¹ Kamuba bantu bacita mbwicita, umbona amebo mbwilihikucita zhyicita kilisitu. ² Ono ndamulumbaizhya nkaambo mulanjeeya muzhyintu zhyoonse. Ndamulumbaizhya nkaambo mulakwatililila kutu nhyiyanhyiya umbona mbwindakatuhyiya kuli ndimwe. ³ Ono nyanda kuti muteelelehye kuti kilisitu ngomutwe wamuntu oonse, akuti mulombwana ngomutwe iwa mukaintu, alimwi kuti Leza ngomutwe iwa Kilisitu. ⁴ Kuhwumbwa mulombwana uupaila antela kuhyinhyima a mutwe uunvwunbilwe uyo wasampula mutwe uwakwe. ⁵ Pele kuhwumbwa mukaintu uupaila antela kuhyinhyima amutwe uutanvwumbilwe usampula mutwe uwakwe. Nkaambo nchintu buyo comwe akuti mutwe wakwe ulikulwilwe. ⁶ Nkaambo kakuti naa mukaintu tanvwumbi mutwe wakwe, anu kaakulula buyo masusu akwe ahwiimpe. Naa ncamasampu mukaintu kukwata masusu agelelwe naa atwaambe kukula kumutwe, nkokwaamba kasama intaulu. ⁷ Nkaambo mulombwana tayelele kusama ntaulu kumutwe, mukuti uli mucikonzhyanyo a mubulemu bwa Leza. Pele mukaintu mbobulemu bwamulombwana. ⁸ Nkaambo kakuti mulombwana taakapangwa kunvwa kumukaintu. Anu kuti, mukaintu nguwakapangwa kunvwa kumulombwana. ⁹ Alimwi taatewa mulombwana wakalenelwa mukaintu pe. Anu kuti mukaintu ngowakalengelwa mulombwana. ¹⁰ Ncencico ici ncayandika kuti mukaintu kakwata icitondezhyo cabulemu amutwe wakwe, akaambo kabangele. ¹¹ Nokutali buyo boobo, mu mwami , mukaintu tali mwaanguluhi kunhvwa kumulombwana, umbona buyo awalo mulombwana tali mwaanguluhi kunhvwa kumukaintu. ¹² Nkaambo umbona mukaintu mbwanhvwa kumulombwana, umbona buyo awalo mulombwana unhvwa kumukaintu. Kwamana zhyintu zhyoonse zhyinhvwa kwa Leza. ¹³ Kamulibetekela nobamukamwini: Hena cili kabotu ku mukaintu kuti apaile kuli Leza amutwe uli bukwazhyi? ¹⁴ Taatewa ayalo inhyi ilayiihya kuli ndime kwaamba naa mulombwana ukwete masusus malanhwu, walisampula ulwakwe mwini. ¹⁵ Taatewa inhyi mboimuyiihya kuti naa mukaintu ukwete masusu malanhwu, ubo mbulemu bwakwe? nkaambo masusu ayo aakwe wapewa kuti cibe cakunvwumbya mutwe wakwe. ¹⁶ Pele naa kuli uyanda kukazhyanya ayaaya, swebo tunyina bumbi mbotucita umbona azhyikombelo zhya Leza mbozhyitaciti bumbi. ¹⁷ Pele kumalailile aaya atobela, nyina nimulumbaizhya mwebo. ¹⁸ Nkaambo nomuswaangana kunyina icibotu icicba pele bubyaabi. Nkaambo icakutaanguna, nditeelele kuti mwebo nomuswaangana mucikombelo, kuli kwaandaana akati kenu, alimwi amebo kulubanvwu lumwi ndanvhwumina ubo. ¹⁹ Nkaambo kuleelela amwebo kube tukamukamu akati kenu, kutewa abo ibasunke mubabone antangalalaakati kenu. ²⁰ Nkaambo ciindi nomuswaangana antoomwe, ingwe ngomulalilo wa mwami ngumulya pe. ²¹ Ciindi nomulwa, umwi aumwi ulalya cakulya cakwe banamunji kabataninga kulya cakulya cabo. Umwi ulanvhwa inzala alimwi ulayana umwi wakolwa. ²² Hena munyina maanda akulida akunywina mumo? Hena musampaula cikombelo ca Leza akuyazhya insoni iba nyina cintu? Hena inga ndacani kuli ndimwe? hena mulumbaizhye? Nyina nitii mulumbaizhye kuli kaaka. ²³ Nkaambo ndakatambula kunhwa kumwami ico ncicona ncindakamupa mwebo, kwaamba mwami jesu, mubuhiku oobo mbwakaabwa, wakabweza mukumu. ²⁴ Naakamana kulumba, wakacikomona akwaamba kuti, uyu ngo mubili iwangu, ukomenena ndimwe. Kamucita ubu mukundiyeeya. ²⁵ Munzhyila njiyona wakabweza inkomeki nobakamana kulalila, alimwi wa kaamba, ''Iyi inkomeki ncecizuminano cipya mubulowa ibwangu. Kamucita ubu lyoonse mbuli mbomunwa mukundiyeeya me. ²⁶ nkaambo ikuhwumbwa ciindi ncomulya mukamu uyu akunwa inkomeki iyi, nkokwaamba mwebo mwakambauka luhu lwa mwami kuhikila akaboole. ²⁷ Kuhwumbwa uyo, nkokwaamba, uulya mukamu nokuba kunywa inkomekiya mwami muciimo icakutayeeyela, ulikwete mulandu ku mubili akubulowa ibwa mwami. ²⁸ Muntu kataanguna ulakwi mwini alilanganye aliwmi muzhyila iyi inga walya makamu akunwa mu inkomeki. ²⁹ Nkaambo uyo uunwa buyo ukulya kakunyina kutweluka mubili, ulalya akunywa kulubeta lwakwe mwini. ³⁰ Nkikaako banji banji akati kenu ncobalengauka akuciswa, alimwi bamwi benu bakoona. ³¹ Pele na kuti twalilingula tobeni, tatuka betekwi pe. ³² Pesi notwabeteka amwami, tulalayiwa, kutewa tutapewi mulandu antoome ayinyika. ³³ Nkaambo kaako, banabakwesu, nomuswaangana antoomwe kuti mulye, kamulindila umwi aumwi. ³⁴ Naa umwi wenu uhwile inzala, kalida limwi kunganda ukwakwe kutewa mwaswaangana antoomwe citakabi icakubetekwa. Alimwi kukwatikizhya zhyintu zhyimwi zhyomwakalemba, ndakamulayilila ndahika uko.