¹ Hena nhili mwaanguluhi? Hili mwa Apostolo hena? Hena nyina nimbwene jesu mwami wesu? Hena mwebo tamuli ndimwe milimo yangu ya mu mwami? ² Ambweni kuli bamwi Nhili Apostolo, pele kulindimwe ndi Apostolo mwini-mwini. Nkaambo mwebo muli cibonehyo icabwa Apostolo bwangu mu mwami. ³ Mbobuya mbwilitabilila kuli baabo ibankapila: ⁴ Hena tatunhuminhyilwe kulya aku nywa? ⁵ Hena tatunhuminhyilwe kweenda amukaintu uunhwumina, umbona bucita ba Apostolo bamwi, ubucita babunyina mwami, alimwi a Cephas? ⁶ Ambweni ndiswe buya tobile Barnabas ambebo notweelede kubeleka tolike? ⁷ Nguni uunga waba musooja kwamana icakulya nkulibonena mwini? Nguni uuhyanga masaansa kwamana talyi micelo yamumo? Nokuba mweembehyi utanwi mukupa kubutanga mbweembela? ⁸ Hena mazwi aaya nging'amba anhwa kubweendelenhyi bwabantu? Tabuhi amulawo mbuwamba umbona bulya hena? ⁹ Nkaambo kulilembelwe mumulawo iwaa musa, ''Utamwangi ku mulomo musune ulyatauka maila.'' Hena mbasune balo Leza mbabikila maano aawa? ¹⁰ Taatewa ukanana ndiswe? Ici cakalembelwa ndise, nkaambo uyo uulima, weelele kulima kakwete a bulangizhyi, awalo uusokola maila weelele kusokola kakwete bulangizhyi bwakulolela mubutebuzhyi. ¹¹ Mbotwakahyanga nhyintu nhyaku moza akati kenu, hena inga kwaindilila kuli ndiswe kuti twatebula zhyintu zhya mibili kuli ndiswe? ¹² Kuti na bamwi bakanhumizhyiwa eci kuli ndimwe, hena swebo inga titwainda kunhwumizhyiwa awo? Pesi totwakakubelehya uku kunhumuzhyiwa. Ubuyo twakaliyumya mu mapezhyi kwiinda kuba cihinkilizhyo kumakani mabotu a Kilisitu. ¹³ Hena mwebo tamunhyi kuti aaba ibabelekela mucikombelo balayana cakulya mumona mucikombelo? Hena mwebo tamuzhyi kuti aabo balekela acipaililo balapewa cizo kunhwa kucipazhyo? ¹⁴ Muzhyila njiyona, mwami wakalailila kuti aabo bakambauka makani mabotu beelele kuyana izhyamubuponi kunhwa kumakani mabotu. ¹⁵ Pele nyina nindabelehya nhyintu zhyiyelele. Alimwi kunyina nindaembelela obuya kuti antela muncitile cimwi cintu. Inga hina nhwa buyo kwiinda kuti muntu asampaule kukulikankaizhya kwangu uku. ¹⁶ Akaambo kakuti naa ndakambauka makani mabotu, nyina ncinga ndalikankaizhya, nkaambo mbwinjelele kucita obo. Alimwi maawe kuli ndime naa nhyikambauki makani mabotu. ¹⁷ Kayi naa ndakambauka icakuliyandila, nkwete bulumbu. pele naa ndahinikizhyiwa, ncikwete mulimo wakucita ngwindakahyomenwa. ¹⁸ Ino nkokwaamba bulumbu bwangu nizhyi? Mbobwakuti naa ndakambauka, ndaapa makani mabotu icakutavwola mali alimwi intapewe zhyintu zhyinhwumizhyilwe mumakani mabotu. ¹⁹ Nkaambo nokuba kuti ndimwaanguluhyi kubantu boonse, me ndicita mbuli muzhyike wabo boonse, kutewa nkahwube banji mbwinkozhya. ²⁰ Kuba juuda inga mba mbuli mu Juuda, kutewa nkanhwube ba Juuda. Kuli baabo bali kunhyi amulawo, inga mba mbuli uuli kunhyi aamulawo kutewa nkanhvwube bali kunhyi amulawo. Ndacita ubu nokuba kuti mebo ulwangu nhikunhyi amulawo. ²¹ Kuli baabo ibali ansengwe ilyamulawo, ndaba mbuli umwi uuli ansengwe ilya mulawo iwa Leza ulangu, pele kunhyi ilya mulawo iwaa klistu. ²² ndakacita obuya kutewa nkanhwube ibali ansengwe lya mulawo. Kubalezhyilezhyi, ndakaba mulezhyilezhyi, kutewa inga ndavwuba mulezhyilezhyi. ndakaba buyo ikuhwumbwa cintum kubantu boonse, kutewa ambweni munzyila yoonse inga bahutuka. ²³ Ndacita zhyintu zhyoonse akaambo ka makani mabotu, kutewa nkatole lubanhwu mucoolwe icangawo. ²⁴ Hena tamwizhyi kuti mukuhiyana lubilo, boonse balalukanka lubilo lwakuhiyana , pele ngomwe buyo uupewa bulumbu? amwebo kamutiyaanina kuya kubweza bulumbu. ²⁵ Omwe omwe hilubilo ulalikwata muzhyintu zhyoonse. nchobacitila boobu nkutewa bakatambule munhyini uu hwa, pele swebo tucitila kuti tukatambule muhyini utahwi. ²⁶ Aboobo mebo nhyikangi citako naa kuuma muluwo pe. ²⁷ Pele ndalimbula mubili wangu akuupanga buzhyike kutewa citabi kuti mebo nbamana kukambaukila bamwi, ulwangu alimwi nkabe musowe.