¹ Ba Yawe ebateka; lekeni aba pano calo babe ne sangalashi; lekebi aba mumbali a munika ba sekelele. ² Ama kumbi ne fishi fyali bashinguluka. ubulungami na bukateka emu fula waca kwikalapo cabo. ³ Umulilo eu tangila ne koca aba lwani babo mosemose. ⁴ Ukubyata kwabo kutubisha pe sonde; ne calo cilabona ne kututuma. ⁵ Ne mpilishilasungulika koti ni pula pa mweo aba Yawe, ba shikulo ba calo cose, ⁶ Ne mwulu ilalondolola bukateka bwabo, ne nko shonse shila bona ubukata bwabo. ⁷ Bonse abo aba pepa ifipashanya ba kuba nne isoni, abo aba yufwila mutu bumbwabumbwa - ne kutufukamina, binse muli tubumbwabumbwa! ⁸ Zioni kaufwa eli aleyanga ne misumba sha ku Yuda shili ne sangalashi pamulandu wa bulungami bwenu, ba Yawe. ⁹ Imwe, ba yawe, muli ba kulu mwacila fyonse ifya pa calo. Mwaliba aba imishiwa ukucila utubumbwabumbwa tonse. ¹⁰ Mwe mweba temwa ba Yawe, kaneni satana! Ba lacingilila imyeo shaba cishinka babo, ne ku bafumya u kuboko kwaba bifi. ¹¹ Ulubuti lulasanika pa ba lungami ne ku sekelela kuli abo aba mitima acine. ¹² Beni aba sangalashi muli ba Yawe, mwe balungami; ne kupela ukutota eli mwaibusha bu mushilo bwabo.