¹ Wafuminimu na kwinza mumukala winji, Atumbanzhi twinji amulondeleli. ² Chelili Sabata yinashiki jehi, hakuyilezha mu Sinagogi. Antu amavulu amutiyili ni kuzang'alala. Ahosheli nawu, "inji iyi ntang'ishilu wayifumishili kujihi?" "awa mana amwinkeliwu amuchijinyi?" "inji welili yihayamishanyi namakasa inji?" ³ "iwu himukakusong'asong'a, mwana ka maliyaku hajiyi manakwa Yakobaku na Yosesi naYuda niShimonaku? Ahelinji hituji nawuku? Amweni muji yena chuma chakuyijimbwisha. ⁴ chalonjelelimu wahosheli ninji, "Kapolofwetu hiyamujiwulang'aku, kumujiwula ching'a mwilung'a jinji yomweni, nikuji antang'a jinji, nimwitala jinji. ⁵ Kwenoku wakang'enyi kwila mijimu yang'ovu, Wakuminini jakunang'ika makasanji haji antu antensha nikuyihanjisha. ⁶ Wahayamini chabuliluwu kukuhwelela. Hwnohu yesu hakuhitang'ana mumikala yakwenoku nakutang'isha. ⁷ Inkumininaku watambikili owu ikumi naayeji watachikilili kuyitemesha ayeji ayeji; hakuyinka wanta ha ji ma Sipilitu atama, ⁸ Hakuyilezha ninji bayi musenda yuma yakuya nachu munzhilaku, ching'a kwamukombu hohu-yakujya nehi, fukuta nehi, mashiling'i muchikwama nehi- ⁹ Ilang'a vwalenu nkwabilu; Bayi muvwala yikobelu yiyejiku. ¹⁰ Hakuyilezha ninji, "kwezhima kumukuya mwakashakama mwitala jimwakashikena, kufumahu ching'a himukunyamuka. ¹¹ Mukala wuji wezhima wakabula kuyitambwila hela kuyitiyilila enu, chimukufumamu, mukajitotomoni lukung'u luji kumajatilu enu kulonda kutyikonkolola nichu". ¹² Ejika ni kwijika hiyakushimuna nawu Balumukenu mumichima. ¹³ Hiyakufumisha anjemoni amavulu, muji antu amavulu ajing'i akata nakuyiwahisha manyi hiyakuyuka. ¹⁴ Mwanta Helodi hakutiya mpuhu, mulong'a ijina jinji jinelukewi jehi. Amakwawu hiyakuhsha nawu, "Yowanu nzhimiki nasang'uki jehi muji afu, jihu hanafumi kukong'a minjimu iyi yang'ovumuji yena". ¹⁵ Ilang'a amakwawu nawu, "jiyi Elizha". Amakwawu nawu hikaolofwetu, "wuji neyi kapolofwetu wumu hampinji yawankakulula". ¹⁶ Ilang'a Helodi chatiyiliyi, "ninji Yowanu, inaketwili mutu, jiyi wunasang'uki jehi". ¹⁷ Mulong'a yomweni Helodi jiyi watemesheli antu nakumukwata Yowanu nakumunatila mukaleya nansang'u yaHelodiya (ng'oja manakwinji fwilipu), mulong'a wamusumbwili. ¹⁸ Mulong'a Yowanu wamwilili Helodi ninji, "kusumbula ng'oja manakweyi hichinateleliku". ¹⁹ Helodiya hakumushila nkunyi nakukeng'a kumuzhaha, ilang'a kutwesha nehi, ²⁰ Mulong'a Helodi wamutiyili Yowanu woma; welukili ninji hiiyala walong'a wazhila, nawa akukumina jakumuhemba chachiwahi. chamutiyiliyi nakuzhinoka nankashi, hela chochu watiyili kuwaha hakumutiya. ²¹ ifuku jajiwahi chijashikili. Herodi hakwanuka nakuzang'alala kumesemuka chinji hakuteleka chawizha chakujisha ayilolu zhinji nawakulumpi amaneni amazhita nawantu alema amung'alaliya. ²² Mwana ka yomweni Helodiya wamumbanda cheng'ililiyi nakuhang'ana hakumutiyisha Helodi kuwaha hamu nanowu ashakaminiyi nawu nakujya. Mwanta hakumwila owu chang'ajima wamumbanda ninji, "Nlombi yuma yezhimayiwunakeng'i nukukwinka". ²³ Hakumusanyikila ninji, "yuma yezhima yiwukulomba, nikukwinka, hela kukwanzang'enaku chikunku chawanta wami hakachi nakachi". ²⁴ Hakwijika nakuya kuji mama yinji nakwihula ninji, "Chumanyi chinukulomba kuji yena?" Yena ninji, "lombaku neyi, nyinki mutu waYowanu nzhimiki" ²⁵ Henohu yeng'ila nimuji mwanta lufuchi, Hakumulomba ninji, nakeng'i wunyiki mutu wa Yowanu nzhimiki hacheng'a. ²⁶ Mwanta hakuneng'a nankashi, ilang'a ochu cheliliyi nasanyiki jehi nichamweniyi owu ashakamini nakujya, hamweni