¹ Jesu akasimuka kubva kundzwimbo yaakangalimo akayena kundzwimbo Judiya kumhili kwe mulonga jodan, banhu bazhinjizhinji bakauya zwakale kaiya. Akabadzidzisa zwakale zwaigala asiyita ngubadzose. ² Zwino ba falisi bakauya kwaali kuti bamuyedze bakamubvunzwa kuti, " Zwilipamutemo kuti munhulume alambe mukadzi wake?" ³ Akabadaila kuti,"Ko Moses akataulayi chinyi?" ⁴ Bakati ,"Moses akabvumikidza mulume kulemba chamba yekulamba mukadzi nekumutandaudza," ⁵ "Kuwoma kwemoyo wenyu ndesaka akakunyolelei mutemo uyo." Jesu akataula kwabali . ⁶ "Asi kubva pakutanga kwekusika ,Mwali akabasika munhulumu ne munhukadzi.' ⁷ 'Pachikonzelo ichi mulume na amai bake abatanidziwe nemukazdi waka, ⁸ Babili aba sabanyama ibodzi.' abasaba banhu ba bili, asi nyama ibodzi. ⁹ Nekudalo mwali zwabatanidza." ¹⁰ Pabaiba mukati mwenyumba, badzidzi bake futi pane iyi nhau. ¹¹ akataula kune ibo,kuti" aliyese anolamnba mukadzi wake nekulola mukadzi umwe anenga aita chigololo ¹² kumukazdi wake. Kanamunhukadzi uyo akalamba mulume wake akanololewa ne mumwe mulume , anenga aitawo chigololo." ¹³ Zwino bakauya nebana babo bafana kuna Jesu kuti ababhate pamsolo, futi badzidzi ba Jesu bakabapopotela. ¹⁴ Asi Jesu pa akaona izwi, azwinakumfadza kwabali, legai bana badiki bauye kwandili, musabalambidze nekuti hushe wa mwali ndewayo ibo bakaita se bana badiki. ¹⁵ Chokwadi ndinotaula kwamuli kuti, aliyese asinga wane umambo waMwali semwana chokwadi hanga pinde malili; ¹⁶ Zwino akatola bana mumaoko ake akaba kombolela nekuisa maoko ake pabali. ¹⁷ Pakatanga hwendo wake, mumwe munhulume akamhanyila kwaali, akafugama kuna Jesu, mulume uyo akabvundza, "Muzdidzisi makanaka, chinyi chandingaite kuti ndiwane upenyu usingapele?" ¹⁸ Jesu akati, "Seyi usindidaidza mutsene? hapana mutsene kulega kwaMwali chete. ¹⁹ Uneziba mitemo: Usaulaye, usaite chigololo, usaite umboni wemakuwa, usachengele, bape ulemu amai bako na baba bako." ²⁰ Mlume uyu akati, "Mudzidzisi, izwi zwose ndikazwiteyedzela kubva ndili mudiki." ²¹ Jesu akanangala kwa ali akamuda. Akati kuna iye, "Chinhu chibodzi , yendautengese zwose zwaul ufumi wekudengainawzo, upe banhu balombo, ndipopeusaona ufumi wekudenga . Wauya, wanditeyela" ²² Asi nemusaka we bakataura Jesu, mulume uyu akaoneka kusuwa akaenda apera simba,aiba nefuma yakawanda. ²³ Jesu akanangala kose ne kuudza ba dzidzi bake,"chakaoma kudini kune aboi baneufumi we pasi pano kugala neufumi wekudenga." ²⁴ Badzidzi bake baka shamisika nemazwiyake. Asi Jesu akataula zwakale, "Bana, chidesima kudini kupinda mumambo waMwali! ²⁵ Achina kusimba kuti ngalawo kupinda muziso yenyeleti kuchila munhu adelemela kupinda umambo waMwali." ²⁶ Bakanga badeshamisika maningi nekuyamba kutaulika kune umwe ne umwe, "Ndiyani asapulumuka?" ²⁷ Jesu akabanangala akati, "Nebanhu zwakaoma, asi Mwali. Zwinhu zwose zwineitika na Mwali." ²⁸ Petro akayamba kutaulika naye, "Oneni, tasiya zwose nekuteyela imi." ²⁹ Jesu akti, " Ndilikukuwudza chokwadi, apanakasiya nyumba kana badzikomabake kana badzining'ina kana amai kana baba kana bana kana zwimbo musaka we ini kana ne mazwi yamwali ³⁰ ndiyani asashaihwa kupiwa nguba ye gumi gumi izhinji pane kole manje: imba, bakoma, baning'ina, madzimai, madzibaba,bana, nzwimbo, nekulipeleka, nemunyika kuuya, upenyu usinga pele. ³¹ Asi kune abobali pambeli bachagala kumasule, ne bapamasule pambeli." ³² Baiba panzhila bachiyendaku Jelusalema, na Jesu ayiyenda pambeli pawo.Badzidzi bakanga badeshamisika, ne abo baiteyela kumasule baicha. Jesu akaba bisapo ba gumi neba bili nekuyamba kubaudza zwineti zwiyitike panguba ishomanani pane iye. ³³ "onei, tilikuenda ku Jerusalema, mwana komana wemunhu akuenda kunoisiwa mumaoko mweba prista bakuru, neba nyoli, basamutongela kufa nekumu isa kwa Herodi. ³⁴ Basamu seka nekumuswibila mate, nokumu loba, nokumu baya. kana mazuba matatu apinda asamuka." ³⁵ Jakobo na Johani, vanakomanava Zabedi, vakauya kwaali vakati , mudzidzisi, tinoda kuti mututire zvatisa kumbira kwamwari." ³⁶ Jesu akati kwamuli, "munoda kuti ndikuitirei chii?" Vakati, ³⁷ "Tigarisei paku penya kwenyu, mumwe kuruoko renyu re ruji, mumwe ku ruboshe." ³⁸ ASi Jesu akati kune ivo, "hamuziwe zwa munokumbira, mungagone kumwira pamukombe pamdinomwira kana kushivirira ubhabhatidzo wandisa bhabadidziwa?" ³⁹ iwo wakati kwaali, "Tunonogona." Jesu akati kwabali, "mukombe wandino mwila, munogona kumwirawo, ne bhabatidzo yandino bhabhatidziwa nayo, munga bhabhatidziwe nayo. ⁴⁰ Asi kugala kwa ruoko rangu re ruji kana roboshe handizuni ndinopa, asi ndezvevakagadziliwa. ⁴¹ Badzidzi baibva gumi pavakanzwa nhau iyi, habana kufala nazwo, bakayamba kulimira Jakobo na Johani. ⁴² Jesu akava daidza kwaio akati, "Munoziba vanenzi machimo eva hendeni vaneudziwa zwekuita nebakuru bao banoita masimaba navo. ⁴⁴ Asi hazvizodaro pakati penyu, aninaani anoda kuva pakati penyu ngabhe mushandi, ⁴³ aninani anoda kubva wekutanga pakati penyu nopabe mulandu we bese. ⁴⁵ Nokuti mwana komana we munhu haana kuuya kuzoshandihwa, asi kuti iye ashande, nekupa upenyu wake ube ludzikenuro re ba zhinji." ⁴⁶ Bakaswika Jeroko, Zwino akati asibuda mu Jeriko nebadzidzi bake nebazhinji zhinji, mwanakomana wa Temio, Batimaeus, aiba bofu ari rombe, wakanga agere panzira. ⁴⁷ Paakanzwa kuti ndi Jesu we nazareta, akatanga kudaidza asiti, "Jesu mwanakomana wa Davidi, ndinzwireiwo tsitsi!" ⁴⁸ bazhinji bakatsiura bofu baliudza kuti nyalala .asi wakadaidzisa, asiti , "mwanakomana wa Davidi, ndidzwileiwo tsitsi!" ⁴⁹ Jesu akamira akati mudanei.vakadana bofu riye vasiti, "simba moyo, simuka! banekudana." ⁵⁰ Akasomola chekufeka chake akachitaya akasimuka, akauya kuna Jesu. ⁵¹ Jesu akamupindula akati, "unoda kuti ndikuitire chiiko?" bofu likati, "Rabi, ndinoda kuona," ⁵² zwino Jesu akati kwaali, Enda kutenda kwako kwakupoletsa." Pakale papo akabva kuona zwali, akamuteela munzila.