¹ Zwakale Jesu akatanga kudzidzisa pajo pe gungwa, banhu bazhinji bakauya kwaali. Akakwila mu whato waiba pa gungwa, akagala imomo. Banhu bose banga bali pajo pe gungwa. ² Akabadzidzisa zwinhu zwizhinji mu mufananidzo, mukudzidzisa kwake akati kwabali izwi ndezwakataula kwabali. ³ Inzwai, mulimi umwe wakayenda kwajala mbeu. ⁴ Paijala mbeu, mbeu dzimwe dzakawila mu nzila, shili dzakadya mbeu idzi. ⁵ Dzimwe mbeu dzakawila paluwale, apa paiba pasina dagalizhinji. Dzakakulumbidza kumele, musaka nekuti paiba pasina daga lizhinji. ⁶ Asi zuba palikabudha, mbeu idzi dzakaoma musaka wekuti dzangadzisina mudzi, dzakaoma. ⁷ Mbeu dzimwe dzakawila pa minzwa. Zwimiti zwe minzwa zwakakula zwakabhayabhaya mbeu idzi, mbeu idzi adzina kumela ⁸ Mbeu dzimwe dzakajaliwa pa daga litswene dzikabheleka mushe- mushe kungidzila kuswika pa makumi matatu, kana kuingidza kuswika pa makumi mashanu ne ibhodzi, kana kuingidza kuswika kuzana." ⁹ Jesu kristu akati, "iye anenzebe dzekunzwa mulegeyi anzwa!" ¹⁰ Jesu kristuali ega, abo baiba pafupi naye pamwechete neba dzidzisi bake gumi ne babili bakamuvunja pane zwe mufananidzo. ¹¹ Iye akati kwabali , "kune iwe kwapasiwa zwishamisozwe zwe umambo wa mwali we kudhenga. Asi kune iwo bali kunzwe zwose zwili mumufananidzo, ¹² kuleba kuti pabanotalisa baneona,asi ibo basingaone, kana kuti banenzwa, asi ibo ba singanzwe, kana kuti bakatendeuka mwali achabalegelela zwitadzo zwao." ¹³ Jesu Kristu akazoti, "Ndiye kuti amunzwe mafananidzo uyu? ko mifananidzo imwe musaitetekelaseyi? ¹⁴ mulimi anejala mbeu munhu munhu anepalidza shoko. ¹⁵ Idzi ndidzo mbeu dzakawila munzila, asi shoko palikapalidziwa, nekulinzwa, nekukulumbidza diabulosi anenga kuzebisa shoko mabali ilo la kajaliwa mabali. ¹⁶ Mbeu dzakajaliwa pamatombo, ndiyani; kana anzwa shoko, ane kulumbidza kulitaula nelufalo. ¹⁷ Mabali amuna midzi, bane simbilila nguba idiki. Kana yanya matambudziko pamusaka pe shoko, la Mwali aulewa. ¹⁸ Bamwe banhu ndiwo mbeu dzakajaliwa pa minzwa. Bano tetekela shoko, ¹⁹ asi iwo banotedza zwe nyika, kuda ufumi, nekukungwila zwinhu zwakawanda munyika, izwi azwingabeleke mbeu. ²⁰ Zwakale mbeu dzakajaliwa pa daga lakanaka ndiwo banhu bano tetekela shoko nekulitambila, banebeleka mbeu dzakawanda kuswika makumi matatu, kana makumi mashanu neli bhodzi, kana kufu lilapo ne zana." ²¹ Jesu akati kwabali, "Ko mungalete hele lambi mumba nekuisa pasi pe basiketi , kana kuisa munhala mwe mubeda? musaleta lambi nekuisa pachigakiko. ²² Hapana chinhu chakaigiwa chingalege kuzibika, hapana chinhu chakaigiwa chisilega kubuda pa chena. ²³ Kana munhu ali ne nzebe nzekudza, legeyi anzwe!" ²⁴ Akati kwabali, "Tetekelesayi, kune zwaunenzwa, mpimo waneitila babiyako zwimwechete usaitiwa kwauli zwakale bachakuingidzila neiwo. ²⁵ Musaka wekuti anazwo, kuneiye asamuigidza zwimwe, kune iye asina chilichose, kana zwose zwali nazyo achamutolela. ²⁶ Akataula kuti, "Umambo wa Mwali uneita seyi munhu anejala mbeu mudaga. ²⁷ Anoyedzela usiku anezemaka masikati, mbeu dzake dzino budha nekukula, iye asingazibe kuti zwinoitika seyi. ²⁸ Pa chayo nyika inemelesa mbeu: Chinotanga ka shizya, chinozotebela inzebe, chekupedzesela kukula kwe nzebe ye mbeu. ²⁹ Kana mbeu dzaswika, mulimi anotuma banhu nemajeko kwa pesha." ³⁰ Zwakale akataula, "Umambo wekudhenga tingaufananidze nechini, kana kuti mufananidzi weludziyi watingeshandise kuti tibataulile? ³¹ Zwino fanana ne mbeu ye tilisu kana, yajaliwa, ineoneka ka dhiki pa mbeu dzose dzepa nyika. ³² Asi, mbeu iyi kana ya jaliwa, inokula kupinda mbeu dzose, mbeu inozoita, mapazi, makulu, shili dzekudhenga dzinozopanga masakila mumubvuli." ³³ Kunemufananidzo iyi akataula shoko kwabali, seyi zwabaikwanisila kuti banganzwe, ³⁴ anga singakwanise kutaula kusina mafananidzo kwabali. Pa nguba yanga ali yega akabataulila neku ba tsanangulila zwose ba dzidzi bake. ³⁵ Pa zuba liye, madheko yaswika, akati kwabali, "Tiyendeyi kunzwimbo imwe." ³⁶ Bakasiya banhu bose, bakayenda pamwe na Jesu chete, iye ali muwhato. Panga pali ne mawhato yamwe yakayenda pamwechete naye. ³⁷ Pakalepapo dhutu likulu kuloba zwekuti bvula yakatanga kuzala mu whato. ³⁸ Pa nguba iyi Jesu aba alibo muwhato, anga alele.Bakamumutsa, bakati, "Mudzdidzisi amuna basa nazwo pamunotilega muchiona kuti tili kufa?" ³⁹ Akasumuka, akapopotela mhepo, akazeudza gungwa kuti, "Lugale! ngalubepo!" Dhutu lika nyalala, lugale lakezebapo. ⁴⁰ Akati kwabali, "Chiyi chamunocha? hamuna chichetekelo hele?" ⁴¹ Banga baka zaliwha nekucha kukulu baketi, kune umwe ne umwe,"ndiyaniko uyu, saka kuti dhuru kana gungwa zwosezwine munzwa?