¹ Nde, Paulu, lwangu ndamuhinikizhya mwebo, kwiinda mulweetelelo akulutotozhya lwa Klisto. Ndibombele neli akati kenu, pele ndaamba kahimpe kuli ndimwe ciindi netawo. ² Ndamulomba nyebo kuti, ''ciindi neli andimwe, tandikayandi kwaamba cakutonkomana mukulihyomo kwaamba kuti ndiyeeya kuti ndiyakuyanda kutonkomana ndali kukuzhya baabo balo bayeeya kuti tuleenda kweebdelane anyama. ³ Pele nikuba kuti tuleenda munyama, tatubambi nkondo kweendelana anyama. ⁴ Mukuti zhyilwanyo zhyotubelehya tazhyili zhyanyama. Pele, zhyilikwete sana zhyisetekene kuyaya zhyiyanwa mumo. Zhyilaleta miyeeyo ishweehya mukuta kwati ⁵ Tula mwaya alimwi kuhwumbwa cintu cilahwu calo cinyamuka kumwaya luzhyalo lwa Leza. Tulabweza kutelaika koonse mubuzhike kutola mubulemu kuli Klisto. ⁶ Alimwi tulalibambila kusubula micito yoonse ya kutalemeka, kuhwumbwa buyo bulemu bwanu bwamaninina. ⁷ Kamulanga kuli ceeco cili kumbele lwenu. Naa kuhwumbwa oolyo wazulwa kuti ngwa Klisto, ooyo aali yeezhye lwakwe mwini kuti mbuli bwaliwa Klisto, mbubwena aswebo mbotuli muli nguwe. ⁸ Pele nakuba ndalipa matumbwaambwa ashoonto kwiindilila mbuli nsana zhyotupelwe, eezhyo zhyalo Mwami zhyakatupa kuti tuyake ndimwe kutali kumunyonyoona mwebo, tandikahwi soni pe. ⁹ Hyiyandi kuti cilibonye kuti ndilamukonga nywebo amangwalo aangu. ¹⁰ Mbokunga bamwi bantu bati, ''Mangwalo aakwe alihyinizhyile akukwata nsana, pele mukuba kwamubili wakwe mwini unyina nsana. Mazwi aakwe taaboti akwaatelela pe.'' ¹¹ Bantu bali boobu abacenjezhewe kuti mbuli mbotubele mumazwi a mumangwalo eesu notutawo mbotuli kubele mumicito twalikuliwo aawo. ¹² Takutonkomene boobo kuti kuli bunganye lwesu tubeni na tuli kozhyanyinhe abaabo balilumbaizhya lwabo beni. Pele balipima lwabo beni muli umwi aumwi akulikozhyanyihya lwabo beni kuli umwi aumwi, tabakwete imbonambele. ¹³ Swebo, nokubaboobo, tatukoolidunda kwiindilila bweelele. Pele, tulacita oobo kwiinda buyo mukwelanya muli ceeci Leza kakalailila kuli tuswe, kweelanya kwalo kuhika akuli ndimwe. ¹⁴ Mbuli mbotutaindilizhyi kuli kwazamuna lwesu tubeni mbuli kuti tiitwakahyika kuli ndimwe. Twakali bakutaanguna kuhyika koonse akuli ndimwe amulumbe mubotu wa Klisto. ¹⁵ Titwalilumbaizhya kwiindilila bweelele amulimo ya bamwi. Pele, luhyomo lwesu ndwakuti mbuli luhyomo mboluzumanana kukomena, milimo yesu akati kenu ilaindilila kukwazamuna, ¹⁶ kutewa tukozhye kukambauka malembe oonse a mulumbe nikuba muzhyikoswa zhyindilila ndimwe, kakunyina matumbwaambwa amilimo yakacitwa kale mumasena aamwi. ¹⁷ ''Pele amuleke ooyo uulisumpula, alisumpule mu Mwami.'' ¹⁸ Mbuli mbwatali yooyo uuliminina lwakwe wini uuli zhyumizhya, pele oyo walo Mwami ngwaaiminina.