¹ Petro, apostolo wa Jesu Klisto, kuli ba mahyi bamwaikile, ibasalilwe, moonse mu Pontus, Galatia, Cappadocia, Asia, alimwi a Bithynia. ² Ooku nkwendelana aluzhyibo lwa Leza Taata, wesu, kwiinda mukusalazhyiwa kwa Moza, waku teelela alimwi awaku sansailwa kwa bulowa ubwaa Jesu Klisto. Luzhyalo alube andimwe, alimwi aluumuno lwenu luvwule. ³ Alumbwe Leza alimwi awihyi Mwami wesu Jesu Klisto! Muluse lwakwe lunji, watupa kuzhyalululwa kupya ukwa bulangizhyi bupona kwiinda mukubuka kwa Jesu Klisto kuhvwa kubahwu. ⁴ Ici ncacikono lutahwiki, icita bihyiwi, alimwi tacikamani. Cili yobwelwe kwizeulu ncicesu. ⁵ Muli kwabililwe ainsana zhya Leza kwiinda muluhyomo lwaluhwutuko lwalo lulibambile kuya kuyubululwa kumamanino aciindi. ⁶ Muli ceeci mwebo mulatangala cinicini, nokuba kuti ono, ukwakaindi kahyoonto, muleelele kupenga masunko aamihyobo yoonse. ⁷ Ici ncakusola luhyomo lwenu, lwalo luyandika kwiinda ingolide iihwika, nokuba kuti ilasolwa mumulilo. Ici cicitikila kuti luhyomo lwenu lukamuletele kulumbaizhya, bulemu, alimwi alulemeko ciindi cakuyubuluka ukwaa Jesu Klisto. ⁸ Tamuna mubwene walo, pele mwebo mulamuyanda. Tamumuboni walo ono, pele mulamuhyoma akutangala mulutangalo ulutaambiki alimwi kaluzwile bulemu. ⁹ Ono mulatambula ulwenu nobeni bulumbu bwaluhyomo lwenu, luhwutuko ulwamaumi eenu. ¹⁰ Kukwatikizhya luhwutuko ulu, banhinhimi bakanhinhima luzhyalo ulwakali kuboola kuli ndimwe, bakayandihya alimwi kulangihya, ¹¹ bakali kuyandihya kuzhyiba muntu naa ciindi walo Muuya wa Klisto muli mbabo ncowakali kutondeka nakaba cenjezhya kukwatikizhya mapenzhyi aka Klisto alimwi amalema akatobela. ¹² Cakayubululwa kuli mbabo kuti tobakali kuli belekela beni, pele bakali kubelekela ndimwe, nobakali kwaamba zhyintu izhyi izhyambaulwa kuli ndimwe abaabo baka kambauka magwalo kuli ndimwe a Moza Usalala wakatumwa kuzwa kwizeulu- zhyintu zhyobaya ndihihya kulangila ba ngele. ¹³ Aboobo amulyaange muzhyibuno zhya miyeeyo yenu. Kamu pakamana. Kamubika bulangizhyi bwenu cakumaninina kuluzhyalo luya kuletwa kuli ndimwe elyo Jesu Klisto wakuyubununwa. ¹⁴ Mbuli bana ibateelela, mutatobeleli kuzhyintu zhyomwakali kuyandihyihya lilya nomwakanyina luzhyibo. ¹⁵ Pele umbona mbuli yooyo uwakamwiita mwebo mbwa setekene, mwebo, amwebo, amusetekane mukulilemeka kwenu koonse. ¹⁶ Nkaambo kuli lembelwe kuti, ''Amusetekane, nkaambo mebo ndisetekene.'' ¹⁷ Aboobo kuti mwaita ''Taata'' walo uyo ubeteka kabotu alimwi akweendelanya amilimo yamuntu, amulilemeke cakuyoowa muciindi cabweenzu bwenu anhyi aano. ¹⁸ Mwebo mulizhyi ikuti timwanunumwa ainsiliva na aigolide izhyihwa kuhvwa kutuyanza twenu tubyaabi ntomwakakona kuzhya kumauso, ¹⁹ pele mwakanunumwa abulowa buyandihyi ubwaa Klisto, ubuli mbuli bwa mwanaa mbelele bunyina kapenda na kabata. ²⁰ Klisto wakataangana kuzhyibwa nyika kaitana kwaanzwa, pele ono wayubununwa kuli ndimwe mumazuba ano amamanino. ²¹ Kwiinda muli nguwe mulahyoma muli Leza, walo waka mubuhya kuzhwa kubahwu akumupa bulemu walo, kutewa kuhyomo lwenu abulangizhyi zhyibe muli Leza. ²² Mwakasalazhya maumi eenu kwiinda mukuteelela kahimpe. Ici cakacitwa akaambo kaluyando lwabunyina lwini lwini, aboobo amuyandane umwi aumwi kuzhwa mumoyo usalala. ²³ Mwakazhya lululwa alimwi, kutali kuzhwa kunseke iihwa, pele kuzhwa kunseke iitahwi, kwiinda muzwi lipona alimwi ilihyeele ilya Leza. ²⁴ Nkaambo, ''Bantu boonse bali mbuli bwizu, alimwi abulemu bwabo boonse buli mbuli malubaluba abwizu bwamusokwe. Bwizu bulayuma , alimwi amalubaluba alaneta, ²⁵ pele izwi lya Mwami lilapona lyoonse.''