¹ Nebo ndi kutotela Yawe ne mutima wandi onse; ndi kulanda fyonse ifipapo ifi acita. ² Nebo ndi kusamwa ne kwanga muli mwebo, ndi kulumba ishina lyenu, mwe bapululamo. ³ Bacitatubi bandi pa kubwelela ku numa, baluku iyi pununa ne kulomba pa mulandu wa kubapo kwenu; ⁴ pakoti mwa pulusha bundubulwila pa mulandu wandi; mulikele pa cifumu cenu, mwebalungami aba pingashi! ⁵ Mwebo mulukuyebaula mwe benna fyalo; mwa lyonawile ba citatubi; mwapasa amashina yabo umuyayaya. ⁶ Bashitatubi bapwa, bali koti mapopane kunukula imishi, ne cibukisho ca koti naciloba. ⁷ Sombi Yawe alukushalilila muyayaya apompamike cipuna cakwe ku kucito bupingushi. ⁸ Alukupingula icalo ne bulungamishi, ne kubwekesha ubupingushi pa bena fyalo ne kulinganishiwa. ⁹ Yawe alukuba umufwantwa icamba icasansuka, icamba icasansuka pindi yaku namanama. ¹⁰ Bonsabo abalukwishiba ishina lyenu ne kutetekele muli mwebo, pakoti mwebo, Yawe mwe ba butukapo abalukumifwaya mwebo. ¹¹ Mulukwiba ishimalumbo kuli Yawe abatekeshi ba Zioni; labileni ku bena fyalo pa fintu acita. ¹² Pa koti Lesa uulanfula mulopa bukisheni, talabe nkuta ya balanda ¹³ Mumbelel uluse, Yawe; boneni ifi na sustika kubali ne lupato kuli nebo, mwe bansumbula ukufuma ku pongolo shafwa. ¹⁴ Koti mupongolo sha mwana umwana kanshi wa Sione emo nondolola ukumitasheni konse, njangila mu kupususha kwenu. ¹⁵ Abena fyalo nabatotobela mu bacinga ubo shacitile; mu citeyo ico bateyele mwa ikatwa amakasa yabo. ¹⁶ Yawe apanga umwine enka ukwishibikwa; acita bupingushi, ababifi baikatwa mu citeyo ca milimo yta minwe yabo ine. ¹⁷ Ababipile batalukako ku mbo, inko shonse sho ishalaba Lesa; ¹⁸ pakoti umubusu takalabwe pe, ukulolela kwa balanda takwakalobe umuyayaya. ¹⁹ Imeni, mwe Yawe, mwilekapo umuntunse aanshe; lekeni inko shipingwilwe ku cinso cenu! ²⁰ Bikeni pali bene ica kutinya, mwe Yawe; lekeni beshibe ukoti bene bantunse fye!