¹ Aboobo, kutaanguna, ndalomba kuti kulibombya mu kulomba, mipailo, kulombelela, alimwi akupa kulumba kucitwa kubantu boonse, ² kubami alimwi aboonse abali mubweendelezhyi, kutewa tupone muluumuno alimwi a buumi buumwine mubu leza boonse alimwi a bulemu. ³ Eci ncibotu alimwi cilatambulika kumbele ilya Leza muhvwuni wesu. ⁴ Ulayandihihya bantu boonse kuti bahutulwe akuboola kuluzhyibo ulwa kahimpe. ⁵ Nkaambo kuli Leza omwi, alimwi kuli mwiimininzhyi omwi iwa Leza a muntu, mulombwana klisto Jesu. ⁶ Wakalipa ilwakwe mwini mbuli cituuzhyo caboonse, mbuli bumboni aciindi ceelele. ⁷ Kumuzeezo uyu ndakabikwa bweendelezhyi alimwi abwaapostolo - ndamwaambila mahimpe, nhyibeyi - alimwi ndi mwiiyi iwabamahyi mu luhyomo amu kahimpe. ⁸ Nkakaambo, nyanda balombwana mumasena oonse bapaile alimwi aku bweza matanhyi aasalala kakunyina bukali nokuba kukazhyanya. ⁹ Munzhyila njiyona, bamakaintu basame kabotu, mubulemu alimwi akulikwata, kutali aamasusu azhyingilwe na ingoliide nozhyiba inweenwe nozhyiba zhyisani zhyidula, ¹⁰ pele a zhyeeleele kuli bamakaintu ibakanana izhyabuleza kwiinda mumilimo mibotu. ¹¹ Mukaintu aiye mukuumuno alimwi amukulibombya koonse. ¹² Hihvwumizhyi mukaintu kuyiihya nokuba kweendelezhya mulombwana, pele kapona mukawiiwi. ¹³ Nkaambo Adamu wakataanguna kulengwa, mpoona Eva. ¹⁴ Adamu kunyina naaka cengwa, pele mukaintu wakacengwa akuba hikusotoka mulawo. ¹⁵ Nokubabooba, uyakuhutuka kwiinda mukuzhyala bana, kuti naa bazumanana muluhyomo amuluyando akusalahyiwa mukulikwata.