hakumukanishilaku. ²⁷ Jichu mwanta atemesha nimushijika hakachi kamashijika amuhembeleng'a, hakumulezha ninji, yaku wuleti mutu wayowanu hacheng'a. mushijika wayili nakumuketula mutu winji muna mukaleya. ²⁸ Hakuleta mutu winji hacheng'a nakumwinka ona chang'ajima wamumbanda, chang'ajima yeniwu hakumwinka mama yinji. ²⁹ Atumbanzhi twinji chatiyiliwu ichi, ayili nakunona muzhimba winji, nikuwisha mwizhamu. ³⁰ Apositolu hiyakupompa hamu naYesu hiyakumulezha yuma yezhima niyeliliwu nayajing'a nakutang'ishawu antu. ³¹ Yena hakuyila ninji, "twayenung'a enu aweni kwakankawenu kulonda munokeluku chanti". Mulong'a kwajing'i antu amavulu nankashi, awa anakwinza awa anakuya, awa hiyajing'i nampinji yakwila ajyiku. ³² Jichi hiyakufuma kwenoku muwatu nakuya kwilung'a jankakayawu. ³³ Ilang'a chayileng'awu antu ajing'a nakumona, amavuku elukili, hiyakufuma munyikala hiyakuyaku lufuchi hamaseki, hiyakushikang'ahu jehi henohu wena kanja. ³⁴ Chanejikiwu muwatu, hakumona izaza jeneni hakuyitiyila wushona mulong'a ajing'a neyi anyikoku akaji kabing'a. Hakutachika kuyilezha yuma yayivulu. ³⁵ Chelili itang'wa hijikuya nakuteng'uluka, atumbazhi twinji hiyakwiza kuji yena nawu, ''munu mumpata itang'wa jahita jehi. ³⁶ Yimwang'i antu ayi mumaha nimumikala yanyeng'umukaku akajilanjili yakujya yawu. ³⁷ Ilang'a yena hakuyakula ninji, "Enu yinkenu yakujya". Wena hiyakwila nawu, "Tunayi nakulanja manknji amali nkulakazhi zhiyeji (200) twakayinki ajyi. ³⁸ Hakuhosha ninji, "muji namankenji ang'ahi? Yenu mutali". Chanelukiwu, hiyakwila nawu, atanu ninshi zhiyeji. ³⁹ Hakuyilezha ninji, antu ezhima ashakami hamatahu amunyemvu mumazamvu. ⁴⁰ Hiyakushakama mamazamvu awantu kulakazhi ni mazamvu awantu makumi atanu. ⁴¹ Hakutambula owu mankenji atanu ninowu anshi ayeji, hakutala mwiwulu nakukiswila nikuhumona mankenji inkumininaku hakwinka atumbazhi twinji hohenohu antu onsu kanja. Wayanzangeneni nawa anshi ayeji ezhima wawu, ⁴² Wezhima wawu ajiili ekutili. ⁴³ Hiyakumona mahebi, ikumi naayeji ambe-e ayizotu yamankenji, niinshi nawa. ⁴⁴ Antu ajiili makenji ajing'i mayala makombakazhi atanu ⁴⁵ Hohenohu hakukanjikizha atumbazhi twinji ninji eng'ili muwatu ayang'ahu jehi kwishinaji kubeteseda hajing'iyi wuchiji kuyila antu ninji ayi kwawu. ⁴⁶ Cheliliyi najishaliki jehi nawu, hakufunaku hakuya haminji alombeleli. ⁴⁷ Chikuneli melela, watu wuji mukachi kezhiya, yena wuji kankawinji mumpata ⁴⁸ Chanamoniyi aji nakuyanja nakuvuwa, mulong'a mpepela yajing'i nakufuma kwayilang'awu. Yena hakuya kuji wena nakwenja hewulu jamenzhi . Chikuneli neyi hiwuchilu chaawufuku chamuchiwana hakwila neyi wukukeng'a kuyipanjakana. ⁴⁹ Ilang'a wena chamimwenuwu nakwenja hewulu jamenzhi, hiyakutong'ozhoka neyi muzhimu hiyakukaloka, ⁵⁰ Tiyenu kuwaha! yami! Bayi mutiya womaku!" ⁵¹ Hakukanjama nawu muwatu, mpepela yimwena nikumwena, Hiyakuhayama nankashi mumichima yawu. ⁵² Mulong'a abulili kwiluka mwayila nsang'u yamankenji, michima yawu yachinchikili. ⁵³ Chiyanawukiwu, hiyakushika kwitung'a jaGenesaleta hiyakukunjika watu kuchikumu. ⁵⁴ Chanafumiwu muwatu, hohenohu antu amwiluka nikumwiluka, ⁵⁵ Hiyakuya lufuchi kumatamba wezhimowu, hiyakutachika kweleka akata hatujiji twawu hiyakuyitwala kwezhima kwamutiyiliwu nawu jiyi kujiyi. ⁵⁶ Mwezhima mweng'ilileng'ayi mumikala, hela muzhimbaka, helatuhu mumatung'a, hiyakutenteka akata kuwulanjilu. Hiyakumulembela nawu akumini jakukunka hela mukunjulu wehina jinji, Antu amavulu amukwatili ezhima akoleli.