¹ Nokuba kuti ndamba myaambo yamilaka yabantu aya bangele. Pesi naa kuti hinyina luyando inga ndaba buyo mbuli mulangu usabila nokuba mbuli cintu cisabi sabila. ² Alimwi nokuba kuti indakwete cipego cabahinhimi akuteelela makani oonse ahihilwe aluzhyibo, alimwi akuba aluhyomo lwakuguhya malundu. Pesi kuti hinyina luyando, ndikunyina. ³ Naa ndapa zhyoonse zhyikwete kusanina bacete, alimwi naa ndapa mubili wangu kuti uumpwe, pesi naa kuti naa hinyina luyando ndikunyina. ⁴ Luyando nkukkazhyika moyo alimwi akuba aluse. Luyando lunyina munyono ⁵ alimwi talulikankaizhyi talulisumpuli. Lunyina lunya. Taluliyandi. alimwi talunyemi buyo nokuba kubikkilila zhyilubile. ⁶ Talusekeleli muzhyintu zhyitaluleme. Pele, lulasekelela mukahyimpe. ⁷ Luyando lulazhyala nhyoonse, lulahyoma muli zhyoonse, lulaa bulangizhyi muli zhyoonse, akubikilila muli zhyoonse. ⁸ Luyando talumani. Naa nkobali bahinhima, bayakumana. Naa nkwiili myaambo, iyakumana. ⁹ Naa nkoluli luzhyibo, luyakumana. Nkaambo luzhyibo ndotukwete nduhyoonto abuhinhimi mbuhyoonto. ¹⁰ Pele aaluleme aakuboola, ayo atazulile ayakumana. ¹¹ Nindakali mwana, ndakali kubandika mbuli mwana, akuyeeya mbuli mwana, akulilemeka mbuli mwana. Pele mbuli mbundakomena zhyoonse zhyintu zhyakubwana ndakazhyileka. ¹² Nkaambo ono tubonena muci mboni mboni, kwamana tuya kubona buhyu abuhyu. Ono ndizhyi buyo ahyoonto pele ndiyakuzhyizhyiba zhyoonse nkaambo njakuba aluzhyibo loonse. ¹³ Pele ono eezhyi zhyintuzhyitatwe zhyila hyaala: luhyomo, bulangizhyi buboola a luyando. Pele ciinda kuli zhyeezhyi nduyando.