¹ Cintu cimo iciwene ukupela amatotelo kuli ba Yawe na ukwimba ishamalumbo pe shina lyenu, mwe ba pulamo, ² ku kulondolola icipangano calucetekelo cone mu lucela na bucine bobe ubu shikulu, ³ ku mwando ukumi ne mapango na kucinda ce seese. ⁴ Muli mwe ba Yawe, mwa panga uwa sangalashi ukupitila mu micita enu. Nge imbane kusangalala pamulandu wa micito a maboko enu. ⁵ Ifyo akula imicito enu, ba Yaw! Amalangulushi enu aba apatali. ⁶ Icipumbu camuntu tati cishibe, na ngulawatumpa tekuti eshibe ifi: ⁷ Eli aba bifi ba mena koti cani, na ngula eli bonse ba citatubi ba shuka shani bacili. ⁸ Sombi mwe, ba Yawe, mu kekala umuyayaya. Cine cine, boneni ku balwani benu, ba Yawe! ⁹ Cine cine, boneni ku balwani benu. Bali ne kuloba! Bonse abo aba cita ububifi ba kasalangana. ¹⁰ Mwaimwa peulu ulusengo lwangi koti lusengo lwa mboo iya lalume; na lisufifwa ne mafuta ayelele. ¹¹ Amenso angi akabona ukupona kwa babifi bangi; amatwi angi akofwa ifyo abalwani angi balecimfishiwa. ¹² Aba lungami ba kalalelema koti citicatucindu; ba kala kula koti mi cenda wa mu Lebanoni. ¹³ Ba kalimbwa mu ng'anda ya ba Yawe; ba kalalelemu mu ceni caba Lesa besu. ¹⁴ Ba katwala ifisabo neli bali ba kote; ba kulaba aba teku na katapa katapa. ¹⁵ Mu kulondolola ifyo ba Yawe baba. Cilibwe cangi, tamwabapo abashalungama muli ye.