¹ Mu mwaka wa muchibali mwene Darase, mungonde ya butanu naimo, mulitangwa limo lya kulibanga mungonde, lijwi lya Yehoba lyethzile na ha Hangayi uje kapolofweto wangubulu ya mbongi ya ba Yunda, Zerubabele muna Shealtele, cho kuli tupilisitu bakama Yoshuwa muna Jozadak, kweneka ngwendi, ² "Yehoba wamilalo endeka echi: Aba banu bendeka ngwabi, 'ngwabo, 'Kuyethi oni thimbu yetu yakwija nambe kutunga jubo ya Yehoba." ³ Cho lijwi lya Yehoba lyethzile na kapolofweto Hangayi, kwendeka ngwendi, ⁴ "ino ikeyo thimbu yeni mubabenya mwa pandele kukala mu binjubo bya kuhwa laja, okwo eyi njubo yoshe ya bujuka? ⁵ Nendeka Yehoba wamilalo ngwendi: Thzibukeni bingila byeni! ⁶ Munakunu mbuto yayingi, olojo mukanene bya bindondo; mukali olojo kumwethi na byabingi; mukanu olojo kumwethi kupenda. Mukathzala bya kuthzala olojo kubye kumishluwitha, cho nabaka kwola bimbongo bakaholo olojo bakaka mulipakumuna lije lili na meena! ⁷ Yehoba wa milalo endeka echi ngwendi: "Thzibukeni bingila byeni! ⁸ Yeni kuje ku mulundu, mwambate mabaya mangana mutunge njubo yange; cho njaku bwahelela, cho baku njishangathzala!— Yehoba ngwendi." ⁹ "Mwatondele bya bingi, olojo njimileke! mwanene bya bindondo kwimbo, njabyubilile! Mwafwa bika?" Yehoba wamilalo nendeka. "Mwafwa njubo yande ya bujothzoka, okwo umo naumo weni ashatukila ku njubo yendi. ¹⁰ Mwafwa wachifwechi echi melu ami kwatelela lime, na kaye kaka kwatelela bimbuto byabo. ¹¹ Njinathana lilanga hano halifuti na malundu, ha bimbuto na binyu bya bihya, ha mathzi na hali ebi lifuti bya katumu, na banu na tuthitu, na bipangi byama boko obe!" ¹² Cho Zerubbabele muna Shealtile, na kapilisitu wakama Yoshuwa muna Jozadake, na twoshe tuje tumathalela twa banu, batabele ku lijwi lya Yehoba Njambi kabo na majwi aka polofeto Hangayi, mwafwa Yehoba owo wapwa Njambi yabo wa mutumine na banu batewele ku mesho a Yehoba. ¹³ Cho Hangayi, katumwa ka Yehoba, wendekele majwi a Yehoba kuli banu ngwendi, "njili neni!—echi chikeko kwendeka cha Yehoba mukulyana!" ¹⁴ Cho Yehoba washingile ku sipilitu ya ngubulu waba Yunda, Zerubbabale muna Shealtiele, na sipilitu ya kapilisitu ya kapilisitu wakama Yoshuwa muna Jozadaki, na sipilitu ya mathalela oshe a banu, mangana bakaye na kupangela ha njubo ya Yehoba wa mayongomena, owo Njambi yabo ¹⁵ mu matangwa makumi abali na awana a ngonde ya mu chitanu na imo mu mwaka wa ubali wa mwene Dalyase.