¹ Yesu chanejikiliyi kufuma mu tembeli, kamba kinji wumu hakumwila ninji," mwalimu tata owu Malolu kuwaha ninowu Matala!" ² Yesu akumwakuli ninji," wunamoni awa Matala? hikwakashala Ilola jinimu jakanang'amana helola jikwawu jakabula kunatila hesekiku." ³ Chashakaminiyi hampiji oliveta yatalang'ana na Tembeli, apetulu, Yakoba na Yowanu ni Andeli hiyakumwihula kwaka nkawawu nawu, ⁴ "Atulezhi mwani, yimiyi yamba kamwekana mpinjinyi? hakakena kumana yuma yezhikizhilu chaka?" ⁵ Yesu hakutchika kuyila ninji," Babalenu akenda kayiluwang'esha kuji Muntu. ⁶ Amavulu akenza mwizhina jami akela nawu,"jiyi ami," akaluwang'esha amavulu. ⁷ Chimukatiya zhamazhita nimbonzhi zhamazhita bayi mwakakamaku; Yumiyi ching'a yamashika ilang'a kukumisha kanji. ⁸ Mulong'a munza wakanyamuka nakulwa na munza hiwantu na wantu kwakekaa ni Nyitentanshi kwacheng'i na kwacheng'i kwakela ninzala yakapelenjenji. Yumiyi jiyi yihuma yakutachika. ⁹ Enu babalenu. Mulong'a akayitwala muyota, akayetla ni Kumasinagoga. Mwakemaa ku meso yawa Guvulu Ninyantu hansan'gu yamami, kulonja kuyilila wunsahu. ¹⁰ Ilang'a nsang'u yayiwahi ching'a akasambila kuyishimuna kungunza yezhima. ¹¹ Chakayikwatahu nakuyitwala kuji ansompeshi, bayi mwakakamang'ahu jehi yimwakahosha. Yakayinkawu kuhosha; Mpinji oyu, Mulong'a hiyenu mwakahoshaku, Sipilitu wazhila jiyi wakahosha. ¹² Manakwinji wakazhahisha manakwinji, ni Tata wa Wantu wakazhaisha mwaninji. Anyana akafumbukila amvwali zhawu akayizhaisha. ¹³ Akayihela kuji Antu ezhima hansang'u yezhima jami, Ilang'a Muntu wakakakela nikusa, jiyi wakahanda. ¹⁴ Ilang'a mwakmona chishimashima chakaletesha Mahembi hichikwimana kuchabula kutelela,"( yowu wukutang'a ashinshiki) henohu owu akekala mu Yudeya akatemukili kwawu kumapiji ¹⁵ Niwakekala hewulu jetela chakasulukayi baji eng'ila nakumona chuma mwitala jinjuku, ¹⁶ wakekala mwiha bayi akafunta nakumon kahuma kinjuku. ¹⁷ Ilang'a oyu yihung'a yakamonwu akekala namavumu niakamwisha hamafuku owu! ¹⁸ lombelenu chikabuli kwikala hachilala chamashika. ¹⁹ Mulog'a Hamafuku owu hakekala yihung'u yakaji kwikala ng'ahu, jehi kufumisha hatachi haleng'eliyi Nzambi yuma kushika nikulelu hiyamba kekalaku nawa cheng'uku. ²⁰ Ching'a neyi mwanta kukehesha mafuku, owu nehi hikwakekala Antu akahanjaku. kosi, ilang'a nayikehesheli hanyizhimba yawa tonjewa atonjeliyi. ²¹ Cheng'i neyi hakekala Muntu wakayila ninji,' talenu, Kilisitu iwu! hela ninji' talenu owu! baji mwakamukuhwelelaku. ²² Mulong'a hakanyukamuka akilishitu akutwamba akamwekesha injikizhilu nayihamisha kulonda nawu wakaluwang'esha atonjewa, neyi chinatweshiki, niwatonjewa. ²³ Nsong'amenu! nayilezha jeyi yuma yzhima. ²⁴ " Ilang'a amafukuhana yakalonjela yihung'u, itan'wa jakeyila nikakwezhi hakakatongeka mwezhuku, ²⁵ nitutumbwa twakaholoka mwiwula, nin'ovu zhiji mumawulu zhakakanka. ²⁶ Hohenohu akamona mwana ka Muntu hakwinza mu mavu nang'ovu yenini nilubanzhi lwakulema. ²⁷ hohenohu wakatemesha ang'elu zhinji wakapo mpesha inji antonjewa kumpepela zhiwana, kufumisha kuusa yamaseki njoo ni kunsa yewulu. ²⁸ Kwatilenu mana kuchishimu chamutonju wachikuyu. Neyi mutayi wawu wukutachika Mafu, enu himukwiluka nenu nkanza yiji kwakwihi. ²⁹ Jichi ninenu nawa, chimukumona yumiyi hikwinza, ilukenu nenu waji kwakwihi kwoku kuyisa kachi. ³⁰ Nukuyilezha chalala, nami chiskichi hichakahitaku ching'a yuma yezhimiyi yukumona. ³¹ Iwulu niseki akahita, ilang'a mazu ami hiyakahitaka. ³² llang'a ifuku oju hela mpinji, oyu kwosi wayilukaku, chalala hela ang'eli amwiwulu, hela mwana, ching'a Tata. ³³ Nsong'amenu! tonenu, lombelenu mulong'a himuneluki mpinji oyuku. ³⁴ chiji neji muntu nayi nzhila yayilehi_hikupita yacheng'i nashiyi itala jinji nenki anjung'u zhinji wanta, ninyijimu yawu iwu nawinji iwu nawinji nalezhi mukwakuhemba chisu ninji akatoni. ³⁵ Jichi tonenu mulong'a himuneluki hakenza mwenitalaku, kwizhi Melela, kwizhi mukachi kawafuku, kwizhi hetiyilan'a ikombu, kwizhi bujiji. ³⁶ Akabuli kuyikasumwisha chanenzayi, nakuyiwana mutuluku. ³⁷ Chimukuyilenu nayili Niantu ezhima nami: Totenu."