¹ Ono ibbokesi lya Mwami Leza lyakali kucihyi icabana Philistine ukwa myezhyi iili ciloba. ² Mpoona bana Philistine bakatuma kwiita bapaizhyi abamuchape; balaamba kuli mbabo, 'Tucite buti swebo aibbokesi ili lya Mwami Leza? Kamutwaambila mbotukonzhya kulipilula kucihyi candilyo.'' ³ Bapaizhyi aba muchape bakati, ''Kuti naa mwalipilula ibbokesi ilya Leza wa Israel, mutali tumyi kakunyina a cipewo; kuhumbwa nzhyila iliko kamu mutuminzhya a cituulo ica mulandu. ⁴ Mpoona aawo mulaka ponenzhyewa, alimwi mulakazhyiba akaambo itanhyi lyakwe ncolitana kwihyiwa kuli ndimwe kuhyiikila sunu.'' Mpoona balo bakaamba, ''Ino ico cituuzhyo ca mulandu cili buti calo ncotutipiluhye kuli nguwe?'' Balo bakahvwiila, ''Zhyuute zhyosanwe izhya ngoliide alimwi aimbeba zhosanwe izhya ngoliide, azhyimwi zhyosanwe mukuti mbobabele mweelwe beendelezhyi bana Philistine. Nkaambo impenzhyo njiyona iyakamucisa mwebo almwi njiyona abeendelezhyi benu. ⁵ Nkokuti mweelele kubumba zhyikozhyanyo zhyazhyuute zhyone, alimwi akubumba zhyikozhyanyo zhya mbeba zhyenu zhyuukwete kunyonyoona inyika, a kupa bulemu kuli Leza waku Israel. Ndiza ambweni ula kwihya itanhyi lyakwe kuhvwa kuli ndimwe, akuhvwa kutu leza twenu, alimwi akunyika iyenu. ⁶ Nkaambo nzhyi ncomuyanda kuyumwa myoyo yenu, mbuli bwakayumwa bana Egypt alimwi a Pharaoh myoyo yabo? Nceciindi cilya walo Leza wabana ba Israel naakabapenzhya cansana balo; Hena tee bana Egypt bakazakubatanda bantu, alimwi ncobeni bana ba Israel bakaunka. ⁷ Ono nkokuti, kamubamba cikochi cipya icikwelwa aing'ombe zhyamuzhyazhyi zhyobile izhyinyonhya pesi kazhyili tazhyina mpawo zhyahvwolekwa. Muzhyaange izhyo ing'ombe muhvwoleke kucikochi, pesi boombe mubatole ukwenu, kulaale abamanyina. ⁸ Mwamana mubweze ibbokesi lya Mwami Leza akulibika a cikochi, alimwi mubike zhyintu izhyo zhya ngolide, nzhyomuyanda kupilula kuli nguwe mbuli cituuzhyo ca milandu, muzhyibike mukabbokesi kabambene andilyo. Mulihyindikizhye mulilekezhye alimwi akutewa liye mumuhyinzo wandilyo, ⁹ pesi mwebo mweebelele buyo. Kuti naa lyaunka lyailulama inzhyila iitola kunyika yandilyo kulanga ku Beth Shemesh, nkokuti ngu Mwami Leza ulwakwe nguwatucitila mapenzhyi aaya makando. Pele kuti citabi ubo, nkokuti tulazhyiba kuti talili iboko lyakwe ilyali kutupenzhya swebo; nkokwaamba cakacitika buyo cini.'' ¹⁰ Balombwana bakacita umbona mboba kaambilwa; bakabweza ing'ombe zhyobile izhyinyonhya, bazhyaanga bahvwoleka kucikochi, akubasala boombe kucisalo kumaanda. ¹¹ Bakabika ibbokesi lya Mwami Leza acikochi, antoomwe akabbokesi akakakwete tumbeba twa ngolide alimwi azhyibumbwa zhya zhyuute zhyabo. ¹² Ing'ombe zhyakalulama kutola munzhyila yaku Beth Shemesh. Zhakalikweendela kulubahvwu lomwe munzhyila kumwi mitwi kazhyilanga anhyi inhyingo kweenda, alimwi kunyina nozhyakanyona kululyo nokuba kulumwenhyi. Abeendelezhyi baku Philistine bakazhyitobela mane kuhikila kumunyinza waku Beth Shemesh. ¹³ Eeci ciindi bantu baku Beth Shemesh bakali kutebula maila aabo mwibanda. Ono nobaka waala meso aabo akubona ibbokesi, bakakondwa. ¹⁴ Cikochi limwina cakaakuhyika ku muunda uwaa Joshua uuhvwa mu munzhyi wa Beth Shemesh mpo cakaakwiimina awo. Awo kwali indomba ilya ibwe, alimwi awo bakapapaula mapulanga aa cikochi, a kupa cituuzhyo ing'ombe zhyilya zhyobile mbuli cituulo ca kutenta ku Mwami Leza. ¹⁵ Bama Levite bakakwihya ibbokesi lya Mwami Leza alimwi aka bbokesi nkocakali limwi, umwakali zhyintu zhya ngolide, bamane bazhyibika andomba ilya ibwe. Balombwana baku Beth Shemesh bakapa cituuzhyo caku tenta alimwi akubamba miyasilo umbona buzuba ku Mwami Leza. ¹⁶ Aabo beendelezhyi bali bosanwe ba bana Philistine nobakabona boobo, bakapiluka umbona buzuba kuya ku Ekron. ¹⁷ Nzhyeezhyi zhyuute zhya golide zhyalo bana Philistine nzhyo bakapiluhya kupa ku cituuzhyo ca milandu ku Mwami Leza - comwe icaa Ashdod, comwi caa Gaza, comwi ncaa Ashkelon, comwi ncaa Gath, alimwi comwi ncaa Ekron. ¹⁸ Tumbeba twa ngolide atwalo twakali mumweelwe uukozhyanya amweelwe wa minzhyi yoonse yabana Philistine iyabo beendelezhyi abali bosanwe, yoonse minzyhi iiyakililwe alimwi atunzhyi utwamwi sokwe. Lilya indomba lyaibwe, alya munhyimunhyi mpobakabika ibbokesi lya Mwami Leza, licipa bumboni akuhyiikila sunu mulya mu muunda waa Joshua muna Bethshemite. ¹⁹ Mwami Leza wakabalwana bamwi bamalombwana baku Beth Shemesh nkaambo balo bakasondela mukati mwi bbokesi lya Mwami Leza. Walo wakayaya balombwana abali 50,070. Bantu boonse bakalila, nkaambo Mwami Leza wakabaumya musako mukando bantu. ²⁰ Bamalombwana baku Beth Shemesh bakaamba, ''Nguni uukonzhya kwiima kumbele ilya Mwami Leza, uyu Leza uusetekene? Nkokuli ni Walo kuli nguwe nkoliya ibbokesi kuhvwa kokuno kuli ndiswe? ²¹ Bakatuma batumwa kubantu abaku Kiriath Jearim, kwaamba kuti, ''Swebo tobana Philistine twalipilula kuno ibbokesi lya Mwami Leza; kamuboola akulibweza mulitolelele.