¹ Kuhwitha cha hali Ninibe. Libulu lya chimwetho cha Nahumi, ka Elekoshite. ² Yehoba apwa Njambi wa lifuwa na kwiluthila; Yehoba akelwithilamo cho washula na kulubala; Yehoba akana kwilwithila hali baka ñole bendi, cho akatwalelela matoto endi hali biththzi bendi. ³ Yehoba akeshwala kulubala cho binthzili byendi byakama; kakathambetha baka bibi embwe. Yehoba akaaka ngila mu muka kundulundu na lihunthzi, cho mashelwa apwa likubgu lya kumendi endi. ⁴ Akabyanetha tulunga ndonga na kutunenetha kuma; akomitha bindonga byoshe. Mbashani yapwa ya kuthzeya, cho na ngamela lalo; bintemo yaku Lembanone inaija na kupwa ya kuthzeya. ⁵ Aje malundu akaninganga ku mesho endi, cho na minkinda ikayengunuka; mabu akawila ku mesho endi, mukemo bene, kaye na banu boshe ba kayoyelamo. ⁶ Iya atha kwimana ku mesho a kulubala? Iya atha kubyanetha kuthzibitha lyoba cha kulubala chendi? Matoto endi bana welila ngwe tuhya, na mamanya bakawa pathzuthzola kuli lyakeye. ⁷ Yehoba wapwa wa mubwa, mu matangwa a bukalu; cho akatabetha baje bakabanda muli ikeye. ⁸ Oloni akanena shongo ya kushula ku baka ñole bendi na libathzi lya kulyana; akabashekela ku lithuthulungu. ⁹ Bika muli na kuyongola eni banu hali Yehoba? Akanena makumithilo akushula kubikyebo; bukalu kubukenduka kamuchibali. ¹⁰ Ngwe mingonga ya kulikutanga cho ngwe kunwa cha baka kupenda, bakaliwa ngwe chimbundi cha kuma. ¹¹ Kutunda kuli yobe, Ninibe, kunatundu munu umo ou wa yongwele bubi hali Yehoba, muka kunangula wa bibi. ¹² Ebi bikebyo nendeka Yehoba ngwendi, "Nambe ngwe bali ku nthzili yabo ya kushula na kushula mukutuma, nambe ngocho bakabateula; banu babo bakatundaho. Oloni yobe, Yunda: Nmbe njina kuyandetha, kunjikakuyandetha lalo. ¹³ Hanoni njapande kupokola mandauluwa ya banu kutunda hali yeni; Njikabatula malenge eni". ¹⁴ Yehoba nana lishiko hali yobe, Ninibe ngwendi: "Kukukapu lalo chithemunwina chikakala na lithzina lyobe. Njikabatulako baje tumponya bakushonga nebi byakumunga ha bikubo kutunda mu binjubo bya tulunga tweni. Njika bwahetha chihilo chobe, mwafwa wapwa walikamba." ¹⁵ Kenga, ha malundu hali mendi a umo ou anakunena muthzimbu wa ubwa, ali nakuthzimbula kwooloka! Bwaheleleni chilika chobe, Yunda, na kushulitha kushika chobe, mwafwa uje wa bibi kakakuhyana lalo; banmubatulako bene.