¹ Cho oni solomoni wendekele ngwendi; '' Shukulu nendeka ngwendi a ka yoyela mu lithuthulungu lyakama, ² oloni nji na kutungila mwakukala mwamubwa, mwela wobe wa kuyoyela myaka yoshe''. ³ Cho oni mwene wa tengulukile na ku kithula mbunga yosehe ya Isalela, oho mbunga yoshe ya Isalela yinemanene. ⁴ Wendekale ngwendi, '' echeleni Shukulu, Njambi wa Isalela, akale wakulemethewa, ou wendekele kuli tate Ndabiti cho nachi, cho nachi shulitha na maboko endi ibenya, ngwendi, ⁵ 'Kutunda ku litangwa lije nja tundithile bana bange mu lifuti lya Enjipita, ku nja shakwilwe nganda kutunda mu miyati yonshe ya Isalala omu ba katunga njubo, mangana lithzina lyange li ka kaleno. Nambe yange kushakula munu umo kupwa ntwama ali banu bange ba Isalela. ⁶ Nambe ngosho, njinangula Yelusalema, mangana lithzina lyange lika kalemo, cho njinangula Ndabiti kutwamenena bana bange ba Isalela.' ⁷ Choni chakeke mu mbunge ya tate ndabiti, kutunga njubo ya lithzina lya Shukulu, Njambi wa Isalela. ⁸ Oloni Shukul wendeke kuli tate ndabiti ngwwendi, 'Akupwa chakele mu mbunge yobe kutunga njubo ya lithzina lyange,walingile mwamubwa akupwa nacho mu mbuge yobe. ⁹ Nambe chipwe ngocho, Ku wa pandele kutunga Njubo; olojo, munobe, umo ou akatunda kumbunda yobe, ikeye akatunga njubo ya lithzina lyange.' ¹⁰ Shukulu na shulitha lijwi lyendi lyendekele, mwafwa nja shwana mumwela wa Ndabiti tate, na kutumama a litanda lya mu Isalela, nge omu a kulaethele Shukulu .Nja tungu njubo mu lithzina lya Shukulu, Njambi wa Isalela. ¹¹ Nji nakamo chikasha, omu muli chikumiyo cha shukulu echi cha lingile na banu ba mu Isalela. ¹² Solomoni we manene kulutwe lwa mutula wa Shukulu kumesho a bamu ba Isalela boshe , cho wolwele maboko endi . ¹³ Wa pangele mutula wa bunengu , wa pwile mamita 2.2 mu bulaja, mamita 2.2 mubwihi , na mamita 1.3 mu ku kunama . Wa wakele akati mukati ka chipango . Welondeleo cho wa bulike kumesho a banu boshe ba Isalela , cho'ni wolwele maboko endi ku kengetha ku melu . ¹⁴ Wendekele ngwendi , '' Shukulu , Njambi wa Isalela , ku kwethi Njambi wa kulifwa nobe mu melu nambe ano athi , ou wa nyunga chikumiiyo na ku mwetha chithzemo chije kuchethi kutenguluka ku bi ngamba bobe aba ba kayija kuli yobe na bimbunge byabo byoshe , ¹⁵ una nyungu chikulaetho na ngamba yobe Ndabiti tate, chije wa mu kulaethele .Eyo, wendekele na kanwa kobe cho wa chishulitha na liboko lyobe ,nge omu chili lelo. ¹⁶ Ololo'ni , Shukulu , Njambi ya Isalela , shulitha bije bi wa kulaethele ngamba yobe Ndabiti tate, omu wendekele ngwobe , ' Kuukonowa kuwana munalume ku mesho ange waku tumama ali tanda lya Isalela , oshe lika ba tekwulwila bobe bononoka bwino kwenda mumashiko ange , nge omu u na lingi yobe kuli yange.' ¹⁷ Ololo'ni , Shukulu, Njambi ya Isalela , tabetha lijwi lyobe lishulithiwe , lije liwendekele kuli ngamba yobe Ndabiti. ^{19 18} Oloni obe Njambi chili watha kuyoya na banu ano athi ?Kenga , mwilu ya melu yoshe ku watha kufwamo - kukeha chakupwa ali eyi tembele nja tungu ! Nameme ngocho mwane lemetha eli lilombelo lya ngamba yobe na ku yayabala chendi .Shukulu Njambi yange ; tolilila kulila na lilombelo eli ngamba yobe a kalombo ku mesho obe. ²⁰ Mesho obe apwe a ku kenga a tembele eyi buthsiki na mutanya, mwela uje uwa kulaethele kwakamo lithzina lyobe . Tolilila ku lilombelo ngamba yobe a lombelela ou mwela . ²¹ Cho tolilila ku kuyayabala kwange noku kwa banu bobe ba Isalela omu tulombelela ou mwela . Eyo , tolilila okwo kumwela ku wa kala , kumelu ; cho omu mu u tolilila , thambetha . ²² Oshe munalume a linga bubi kuli mu kwabo cho ashakiwa kulithinga chithingo ,cho oshe aija na kulithinga a lutwe lwa mutula wobe a muno munjubo, ²³ tolilia omwo mu melu cho ulinge . Sompa bingamba bobe, hitha ba ka kubiitha na kwaka bya nalingi a mutwe wendi ba benya . Et hela uje kethi na mulonga na ku mwana kwetheketha na ku thungama kwendi . ²⁴ Omo banu bobe ba Isalela ba