ono kukwatikizhya kuboola kwa Mwami wesu Jesu Klisto akubungana kwesu antoomwe kuti tube anguwe, twamulombehya, bakwesu, ² kuti mutanyonganihiwi mubuubauba nokuba kupehyewa, nokuba mumoza umwi nokuba kaambo, na ng'wadi iiboneka kuti yazhyila kuli ndiswe, mukuti buzuba Mwami buhikile kale. ³ Akubule naba omwe uumucenga muhila iili yoonse. Nkaambo tabukahiki buzuba kuhikila kube luleyo alimwi muntu uusotoka mulawo abuyununwe, ngomwana walunyonyoono. ⁴ Uuyu ngonguwe uukazhya alimwi uulisumpula kukulwana zhyoonse zhya bu Leza naa kukombwa. Akaambo kaako, ulakala mu tempele lya Leza alimwi akulisumpula mbuli Leza. ⁵ Hena tamuyeeyi kuti nindakali andimwe ndakamwaambila zhyintu izhyi? ⁶ Ono mulizhyi icimulehya, kutewa akayubululwe buyo a ciindi iceelele. ⁷ Mukuti maseseke aakusotoka mulawo alabeleka beleka kale, ubuyo nkuti kuli uumuhyinkilila ono kuhiikila uyo walo akwihiwe munzhyila. ⁸ Kwamana uyo uutatobeli mulawo uya kuyubululwa, walo uyo Mwami Jesu ngwaya kuyaya a kuyoya kwa ku mulomo wakwe alimwi akumu maniinzhya mu ciyubununzhyo ca kuboola kwakwe. ⁹ Kuboola kwa musotohyi wa mulawo kulaba aakaambo kabubelehyi bwaa Satani ainsana zhyoonse, zhyitondeezhyo, ¹⁰ alimwi amaleele aakubeya, alimwi amihyobo yoonse iyabubyaabi ubucenga baabo ibali mukunyonyooka, nkaambo bakaka kuyandihya kahimpe alimwi kuti bahwutuke. ¹¹ Mukaambo aaka Leza wabatumina lweeno ulwansana kutewa bahyome icakubeya ¹² alimwi kutewa balo boonse batukwe abo abatahvwumina kahimpe pele buyo bakabotelwa mububyaabi. ¹³ Pele tweelele kupa kulumba lyoonse kuli Leza kaambo kenu, nobakwesu bayandika ku Mwami, nkaambo Leza waka musala mbuli kabalwebalwe kukuhwulwa kwiinda mukululamikwa a Muuya alimwi akuhyoma kahimpe. ¹⁴ Walo wakamwiita kuli ceeci kwiinda mu mulumbe, kutewa kuti mukayane bulemu ubwa Mwami Jesu Klisto. ¹⁵ Nkokwaamba, bakwesu, amwiime nji alimwi akukwatilihihya ku tunhiyanhyiya ntumwaka yiihyiwa, nokuba kwiinda muzwi nokuba mung'wadi. ¹⁶ Ono Mwami Jesu Klisto ulwakwe mwini alimwi a Leza Taateesu, walo wakatuyand swe alimwi akutupa kuumbulizhya ukutamani alimwi abulangizhyi bubotu kwiinda muluzhyalo, ¹⁷ walo aumbulizhye alimwi akuyumyayumya myoyo iyenu mumilimo mibotu yoonse alimwi a muzwi.