¹ Taula mai vua ei tuqwqwa, vuara na vibulou, a ra digitaki qara na ledra driadria, ko qu dau lomanira ina du tam ni au talia qa ni ra muni a ra sa kilatia no na du. ² Baletia na du e i sa tau vakalia no kwe e i na no qai kemam no, me tam mudu. ³ Lea loloma vivosoti, qa na vakacegu me na no qai kemam. A laka mai vua na Kalou na Tamaya qa mai va Jisu Karisto, o luvei tamaya tagwage na du qa na loloma. ⁴ Qu sa gadre Vakalevu ni qu dania a sewa lem driadria a re sa laka no i na du, me wetai lemam sovia lea i vakaro mai va Tamaya. ⁵ Ko kwe qi sa mosatiko no na vibulou - e i lala me volai va vatikem e lia na vunau vou, o koya ga boto mai na i tautaula - qa me te vilomani ya lia. ⁶ Ko kwe na loloma, me te laka qa me wetai a kwaya na lea vunau. Ko kwe na i vunau, me wetai go o ba rogo mai nai tautaula qa dodonu mo ba laka ka. ⁷ Are sa levu na vivacalai ere sa lakha yati i vuravura, ere tam vadu-nia lea lakha vakhayago mai o Jisu Karisito-Ko kwe na dau vi-vacalai qa na kea meca o Jisu. ⁸ Ba tolavi vatikhem mo ba khua ni vavele-niai lia na kwa o ba madila-takhi, ia mo ba sotaqaya ga na kheya i sau. ⁹ O koya i toso i mata qa tam vadei-takhi-nia i na i vavuvuli baletia na Karisito e i vele vua na Kalou. O koya i vakha-dei-takhi ni koya i na vakha-vuvuli kwe o koya kwe i tau ruarua vua o Tamaya qa Luvea. ¹⁰ Maga ei lia e i lakha va ikho qa tam no ya na i vakha-vuvuli khece, khua ni ciqomia lem were qa khua ni vacolania. ¹¹ O khoya ga i tata qa vakhacola ni khoya e i vakhai tavi no ina vikwa tam vina. ¹² I levu na kwa qi mata vola va vatikhem, ia qi tam gadrevia mequ vola yati ina veva qa na iqi. Ia, qi vinatia mequ lakha yati mequ lai vece mata nikho, me taucoko lem gadre. ¹³ O koru om batuvu ere sa loloma tu yati.