¹ Cho'ni Ndaina, muna Leya wa munakathzi uje ya thsemene na Yakomba, Wayile na kuliwana na banike ba bambanda ba muje mulifuti. ² Shekeme muna Hamole wa munalume ka Hivite, muna mwene wa munalume wa muje mulifuti, wamumwene. wamwambatele na kulala nendi, cho lalo wamushawile. ³ Wathzemene Ndaina, muna Yakomba wa munukathzi, wa shakele uje mwanike wa mumbanda cho wendekele nendi mu bubothsi. ⁴ Shekeme wendekele kuli yishe nhamole, ngwedi ''Njambateleni owu mwanike wa mumbanda akale munakathzi mwange''. ⁵ Oloni Yakombe wathzibile ngwabo wakothele na munendi wa munakathzi daina. Bana bendi ba banalume bakele na bimuna byendi mu lihya , cho lalo Yakomba wa thimpile nomu belukile. ⁶ Hamone ishe ya shekeme wayile na kwendeka na Yakomba. Bana ba Yakomba babanalume bethle kutunda ku mahya omu bathzibile binganda. Banalume baba shangumine. ⁷ Balubalele manene mwafwa ba thzibithile shwama isalela ha kulala na muna Yakomba chuma echi. ⁸ Hamole wendekele kuli bakebo, ngwendi," Munange wa munalume shekemu nathzeme munobe wa munakathzi. Mwaneni akale mwebwendi. ⁹ Tulyambateleni, twaneni bana beni ba banakathzi,cho neni ambateni bana betu ba banakathzi . ¹⁰ Mukale netu , cho na lifuti lipwa lya kushokoloka kuli yeni kukalamo na kulanda na kulandulwilamo ,cho na kukala na bufuko." ¹¹ Shekemu wendekele kuli ishe na kuli ba ndolome ba Ndina, ngwendi, " Njitabetheni na kunjitetela kumesho eni, cho byoshe obyo munjileka njaana. ¹² Njilekeni dando yakamakupwa ngwe byonda na bwana nge mumwashakela, cho njimyana byoshe bi munjileka, oloni njaneni ou mumbanda kupwa mwebwange." ¹³ Baana ba banalume ba Yakomba ba kumbulwile Shekemu na Hamole mungila ya ku balela bushonge , mwafwa Shekamu wathzibithile ndokathzi yabo Ndaina shwamwa. ¹⁴ Bendekele kuli bakebo ngwabo, '' Kutwatha kuchilinga echi , chakwana ndokathzi yetu kuli chilima ; echi chipwa chuma chashwamwa kuli yetu . ¹⁵ Tulitathana lika neni : oshe mupwa ba kutuuka ngwe mwetu , oshe munalume woshe akati keni apwa wa kutuuka . ¹⁶ Athinoni tukane baana betu ba banakathzi kuli yeni , cho netu tukambate baana beni ba banakathzi , cho tukatunga neni na kupwa banu bamo . ¹⁷ Oloni oshe kumututolilila na kweneka kutuuka , cho twambata ndothzi wetu na kukatuka tuye." ¹⁸ Majwi abo athzibithile Hamole na munendi Shekemu . ¹⁹ Cho mukwenje ketithilemo thimbu kulinga bije bi bendekele, mwafwa wa kele na mbwathi mu mwana wa munakathzi wa Yakomba, cho lalo mwafwa wa kele wa bulemu manene mu naanga yoshe ya njubo ya ishe . ²⁰ Hamole na munendi Shekemu baile ku chikolo cha nganda yabo, bendekele ngwabo , ²¹ " Aba banalume aba ba buthamba betu, cho tuba tabetheni kutunga mu lifuti lyetu na landa na kulandulula amo nabo,chili, lifuti lyakama tupwithamo tu baboshe. Twambateni bana babo ba banakathzi ngwe banakathzi betu,cho tu baneni bana betu ba banakathzi . ^{22 23} Oloni banalume aba bataba kukala amo netu na kupwa banu bamo; oshe banalume betu boshe ba tuuka, ngechi mu ba tuuka bakebo.Kuma bimuna babo na bufuko bwabo - natuthitu babo kubapu betu? Ngechibene tuli tabathaneni nabo , cho ba kala amo netu." ²⁴ Banalume boshe ba munganda ba tolililile Hamole na munendi wa munalume , Shekemu.Munalume woshe ba batuwile . ²⁵ Alitangwa lya muchitatu bachili a maputa , bana ba banalume ba bali ba Yakomba ( Simone and Lebi , ba ndolome ba Ndaina ), umo na umo wambatele mukwale wendi na lukuka nganda ije ba thzubukile bwino, cho ba thsiile banalume boshe. ²⁶ Bathsiile Hamole na munendi wa munalume Shekemu na mukwale. Bambatele Ndaina kumutunditha kunjubo ya Shekemu nakuya nendi. ²⁷ Bana ba banalume bakwabo ba Yakomba bethzile ku bi bimbi cho ba pukwile nganda, mwafwa baje banu ba shawile ndokathzi yabo . ²⁸ Bambatele bimaanga babo, bingombe babo, ba ndonki babo, na byoshe bije bya munganda na mumaya akele muyei na ²⁹ bufuko bwabo bwoshe . Bafungulwile, bana babo na banakathzi babo boshe . Cho bambatele byuma byoshe bije byakele mu binjubo. ³⁰ Yakomba wendekele kuli Simyoni na Lebi ngwendi," Mwa nji nenela bukalu, ku nji pwitha wa kunika ku banu ba muno mulifuti, ba ka Kanana na ba ka Pelezi . Nja kee mubwingi. Oshe balikungulula amo ku nji tengulukila na ku nji lukuka, cho ba njinyongetha,yange na naanga yange." ³¹ Oloni Simyoni na Lebi bendekele ngwabo , " Kumani ndokathzi yetu bamupwithe nge chikwithzi kuli Shekemu?"