bafungula kuli ba kang'ole babo mwafwa ba na lingi bubi kuli yobe , oshe beluka kuli yobe , kuthana a lithzina lyobe , ba lomba , na ku lomba kuba thambetha kuli yobe a muno mu tembele - ²⁵ cho mwane ba tolilile okwo ku melu na ku thambetha bubi bwa banu bobe ba Isalela; belwithe kulifuti lije wa banene na ba kukulwila babo . ²⁶ Omu melu a kushoka cho na nyothzi yai mwafwa banu ba na lingi bubi ku mesho obe - oshe ba lomba kukenga kumwela uno, ku thana a lithzina lyobe, na ku tunda kububi bwabo omu mu na ba thzangametha - ²⁷ cho tolilila omo mwilu na ku thambetha bubi bwa bingamba bobe cho nobu bwa banu bobe ba mu Isalela, omu mu ubaleka ngila yaibwa ibendamo. Nyoketha nyothzi mulifuti lyobe, eli liunana banu bobe nge buhswana. ²⁸ Oshe nge kukala njala mulifuti, nambe oshe nge kuli mushongo, mushongo wa litanya nambe wa neketela, bimbimba nambe mongu; nambe oshe nge bitothzi babo ba lukuka bikolo bya nganda mulifuti lyabo,nambe nge kuli chita nambe mishongo - ²⁹ nambe oshe malombelo na ku yayabala bi tunda kuli munu umo nambe kuli banu boshe ba mu Isalela - woshe na thzibukitha chita cha mishongo na buthiwa mumbunge yendi omu olola maboko endi ku tembele eyi ³⁰ .Cho tolilila omo mwilu, muwakala ; bathambethe, na kwana bwana ku munu woshe mu bilinga byendi byoshe; u thzibuka mbunge yendi , mwafwa yobe cho yobe lika uthzibuka bimbunge bya banu . ³¹ Chilinge echi magana ba kuthzibe lyoba, mangana amo benda mu bingila byobe matangwa oshe ba yoya muno mulifuti eli wanene kuli ba kukulwila babo . ³² Muchifwa cha liyitangila ou kethi wakubanu bobe Isalela, oloni ou - mwafwa ya kwama kwa lithzina lyobe, liboko lyobe lya thzili, na liboko lyobe lya kutandubuka - ba kaija na kulombeleia eyi njubo, ³³ cho mwane tolililila okwo kwilu, ku mwela kumwa kala, na kulinga bije byoshe litangila a kulomba , mangana banu boshe ba ano athi bathe kuthzibuka lithzina lyobe na ku kuthziba lyoba,ngwe omu ba kalingi banu bobe ba mu Isalela, cho bathe kuthzibuka ngwabo eyi njubo inja tungu ya ku kulemethelamo . ³⁴ Oshe oni banu bobe baya kuthzita ku kalwa na bitothzi babo, kwitila mungila ili yoshe watha ku batuminamo, cho oshe nge balombalela kuli yobe a eyi nganda yi wa shakula , cho na a njubo ije inji na tungula mulithzina lyobe. ³⁵ Cho oni tolilila okwo kumelu kumuli ku lilombo lyabo,kulomba chabo ,na ku bakwatha mu bilinga byabo byabibi. ³⁶ Oshe oni balinga bubi kuli yobe- omu oni na umo wayi thi kulinga bubi - cho oshe oni ngechi yobe u ba lubalela na ku bana ku chiitothzi , mangana chitothzi abambate na ku batwala kulifuti lyendi nge binthzinda , kupwe kulyala nambe ayei . ³⁷ Cho oshe oni ba kalimona ngwabo bali mulifuti muje mu batewelele, cho oshe nge balimona kubiitha na kulomba kuli yobe kuba konekela mulifuti lya bunthzinda . Cho oshe oni bendeka ngwabo, ' tuna lingile mwa mubi na kulinga bubi. tu na yoyele mu bukenya.' ³⁸ Cho oshe oni beluka kuli yobe na bimbunge byabo byoshe na myonyo yabo muje mulifuti lya bunthzinda, kuje ku ba na batwala nge binthzinda, na oshe oni balombelela lifuti lyabo, lije liwanene kuli bakulu babo, na ku lombelela ije nganda yi wa shakwile, na ku lombelela njubo yije yinja tungile mulithzina lyobe. ³⁹ Cho oni tolili-lilaku okwo kumelu, ku mwela ku mwa yoya, ku malombelo abo, na kuyayabala chabo, na kubakwatha mu bilinga byabo byabibi .Bakonekele banu bobe,aba bana bulumuna ku mesho obe . ⁴⁰ Aano'ni, Njambi yange, nji kulomba, echa mesho obe ashokoloke, cho echa matwi obe a tolili-lile ku malombo alingiwa muwuno mwela. ⁴¹ Ololo oni katuka,Shukul Njambi, ku mwela wobe wa ku hwimina,yobe na chikasha cha bithzili byobe.Echa tu pulisitu bobe, Shukulu Njambi, bathzale bwobole, cho echa bobe ba ku kulaela ba bwaelele mu bubwa bwobe . ⁴² Shukulu Njambi,kethi utengulule chowu yi wa bwabetha kweka kutunda kuli yobe . Lama mu bithinganyeka byobe bilinga bya ku lyana bya chikumiyo bya Ndabiti,ngamba yobe.